Kɔlɔs 1:4 - Gabri Maja

⁴ Kɨya wa ni je kol aye kudurɔ kogɨŋ, kol bugoŋ pɨna dan̰ Jesu-Kɨris bɨ, kol geye gɨ kɨŋ gey kalaŋ ga woyge dan̰ cɨndɨge nɔm bɨ.

Kɔlɔs 1:4 ပူးပေါင်းရင်းမြစ်များ

2 Korɛ̰t 7:7

Bandɨ di ni orɨn̰ le uja na cay caga gɨ da Titɨ ƴɔbɨ naŋ, kɔl gɨ ban yeni ojɨn̰ caygɨŋ le dobɨ bandɨ kuduroyni gɨɗaŋ. Ban dorni te gɨyəŋ gɨ kɨŋ dobɨn̰ bandɨ kuduroyi. Ban yeni gɨ tabɨlaŋdi sɔlɛnɨ na ləgɨŋ tɔgɨ bɨ, kɨŋ na ɨləŋ tɔgɨ dan̰ kandi cɨndɨgɨŋ bɨ, na homgɨŋ tɔgɨ kol canɨ bɨ, lee gɨ gusɨnɨ mɔŋ tɔgɨ koldi ƴee coŋ.

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 1:15

Na toy di hɨn̰ wo̰ ma ɨŋ-bandi kalɨn̰ ma, ayɨn̰ toy gɨ ɨŋ ba je kol kuduroygɨŋ ga kɨŋ ba ay bɨn̰ Ba-gulɔŋ Jesu bɨ, kol geye gɨ kɨŋ ba gey kan ga woyge dan̰ cɨndɨge nɔm bɨ na,

Epɛs 6:18

Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 3:6

Ama haw kɛ na, Timote sayga gusɨgɨŋ jɨga bugoŋ gusɨni ɓala wɔlɛ naŋ ƴee, yeni kɔl gɨ ɗari gɨ ojɨ cay aye kudurɔ kogɨŋ bɨ, geye kogɨŋ bɨ. Yeni gɨ kɨŋ na ɨrɨm cayni kuɗa ban̰ nee bɨ, tabɨlaŋ sɔlɛdɨni na leegɨŋ hɨn̰ toni wo̰ bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

Pilemo 1:5

Kɨya wa ɨŋ je kol geye kon̰ bɨ kol aye kudurɔ kon̰ bɨ, gɨ ojɨ cay Ba-gulɔŋ Jesu bɨ, ojɨn̰ cay kan ga woyge dan̰ cɨndɨge nɔm bɨ.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

1 Ja̰ 3:14

Na-gandi na solgɨŋ gɨ na andaŋgɨŋ a kobɨ tɨma dɨŋ coŋ, andɨn̰ a sɔmɛ-bɨra gɨŋ kɨya gɨ na gey karmiinagɨŋ ga ban̰aŋ dan̰ ga kandɨ. Waŋ waŋ gɨ na gey karmii ga ban̰aŋ dan̰ ga kandɨ naŋ na, ban baa na a te dɔnɔ di da tɨma dɨŋ ƴee.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

1 Ja̰ 4:16

Na-gandi na, na solgɨŋ geye gɨ Kumu geynagɨŋ bɨ, na beegɨŋ kuduroynagɨŋ cay nee bɨ. Kumu na geye, lee gɨ ungo gɨ geye na wɨya kuduroyna, ban bugoŋ pɨna dan̰ Kumu bɨ, Kumu bugoŋ pɨna danayi bɨ.