Kɔlɔs 2:1 - Gabri Maja

¹ Leen̰ cɨndi na, ɨŋ gey gɨ kɨŋ na sɨla kardi wɔrɨn̰ɛ gɨ osi tɔgɨ gɨ ɨŋ ɨre kɨbɨ nee worɨn̰ kol caygɨŋ bɨ, kol karmɨni ga ban̰aŋ dan̰ ga kandɨ ga a Lawdise bɨ, kol kalaŋ ga ɗaŋ ga sɨlaŋge dan̰ cɨndɨge naŋ bɨ.

Kɔlɔs 2:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 22:44

Kɨɗɨn̰ ga ɗugoy dusoŋ bɨ ɨrɨme kɔl ɗɨn̰ cayi bɨ le, ban ol Kumu dan̰ togi jɨn̰ nee nee, lee gɨ kɨjan̰e di andaŋ hɨn̰ kɨbar wo̰ ulgudoŋ dugo gɨsəŋ.]

Gɨye-lɔɔ 20:25

«Haw kɛ na, ɨŋ sol kuɗa gɨ kɨŋ-gandi nɔm ga ɨŋ gor duroygɨŋ teen̰ bɛrnɛ kɔl gɨ ojɨn̰ cay dɔɔ-ƴaa gɨ da Kumu le, kɨŋ kɨya sɔlɛ cɨnɨ naŋ bɨrɨŋ ɨni.

Gɨye-lɔɔ 20:38

Hɨnga ga ba leege cɨn̰ kula le, na kɔl gɨ ban ye hɨn̰ kan na gɨ sɔlɛ cɨndi naŋ bɨrɨŋ ɨni le. Kardi nee ɨni na, kan beeyige bɨrɨŋ andɨn̰ danayi kɨbɨ koburo gɨ gumu taa taa gɨŋ.

Galad 4:19

Karɨnɨ ga ɨŋ geygɨŋ tɔgɨ, ɨŋ jɨga way gɨle-cɨn̰ ɗaŋ coŋ hɨn̰ da tama di wɔɔ loo wo̰ kɨya gɨ kɨŋ jɨga karu. Ɨŋ kɨya gɨle-cɨn̰ bɨrɨŋ gɨsin̰ gɨ kɨŋ kɨya bɨləŋ gɨlɨn̰a na hɨn̰ Kɨris wo̰ hɔlɔlɔ.

Pilib 1:30

Haw kɛ na, kɨŋ dɨbɨ gusɨgɨŋ a boy wɔrɨn̰ɛ gɨ tumɔ ɨŋ ba som worɨn̰ii le bɨ. Wɔrɨn̰ɛ gɨ nee le, labɨde kalɨn̰ ma ɨŋ woy kɨbɨ nee te wɔrɨn̰ɛ ƴee, hɨn̰ gɨ kɨŋ ba sol le kɔ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Kɔlɔs 2:5

Hɨn̰ gɨ ɨŋ na unɔ duroygɨŋ dan̰ kuyoŋdi-gusɨnɨ kalɨn̰ ma ɨrɨmenɨ woy caygɨŋ. Lee gɨ kɨɗɨn̰ ga kɨŋ som dan̰ gɨyəŋdi bɨ, kɨŋ som a te Kɨris gɨŋ dan̰ aye kudurɔ ɗe osu bɨ le, gusɨnɨ mɔŋ.

1 Tesalonigɨ 2:2

Hɨn̰ gɨ kɨŋ ba sol le, tumɔ pa dɨm ma gɨ ni kɨya bugoŋ tagɨŋ le, gɨlnige-cɨn̰ bɨ, yagɨdɨnige bɨ, a cay ƴaa-di-gumu di Pilib dɨŋ. Ama Kumu bɨni bandɨ lee gɨ ni tee bɛrnɛ di Kɔl-gɨ-Ɗari koyi, dɨle hundɔrɔ duroy kondɨwadi kɨmbɨl.

Əbɨro 5:7

Kɨɗɨn̰ ga Jesu ban̰ a cay gɨsəŋ gaŋ le, Kumu gɨ ba ɓale poɗii kɨbɨ tɨma dɨŋ le, ban olii bɨ woy kɨbi bɨ wɨlal dan̰ kaŋdi cɨndi bɨ. Bɨ Kumu je ɔlɛ koyi kol dɔbɛ gɨ ban dobɨ cayi bii.

1 Pɨyɛr 1:8

Jesu le, kɨŋ sɨlayi dan̰ cɨndɨgɨŋ naŋ pa pa, ama kɨŋ geyii. Hɨn̰ gɨ haw kɛ kɨŋ na sɨlayi naŋ kalɨn̰ ma, kɨŋ bee kuduroygɨŋ a cayi. Na toy di hɨn̰ wo̰ ma gusɨgɨŋ moogɨŋ tɔgɨ bɨ, moogɨŋ bɨrɨŋ ɗɨn̰ gɨ ni yɔ yɔd bɨ.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»