Kɔlɔs 1:23 - Gabri Maja

²³ Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:23 ပူးပေါင်းရင်းမြစ်များ

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Kɔl-gɨ-Ɗari gɨ Lug wal 22:32

Ama ɨŋ-bandi na, ɨŋ ol Kumu kol can̰ ɗe aye kudurɔ kon̰ na gɨ jɔgɛ karu naŋ. Kɨɗɨn̰ ga ji na bɨl gɨye lɔɔdɨn̰ jɨge gusɨnɨ na, dɨba bandɨ a kuduroy karmɨn̰.»

Kɔl-gɨ-Ɗari gɨ Lug wal 6:48

Ban gɨlɨn̰ na hɨn̰ ungo gɨ ba gaɗe ƴaa, ama pay umboŋ ɗe ɗɨge mɨrɨg bɨrɨŋ andaŋ cay garma gɨŋ pa dɨm ma ɗen̰ te ƴaa cay nee ƴee wo̰. Kɨɗɨn̰ ga kaŋdi kuray na buyoŋ ɨra te ƴaa di nee dɨŋ bɨ, tɨgaa paj paj bɨ, yɨbagdaa yɨbag yɨbag bɨ kalɨn̰ ma ƴaa le kɨya dusoŋ naŋ. Kɨya gɨ ungo le gaɗɨ ƴaa le kuɗa.

Kɔl-gɨ-Ɗari gɨ Ja̰ wal 15:6

Hɨn̰ gɨ ungo na bugoŋ pɨna danaŋ naŋ na, kan kɨya dɨbiige coŋ kardi yagedi suru gɨŋ ɗe hay. Karɨn̰ kobɨ hɨyadi suru ga hayi le, kan kɨya lɔbɛge dayege daa ulege mɨɗɔgɨ mɨɗɔgɨ coŋ.

Gɨye-lɔɔ 1:17

Judasɨ le, tumɔ kan ɗoŋgɨsiige duroyni bɨ, gɨye gɨ ni ba lee le kalɨn̰ ma, kan biige kɨway gɨ ojɨ cay danani bɨ.

Gɨye-lɔɔ 1:25

ɗe ƴee ban̰di Judasɨ boy gɨye gɨ ni gɨre-gɨye gɨ ban ba ɗe coŋ, orɨn̰ kɨɗɨn̰ ga ojɨ cayi gaŋ le.»

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 2:5

A boy wɔlɛdi gɨ nee le, kalaŋ ga ni Jubɨ ga jege kɔl kɨbɨ Kumu somge a cay ƴaa-di-gumu di Jerusalɛm dɨŋ. Kan saygage na duroy te wɔɔ gɨ da kalaŋ nɔm ga a cay gɨsəŋ gaŋ ɨrgage somge nee.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 26:16

Haw kɛ na, sa ɨr dan̰ tɨban̰ daa bɨ ɨŋ kɨya yon̰ na kɨya wa ma maŋ gɨl gusɨnɨ bɨn̰ le. Ɨŋ dorɨn̰ ɗe gɨ ji na bɨl ba-gɨye hɨnge bɨ, tɨmon̰ hɨnge bɨ. Ji kɨya yon̰ kalaŋ kol hɨnga ga ɨŋ ba haŋgɨ cayge bɨn̰ haw kɛ bɨ, kol hɨnga nɔm ga ɨŋ kɨya haŋge cayge bɨn̰ kardi nee bɨ.

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Magtubu di Pol wal bɨn̰ kalaŋ ga Rɔm 10:18

Hɨn̰ gɨ naa hɨn̰ wo̰ na, ɨŋ kɨya ɨngɨre kɔl pɨna: Kɛ, leen̰ cɨndi Jubɨn̰əŋ baage jɔɔge kɔl le ƴee ga? Naŋ, kan jege kuɗa hage. Kɨya wa Magtubu di da Kumu ye hɨn̰: «Te tumoyge ye ƴee cay gɨsəŋ nɔm bɨ, Ho’o, kɔl yɔdɨge kalɨn̰ ma or bɨrɨŋ, Andaŋ a kɨbɨ gɨsəŋ gaŋ.»

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

1 Korɛ̰t 3:5

Ɨni na, Apolos na waŋ bɨ Pol na waŋ bɨ ga? Kan na marɨne ka-lɔɔ gɨye ga da Kumu ga kɨŋ ay kuduroygɨŋ dan̰ gɨyəŋ koge ƴɔbɨ. Waŋ waŋ kalɨn̰ ma duroyge lee gɨye na dan̰ gɨyəŋ gɨ da tɔgɨ gɨ Ba-gulɔŋ bii.

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

2 Korɛ̰t 3:6

Na ban ba bɨni dan̰ tɔgɨ di ojɨ ɗe ani na bɨlɨn̰ ka-gɨye bɨ, ani na leen̰ gɨye bɨn̰ Kumu a te saɗe kɨbɨ pɨna ɓɨse gusu gɨ hɨrɨwa gɨŋ bɨ. Saɗe kɨbɨ pɨna ɓɨse gusu gɨ hɨrɨwa gɨ nee le na gɨ da gasaŋ ga walge jɨne naŋ, ama na gɨ da Turnɔ di da Kumu di dor tumoyna. Kɨya wa gasaŋ ga walge a duroy magtubu dɨŋ le ɨrgan̰ na dan̰ tɨma, ama Turnɔ di da Kumu ɨrgan̰ na dan̰ sɔmɛ-bɨra gɨ dan̰ tumoyi.

2 Korɛ̰t 4:1

Kumu sol cɨn̰-n̰age toni, lee gɨ ban bɨni gɨye gɨ nee le. Na toy di hɨn̰ wo̰ ma, gusɨni marani naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 4:11

Ay, ɗugonɨ ba dugo naŋ kol caygɨŋ, ojɨ gɨ gɨye gɨ ɨŋ lee duroygɨŋ gɨlalɨn̰ le, gɨ ban̰ gusɨnɨ ga?

Galad 5:5

Kona na-gandi ga na ba bee ɨrɨmedɨna a cay Kumu le, na sol gɨ ban bɨlna leen̰ kalaŋ ga dan̰ durɔ ɗɨngar. Bɨ na kɨya cay Turnɔ di da Kumu di lee gɨye dan̰ gɨyəŋ gɨ da aye kudurɔ konagɨŋ le ma, mana somɨn̰gɨŋ amɨn̰gɨŋ wɔlɛ gɨ nee le.

Galad 5:7

Kɨŋ gɨre kuɗa a te gɨyəŋ gɨ da Kɨris gɨŋ, hagɨŋ bɨ kɛ na waŋ ba jɨga nargɨŋ bɔgɛ kɔl a cay kɔl gɨ cɨndi gɨŋ le ga?

Galad 6:9

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

Epɛs 1:18

Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge,

Epɛs 2:21

Na dan̰ te bugoŋ pɨna dan̰ Kɨris ma oru gɨ da ƴaa gɨ nee le pɨna pɨna ƴom gusɨge pɨna bɨ, ƴaa le say daa bɨlɨn̰ ƴaa-di-da-Kumu gɨ woy dan̰ cɨndi bɨn̰ Ba-gulɔŋ.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Epɛs 4:16

Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Kɔlɔs 1:25

Ɨŋ bɨle ba lɔɔ gɨye gɨ da Ka-Daye, na kɨya loon̰ gɨye gɨ Kumu ba bəŋ kɔbɔŋ kol caygɨŋ. Gɨye gɨ nee le, na tɔgɛ bɛrnɛ di da kɔl gɨ da Kumu gɨ ban bəŋ kɔbɔŋ ɗəndəŋ bɨgɨŋ.

Kɔlɔs 2:7

Dɨbagɨŋ sarnaygɨŋ dugo gag gusii bɨ, ɨrgɨŋ usa a cayi bɨ, cay aye kudurɔ gɨŋ hɨn̰ gɨ kan ba gɨlgɨŋ le wo̰ bɨ, laan̰gɨŋ Kumu ho’o jɨn̰ tumɔ tumɔ bɨ.

1 Tesalonigɨ 3:3

Ɗe hɨnga ga ni gɨwase ga ba leeni kɛ le, gabe ungo pɨna duroygɨŋ naŋ. Kɨya wa kɨŋ sol gɨ Kumu ɗe hɨnga ga ni gɨwase ga hɨn̰ wo̰ le, woy duroy hɨnga ga Kumu ƴom cay tɨbayige ojɨn̰ cayna.

1 Tesalonigɨ 3:5

Na ban ma ɨŋ waa kɨɗɨn̰ ga ni dɨbɨn̰ ɗugonɨ naŋ, lee gɨ ɨŋ gɨy Timote ɗe na je kɔl gɨ ojɨ cay aye kudurɔ kogɨŋ le. Ɨŋ hɨndar gɨ Ba-gɨybe kalaŋ na da gɨybɨgɨŋ ɗe gɨlaledɨni da ban̰ gusɨni.

1 Tesalonigɨ 5:8

Ama na-gandi ga na kalaŋ ga da kɨɗɨn̰ ga woli le, kuɗa gɨ na ƴɨma gusɨna a cay hɨnga nɔm. Dɨbanagɨŋ badɨge ga ni kɨmbɨl ga na nare gɨ na aye kudurɔ bɨ, geye bɨ le a gusɨnagɨŋ, bɨ jagɨwa ga ni kɨmbɨl gɨ na bɔgɛ ɨrɨmedɨna cay pɔɗɛ gɨŋ le, cayna gɨŋ bɨ.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

1 Timote 1:12

Ɨŋ leen̰ ho’o Ba-gulondɨna Jesu-Kɨris ba bəŋ tɔgɨ, kɨya wa ban sol gɨ ɨŋ ɓal gɨ ban na kɨya bəŋ kuduroyi. Lee gɨ Ban ayaŋ a boy gɨye koyi gɨŋ.

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Titɨ 3:7

Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

Əbɨro 10:38

Ungo gɨ na ungo hɨnge gɨ dan̰ durɔ ɗɨngar le, Kɨya sɔmɛ-bɨra leen̰ cɨndi kɨya cay aye kudurɔ. Ama hɨn̰ gɨ ban na dɨra toyi karu na, Gusɨnɨ kɨya mɔŋ danayi naŋ.»

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

Əbɨro 6:19

Hɨnga ga na bee ɨrɨmedɨna cay nee ga nee le, na hɨnga ga saɗɨ sɔmɛ-bɨra kona dugo kɨɗɨn̰ pɨna ɗɛgɛgɛ wo̰. Na hɨnga ga leen̰ cɨndi bɨ ɨre osu bɨ. Hɨnga ga na bee ɨrɨmedɨna cay nee le, or bɨrɨŋ andaŋ ƴen̰ a kardi badɨge ga kan bon̰ge duroy ƴaa di Kumu woy duroy nee.

1 Pɨyɛr 1:3

Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.

1 Ja̰ 2:27

Ama kogɨŋ kɨŋ-gandi na, Turnɔ ɗe-kuduroy-bɛrɛ di Kɨris n̰ɨgɨ caygɨŋ hɨn̰ sɔŋ wo̰ le som danagɨŋ dan̰ wɔlɛ pɨna pɨna. Na toy di hɨn̰ wo̰ ma, kɨŋ ɨran̰ dan̰ n̰age gɨ ungo na gɨlgɨŋ hɨnga naŋ ɨni. Ama Turnɔ ɗe-kuduroy-bɛrɛ di Kɨris bɨgɨŋ le, gɨlgɨŋ hɨnga nɔm. Turnɔ ɗe-kuduroy-bɛrɛ le, kɔl kɔɔ na hɨnde bɨ, ya poy naŋ bɨ. Bugoŋgɨŋ pɨna dan̰ Kɨris hɨn̰ gɨ Turnɔ ɗe-kuduroy-bɛrɛ ba gɨlgɨŋ wo̰.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.