Kɔlɔs 1:29 - Gabri Maja

²⁹ Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Kɔlɔs 1:29 ပူးပေါင်းရင်းမြစ်များ

Kɔl-gɨ-Ɗari gɨ Lug wal 13:24

«Ko na wa wa kalɨn̰ ma laagɨŋ agɨŋ andɨn̰ dan̰ kɨbɨ gɨyəŋ gɨ sɛlgɛgɛ. Aŋ yəgɨŋ daa waŋ, kondɨwadi kalaŋ kɨya malege gɨyəŋ age na andɨn̰ nee ama kɨya ɓalege naŋ.

Magtubu di Pol wal bɨn̰ kalaŋ ga Rɔm 15:20

Ama ɨŋ gey tɔgɛ bɛrnɛ di da Kɔl-gɨ-Ɗari tɔgɨ na a kɨɗɨn̰ ga ungo ja guson̰ Kɨris nee naŋ ƴee ƴɔbɨ, ɗe aŋ na gaɗɨn̰ ƴaa a cay te ƴaa gɨ da ungo gɨ ɗaŋ gɨŋ naŋ.

Magtubu di Pol wal bɨn̰ kalaŋ ga Rɔm 15:30

Haw kɛ na, ay karmɨnɨ ga ban̰aŋ dan̰ ga kandɨ, ɨŋ olgɨŋ dan̰ gɨyəŋ gɨ da Ba-gulondɨna Jesu-Kɨris bɨ, dan̰ gɨyəŋ gɨ da geye gɨ Turnɔ di da Kumu bɨn̰ ungo bɨ le, hɨnga ga ba kɛ: Ɗagɨŋ gusɨgɨŋ kɨbɨ wɔrɨn̰ɛ gɨŋ danaŋ pɨna bɨ, ulan̰gɨŋ Kumu kol canɨ bɨ.

1 Korɛ̰t 12:11

Na Turnɔ di da Kumu di pɨnaa di nee le ba lɔɔ hɨnga ga nee le nɔm. Hɨndi gosɨn hɨnga ga ni bee-kalɨn̰ ga nee le bɨn̰ waŋ waŋ kalɨn̰ ma dan̰ kuduroy geye kɔɔ.

1 Korɛ̰t 12:6

Gɨyəŋ gɨ kalaŋ leen̰ge gɨye toy kondɨ, ama na Kumu gɨ pɨna hayi gɨ nee le ma, mana ba lɔɔdɨge nɔm a kuduroyna nɔm.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

2 Korɛ̰t 13:3

Kɨŋ gey gɨ ɨŋ na gɨlgɨŋ hɨnga ga gɨl gɨ Kɨris na yəgɨŋ kɔl dan̰ kɨbɨnɨ ɨŋ-bandi. Kɨŋ kɨya sɔlɛ-hɨngadɨge haw kɛ: Kɨris gɨ a gusɨgɨŋ le dɔnɔdi dḛ naŋ bɨ, ban gɨl dɔnɔ toyi duroygɨŋ leen̰ cɨndi bɨ.

2 Korɛ̰t 5:9

Na toy di hɨn̰ wo̰ ma, hɨn̰ gɨ na na sɨma naa a boy kuyoŋdi-gusɨna gɨ a cay gɨsəŋ gaŋ kɛ wala, na na ɗay coŋ kalɨn̰ ma, hɨnga ga cɨla ɗɨn̰ hɨnga nɔm ga ɗaŋ na, na gey lɔɔ na hɨnga ga kɨya ƴɔɔ cɨn̰ Ba-gulɔŋ.

2 Korɛ̰t 6:5

Tenige bɨ, beenige dangay dɨŋ bɨ, gosɨrge kalaŋ cayni bɨ, ni lee gɨye ga osɨdəŋ osɨdəŋ bɨ, ni narɨn̰ cɨndɨni kuŋ bɨ, ni hay kɨbɨni bɨ.

Epɛs 1:19

ɗe ana na solɨn̰ dɔnɔ di kondi di lee gɨye kol cayna na-gandi ka-aye kudurɔ le bɨ. Na dɔnɔ di ɗɨn̰ cɨn̰-kɨɗɨn̰ bɨ, hɨndi ma na dɔnɔ di Kumu gɨl a cay Kɨris,

Epɛs 3:20

Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le.

Epɛs 3:7

Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 1:30

Haw kɛ na, kɨŋ dɨbɨ gusɨgɨŋ a boy wɔrɨn̰ɛ gɨ tumɔ ɨŋ ba som worɨn̰ii le bɨ. Wɔrɨn̰ɛ gɨ nee le, labɨde kalɨn̰ ma ɨŋ woy kɨbɨ nee te wɔrɨn̰ɛ ƴee, hɨn̰ gɨ kɨŋ ba sol le kɔ.

Pilib 2:13

Ho’o, na Kumu gusi ba lɔɔ gɨye kuduroygɨŋ bɨ, bɨgɨŋ kuduroy-geye dan̰ tɔgɨ ɗe agɨŋ na leen̰ hɨnga ga ɗari ga ban ojɨ.

Pilib 2:16

kɨya gɨlɨn̰ kɔl gɨ ni somɨn̰-bɨra. Hɨn̰ gɨ kɨŋ na bɨl wɨya hɨn̰ wo̰ na, ɨŋ kɨya ɓale aye canɨ daa a boy wɔlɛ gɨ Kɨris kɨya cagan̰ gɨŋ. Bɨ na hɨnga ga nee le ba kɨya gɨle gɨ gɨye hɨnge nɔm bɨ gɨlale hɨnge nɔm bɨ le, na hɨnga ga kɨya ban̰ gusɨnɨ naŋ.

Kɔlɔs 2:1

Leen̰ cɨndi na, ɨŋ gey gɨ kɨŋ na sɨla kardi wɔrɨn̰ɛ gɨ osi tɔgɨ gɨ ɨŋ ɨre kɨbɨ nee worɨn̰ kol caygɨŋ bɨ, kol karmɨni ga ban̰aŋ dan̰ ga kandɨ ga a Lawdise bɨ, kol kalaŋ ga ɗaŋ ga sɨlaŋge dan̰ cɨndɨge naŋ bɨ.

Kɔlɔs 2:12

Dan̰ gɨyəŋ gɨ da batɛm di kɨŋ ba lee le, ɨmgɨgɨŋge pɨna dan̰ Kɨris bɨ, kɨŋ boy lɨbɨ pɨna danayi bɨ. Kɨya wa kɨŋ bee kuduroygɨŋ cay dɔnɔ di da Kumu di boyii lɨbii duroy kalaŋ ga madɨrdaŋ gaŋ le.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

2 Tesalonigɨ 3:8

Hɨnga ga ni di le, na ungo mani ɨngɨrii ɗe bɨni naŋ. Ama ni lee gɨye gɨlalɨn̰ ƴomɨn̰ kɨjan̰e dan̰ son̰do dan̰ tɨwa di ɨni bɨ, ɗe ani na nɨn̰in̰ ungo pɨna duroygɨŋ naŋ.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

Əbɨro 12:4

Gɨsɨn̰ haw kɛ kalɨn̰ ma kɨŋ ƴɨma gusɨgɨŋ usa kɨbɨ kɨmbɨl gɨŋ dan̰ ɨsɨna maran̰ naŋ ƴee.

Wasɨn̰a 2:3

Ɨŋ sol gɨ gɨle-cɨn̰ andaŋ caygɨŋ kol gusoŋnɨ bɨ, kɨŋ ƴom kuduroygɨŋ osu duroy nee bɨ, ɨŋ sol gɨ kɨŋ gabaŋ naŋ bɨ.