Kɔlɔs 1:28 - Gabri Maja

²⁸ Na Kɨris gɨ nee le ma mani tee bɛrnɛdi bɨn̰ kalaŋ nɔm. Ni halɨn̰ ungo gɨ ani ani bɨ, ni gɨlɨn̰ ungo gɨ ani ani kɔl dan̰ cɨn̰-muɗɔlɛ nɔm bɨ, ɗe gɨ kalaŋ ga ani ani kalɨn̰ ma na bɨlɨn̰ge kalaŋ ga duroŋ cɨrɛɗ te bugoŋ pɨna dan̰ Kɨris.

Kɔlɔs 1:28 ပူးပေါင်းရင်းမြစ်များ

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Matɨyo 5:48

Duroŋgɨŋ cɨrɛɗ, hɨn̰ gɨ Baygɨŋ gɨ woy a daa nii duroŋ cɨrɛɗ wo̰ bɨ.

Marg 6:34

Kɨɗɨn̰ ga Jesu gɨsɨn duroy koburo gɨ gumu gɨŋ na, ban sol dɨmdɨrdi kalaŋ dan̰ kondiige somge amiige. Cɨndɨge leeyi cɨn̰-n̰age kɨya wa kan woy gɨlɨn̰ hɨn̰ gamge ga ba sɔlɛ kardɨge unɔ wo̰. Ɨni na, ban ay te gɨlge hɨnga dan̰ kondiige.

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 13:38

«Karmɨnɨ, kuɗa gɨ kɨŋ sɨla kɔl gɨ ni ba yəgɨŋ kɛ le kuɗa: Gasɨn̰-kɔl gɨ da Moyis le kɨya ɓale dɔrɛ kɔl caygɨŋ naŋ bɨrɨŋ. Ama labɨde, ni tee bɛrnɛ di da kuduroy jalɨwa cay ɨsɨna na kɨya cay Jesu.

Gɨye-lɔɔ 17:18

Ka-gɨlɨn̰ kalaŋ kɔl ga pɨna wo̰, say man̰ge kɔl dan̰ Pol. Kan na kalaŋ ka-ɨrɨme kɔl tɔgɨ cay kɔl nɔm ga da Epikursin̰ḛn̰əŋ bɨ, Ɛstoyisin̰ḛn̰əŋ bɨ, kan jege kɔl gɨ ojɨ cay Jesu bɨ, cay bɔyɛ lɨbe koyi bɨ. Ɨni na, kan ga pɨna wo̰ yege hɨn̰: «Na kɔl wa ma ba-yɔɔ kɔl tɔgɨ gɨ kɛ le ɨre ye wo̰ ga?» Bɨ kan ga ɗaŋ yege hɨn̰: «Ni sol cɨndi woy hɨn̰ gɨ da ba tɔgɛ bɛrnɛ gɨ da kulan̰əŋ ga a cay gɨsəŋ ga ɗaŋ gaŋ wo̰.»

Gɨye-lɔɔ 17:3

Ban dor te kɔl gɨ kan walge duroy Magtubu dɨŋ le ɗe tumoyge bɨ, gɨlge gɨ hɨn̰ gɨ kan ba walge duroy magtubu dɨŋ le. Naa wa wa kalɨn̰ ma Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, mare bɨ, bɔyɛ lɨbe duroy kalaŋ ga madɨrdaŋ gaŋ bɨ. Ban yege hɨn̰: «Jesu gɨ ɨŋ ba tee bɛrnɛdi kɛ le, na ban ma na Kɨris ban gɨ Kumu dorii le.»

Gɨye-lɔɔ 20:31

Hɨn̰ wo̰ na, sɨgɨŋ muɗɔlɛ cay gusɨgɨŋ gɨŋ bɨ. Hɨngɨŋ cay ɨlge gɨ sɨbɨ, gɨ son̰do bɨ, tɨwa di ɨni bɨ, ɨŋ ba dɨl halgɨŋ pɨna pɨna dan̰ ɨle cɨnɨ naŋ le.

Gɨye-lɔɔ 3:20

Ɨni na, Ba-gulɔŋ kɨya bɨgɨŋ wɔlɛ gɨ ni dorɨn̰ gɨlale, kɨɗɨn̰ ga ban kɨya gɨygɨn̰ dan̰ Jesu-Kɨris gɨ ban naa dorii tumɔ ojɨn̰ caygɨŋ le.

Gɨye-lɔɔ 5:42

Kan gɨlɨn̰ kalaŋ kɔl bɨ, teen̰ge bɛrnɛ Kɔl-gɨ-Ɗari gɨ da Jesu-Kɨris bɨ, dan̰ wɔlɛ pɨna pɨna a duroy gulɔŋ ƴaa-di-da-Kumu dɨŋ bɨ, a duroy ƴaadɨge dɨŋ bɨ.

Gɨye-lɔɔ 8:35

Dan̰ gɨyəŋ gɨ da kɔl gɨ woy duroy Magtubu di nee dɨŋ le, Pilib ay kɔl teen̰ bɛrnɛ Kɔl-gɨ-Ɗari gɨ da Jesu bɨn̰ ungo gɨ Etɨyopi le.

Gɨye-lɔɔ 8:5

Pilib or a cay ƴaa-di-gumu di pɨna wo̰ di woy a cay gɨsəŋ ga Samari gaŋ teen̰ bɛrnɛ di da Kɨris ban gɨ Kumu dorii le a nee.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 15:12

Hɨn̰ gɨ na-gandi nɔm na na tɨga bɛrnɛ gɨ Kumu na bɨya Kɨris lɨbii na, kɛ na mɨna ma kalaŋ ga pɨna duroygɨŋ yege gɨ kalaŋ ga mage na kɨya bɔyɛge lɨbe naŋ ga?

1 Korɛ̰t 2:15

Ama ungo gɨ orɨn̰ dan̰ Turnɔ le, kɨya ɓale dɔrɛ cɨn̰ hɨnga nɔm. Hɨn̰ wo̰ na, ungo pɨna kalɨn̰ ma kɨya ɓale dɨbe kɔl cayi naŋ.

1 Korɛ̰t 2:6

Ama kɔl gɨ ni gɨlɨn̰ kalaŋ ga da Kɨris ga cɨndɨge na le na cɨn̰-muɗɔlɛ. Ama na cɨn̰-muɗɔlɛ di a cay gɨsəŋ gaŋ kɛ naŋ bɨ, na cɨn̰-muɗɔlɛ gɨ da kɨlma gɨ a cay gɨsəŋ gaŋ kɛ naŋ bɨ, ga woy kɨya mundoŋ coŋ.

1 Korɛ̰t 4:14

Ɨŋ wal kɔl gɨ kɛ le na kɨya dɨbɨn̰ dasi caygɨŋ naŋ, ama na kɨya halgɨŋ hɨn̰ karɨnɨ ga ɨŋ lee-toyge wo̰.

2 Korɛ̰t 10:14

Ni hɨngɨɗɨ cay kɨɗɛlɛ koni ɗa dugo kɨɗɨn̰ ga ni ba or bɨrɨŋ andaŋ tagɨŋ naŋ. Ni bɨləŋ na ga cay wase ga teege bɛrnɛ Kɔl-gɨ-Ɗari gɨ da Kɨris bɨgɨŋ.

2 Korɛ̰t 11:2

Ɨŋ lee jangɨ kol caygɨŋ bɨ jangɨ di ɨŋ lee le, na jangɨ di sayga gusi Kumu. Kɨya wa ɨŋ gey gɨlgɨŋ bɨn̰ Kɨris hɨn̰ tɨmbali di cɨl di sɨla bara naŋ ƴee wo̰ di ɨŋ ƴom caa na kol bara pɨna ƴɔbɨ, bara gɨ nee le na Kɨris.

2 Korɛ̰t 4:5

Na cɨndi, kɨɗɨn̰ ga ni ba tee bɛrnɛ le, ni tɨga na bɛrnɛ di uja cayni naŋ, ama ojɨ na cay Jesu-Kɨris gɨ na Ba-gulɔŋ. Gɨ ojɨ cayni ni-gandi na, ni ye gɨ ni naa marɨne kagɨŋ ka-gɨye kol Jesu.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 5:27

Kɨya wa ban gey ɨrgan̰ dan̰ Ka-Daye tumoy gusi koyi gaŋ, hɨn̰ tama di jɨran̰de jə̰ jə̰ bɨ, di mɨdage ɨsɨboo naŋ bɨ, di guso bɨga gangɨ naŋ bɨ, di kɨway guso gɨ mundoŋ unɔ bɨ. Ban gey gɨ Ka-Daye na wɨyage dan̰ cɨndɨge bɨ, masadɨge na unɔ bɨ.

Kɔlɔs 1:22

Ama haw kɛ na, Kumu beegɨŋ pɨna danayi kol cay kuyoŋdi Kɨris dan̰ gɨyəŋ gɨ da tɨmaydi ɗe lee gɨ kɨŋ na andan̰ cɨn̰ Kumu hɨn̰ kalaŋ ga woyge dan̰ cɨndɨge bɨ, ga masadɨge unɔ bɨ, ga ungo ɓala dɨbɨge kɔl cayge naŋ bɨ.

Kɔlɔs 2:10

Kɨŋ way hɨnga ga nee le ɓadɨldɨn̰ a gusi Kɨris, hɨnga ga wɨygɨŋ unɔ. Kɨris na ba cay ka-dɔɔ-ƴaa nɔm bɨ, na ba cay ka-dɔnɔn̰əŋ nɔm bɨ.

Kɔlɔs 2:3

Kɨris le kandi-wɔɔ ga da cɨn̰-muɗɔlɛ nɔm, dan̰ hɨnga-sɔlɛ ga toyge kan̰dɨge kan̰dɨge bɨ, wosɨ gusɨge a gusi.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Tesalonigɨ 4:6

Ojɨ cay kɔl gɨ nee le na, ɗɔɔ gɨ ungo mɔndɛ kuduroy kurɨndi wala tɨmdi naŋ bɨ, nare cɨndɨgɨŋ malɨn̰ gusɨgɨŋ kardi gusɨgɨŋ naŋ bɨ. Kɨya wa Ba-gulɔŋ kɨya gɔjɛ-baa di da hɨnga nɔm ga nee le. Ni yəgɨŋ kɔl gɨ nee le tumɔ bɨ, ni gɨlgɨŋ gɨ naa cɨndi bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Timote 3:2

Ɨni na, kuɗa gɨ ban wɨya na ungo gɨ masadi unɔ bɨ, tamdi na pɨnaa bɨ, ban na ungo gɨ ba ƴɔmɛ gusi osɨwa cay hɨnga bɨ, ba sɔlɛ-hɨnga ga ɗari dɨm ma kɨya lɔɔ bɨ, na ungo gɨ gɨye-lɔɔdi ƴee cɨn̰ kalaŋ bɨ, na ungo gɨ ba ƴɔmɛ kɨrge gusi kuɗa bɨ, gɨ sol gɨlɨn̰ kalaŋ hɨnga bɨ.

Əbɨro 10:14

Na toy di hɨn̰ wo̰ ma, kɨɗɨn̰ ga Jesu ba ay gusi been̰ kɨbar cay pɨna ɗɔɔ ƴɔbɨ le, ban lee gɨ kan ga ban dorge mɨra te ɨsɨna gɨŋ le, bɨləŋge kalaŋ ga kuɗa duroŋ cɨrɛɗ dan̰ cɨndɨge.

2 Pɨyɛr 3:15

Ɨrɨmgɨŋ a cay sɨngɨɗɨwa gɨ da dɨbe ɗugɔ da Ba-gulondɨna bɨ, ban ay cayi na ɗe gɨ kalaŋ na poɗɨn̰ge bɨ. Kɔl gɨ nee le gɨlɨn̰ na dan̰ kɔl gɨ da kurɨndɨna Pol gɨ ni lee-toyi ba wal bɨgɨŋ dan̰ gɨyəŋ gɨ da cɨn̰-muɗɔlɛ di Kumu bii le.