Kɔlɔs 1:9 - Gabri Maja

⁹ Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

Kɔlɔs 1:9 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 7:17

Hɨn̰ gɨ ungo gɨ ani ani gɨ na gey lɔɔ hɨnga ga kuduroy Kumu gey na, ban kɨya sɔlɛ kɛ hɨnga ga ɨŋ ba gɨlɨn̰ kalaŋ le, sayga na gusi Kumu wala, na gusɨnɨ ɨŋ-bandi ƴɔbɨ ga.

Gɨye-lɔɔ 12:5

Pɨyɛr woy dangay dɨŋ, ama kalaŋ ga Ka-Daye olge Kumu ye man̰ kɔl cayi.

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

1 Korɛ̰t 1:5

Na cɨndi, kɨɗɨn̰ ga kɨŋ ba bugoŋ pɨna dan̰ Jesu-Kɨris le, Kumu woy te tɔrɛ kɨbi caygɨŋ bɨ, woy te lɔɔ gɨ hɨnga ga ni wɔɔ ga toyge kan̰dɨge kan̰dɨge ƴee gusɨgɨŋ cɨrab cɨrab dan̰ kɔl bɨ, dan̰ hɨnga-sɔlɛ bɨ.

Epɛs 1:8

Kumu bɨna cɨn̰-muɗɔlɛ dan̰ cay wɔyɛ-bɨra di ɓal kɔl na kɨya cay ɗarwa di gumu di ban lee danana le.

Epɛs 5:10

Hɨnga ga mon̰ Ba-gulɔŋ le, kuɗa dɔrɛ cɨndɨge.

Epɛs 5:17

Na toy di hɨn̰ wo̰ ma, kɨŋ ɗɔɔ ba lɔɔ hɨnga hɨn̰ ga da kalaŋ ga ka-dɨngale wo̰ naŋ, ama kɨŋ laa agɨŋ solɨn̰ duroy hɨnga ga kuduroy Ba-gulɔŋ gey le kuɗa.

Epɛs 6:6

Lɔɔgɨŋ gɨye gɨ nee le na kɨya cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama kɨŋ ɗa a ɨrɨmedɨgɨŋ gɨŋ gɨ kɨŋ na gɔyɔŋ ga da Kɨris bɨ, laagɨŋ kuduroy geye gɨ da Kumu dan̰ kuyoŋdi-gusɨgɨŋ nɔm bɨ.

Pilib 1:4

Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

Kɔlɔs 4:5

Sɨmagɨŋ dan̰ cɨn̰-muɗɔlɛ a duroy kalaŋ ga na ka-aye kudurɔ naŋ. Kɨɗɨn̰ ga kɨŋ na waa gɨyəŋ gɨ ni loon̰ hɨnga ga ɗari na laagɨŋ daa bɨrɨŋ bɨrɨŋ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 5:17

Ulagɨŋ Kumu daa daa bɨ.

2 Tesalonigɨ 1:11

Na toy di hɨn̰ wo̰ ma, ni ol Kumu cɨndɨni tumɔ tumɔ kol caygɨŋ le, ɗe ban bɨlgɨŋ agɨŋ ɓalɨn̰ somɨn̰ sɔmɛ gɨ hɨrɨwa a te gɨyəŋ gɨ ban təgɨŋ nee le. Bɨ ni olii gɨ ban na bɨgɨŋ tɔgɨ ɗe agɨŋ na leen̰ hɨnga ga ɗadɨrdaŋ nɔm ga kuduroygɨŋ gey lɔɔ bɨ, ɗe aye kudurɔ kogɨŋ lee gɨye bɨ.

Pilemo 1:4

Ay Pilemo, dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge na, ɨŋ hɨn can̰ bɨ ɨŋ leen̰ Kumu hɨnge ho’o bɨ.

Pilemo 1:6

Ji-bandi bɨ, ni-gandi bɨ, aye kudurɔ konagɨŋ toyi na pɨna, bɨ na toy di hɨn̰ wo̰ ma, ɨŋ ol Kumu ɗe aye kudurɔ gɨ nee le, lee gɨye gusɨn̰ ɗe an̰ solɨn̰ hɨnga nɔm ga ɗadɨrdaŋ jɨn̰ tumɔ tumɔ, ga na way te ɔrɛ konagɨŋ dan̰ Kɨris le.

Əbɨro 10:36

Haw kɛ na, kuɗa gɨ kɨŋ ƴɨma kuduroygɨŋ usa ɗe agɨŋ leen̰ hɨnga ga Kumu gey bɨ, wan̰ hɨnga ga ban ye gɨ ɗi na kɨya bɨgɨŋ le.

Magtubu di Jag wal 1:5

Hɨn̰ gɨ ungo pɨna duroygɨŋ cɨn̰-muɗɔlɛ na wɨyi na, kuɗa gɨ ban ɨngɨrɨn̰ Kumu, ban kɨya bii. Kɨya wa ban na ba bɨn̰ kalaŋ nɔm hɨnga, dan̰ kuduroy ga pɨna dɨle son̰ danage.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Pɨyɛr 2:15

Kɨya wa hɨnga ga Kumu gey le, na gɨ kɨŋ na laa hɨnga ga ɗari agɨŋ na ƴɔmɨn̰ kɨbɨ kalaŋ ka-sɔlɛ hɨnga naŋ bɨ, ga dɨngaldaŋ bɨ.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

1 Ja̰ 2:17

Cay gɨsəŋ dan̰ tabɨlaŋdi hɨnga kaa kɨya pɨdege. Ama kalaŋ ga ka-lɔɔ kuduroy geye gɨ da Kumu le, kɨya sɔmɛge danayi dan̰ tumoyge.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.