Kɔlɔs 1:13 - Gabri Maja

¹³ Ho’o, Kumu dornagɨŋ a te dɔnɔ di da dɨlɨm dɨŋ bɨ, orɨn̰ dananagɨŋ a boy dɔɔ-ƴaa gɨ da Kurondi gɨ ban geyi gɨŋ bɨ.

Kɔlɔs 1:13 ပူးပေါင်းရင်းမြစ်များ

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Kɔl-gɨ-Ɗari gɨ Lug wal 13:24

«Ko na wa wa kalɨn̰ ma laagɨŋ agɨŋ andɨn̰ dan̰ kɨbɨ gɨyəŋ gɨ sɛlgɛgɛ. Aŋ yəgɨŋ daa waŋ, kondɨwadi kalaŋ kɨya malege gɨyəŋ age na andɨn̰ nee ama kɨya ɓalege naŋ.

Kɔl-gɨ-Ɗari gɨ Lug wal 22:53

Dan̰ wɔlɛ pɨna pɨna, ɨŋ ɨre danagɨŋ pɨna a duroy gulɔŋ ƴaa-di-da-Kumu dɨŋ kɛ bɨ, ungo pɨna wo̰ dɨba kobi gusɨnɨ kɨya ƴɔmɔŋ naŋ. Ama tɨwa di haw kɛ na, na tɨwa togɨŋ bɨ, na tɨwa da dɔnɔ di ɨsɨni di lee gɨye boy dɨlɨm dɨŋ bɨ.»

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Kɔl-gɨ-Ɗari gɨ Ja̰ wal 3:35

Kɨye Bayi gey kurondi, lee gɨ ban ɗe hɨnga nɔm a duroy kobi gɨŋ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

2 Korɛ̰t 11:14

Gɨ nee le, na kɔl gɨ kɨya kaye ungo sɛl sɛl naŋ, kɨya wa Sidan guso kɔɔ kalɨn̰ ma lee guso gɨlɨn̰ hɨn̰ ba-ƴɔbɛ gɨ daa nii gɨ asɨn̰ wo̰.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Epɛs 1:6

Ɗe gɨ ana na hɨramii kɨya cay gusoŋ-tɔgɛ koyi bɨ, kɨya cay ɗarwa di gumu di ban lee danana kɨya cay bugoŋ gɨ na bugoŋ pɨna dan̰ kurondi, ungo gɨ ban lee-toy tɔgɨ.

Epɛs 4:18

Ɨrɨmedɨge na ɨrɨme gɨ woy duroy dɨlɨm dɨŋ. Sɔmɛ-bɨra gɨ Kumu bee le, kan wɨyage boy nee naŋ kɨya wa sɔlɛ-hɨnga naŋ woy cayge bɨ, kuduroyge say osu bɨ.

Epɛs 5:5

Jagɨŋ kuɗa. Ungo gɨ ba lɔɔ gɨye yɔyɛ gɨ toy kan̰di kan̰di bɨ, lɔɔ hɨnga ga ni dasi wala orɨn̰ dan̰ tabɨlaŋdi wɔɔ hɨnga bɨ le, ban kɨya wɔɔ hɨnga a boy dɔɔ-ƴaa gɨ da Kɨris dan̰ Kumu naŋ. Orɨn̰ dan̰ tabɨlaŋ di ni woon̰ hɨnga le gɨlɨn̰ na hɨn̰ n̰ɨre kula wo̰.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

Epɛs 6:12

Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

1 Tesalonigɨ 2:12

Ni bee kɔl-gɨ-ɗari kuduroygɨŋ bɨ, dobɨ bandɨ kuduroygɨŋ bɨ, olgɨŋ jɨn̰ nee nee bɨ, ɗe gɨye-lɔɔdɨgɨŋ na bugoŋ pɨna dan̰ Kumu gɨ təgɨŋ, ɗe agɨŋ na andɨn̰ a boy dɔɔ-ƴaa toyi dɨŋ bɨ, gusoŋ-tɔgɛ koyi gɨŋ bɨ.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.

2 Pɨyɛr 1:11

Na cɨndi, na toy di hɨn̰ wo̰ ma leege ɗarwa danagɨŋ, lee gɨ kan kɨya bɨgɨŋ gɨyəŋ andɨn̰ boy dɔɔ-ƴaa di da Kumu di woy dan̰ cɨndo dɨŋ le. Dɔɔ-ƴaa le na di da Jesu-Kɨris gɨ na Ba-gulondɨna bɨ, Ba-pɔɗɨna bɨ.

1 Ja̰ 2:8

Ama naa hɨn̰ wo̰ kalɨn̰ ma, na te tumɔ di hɨrɨwa ma maŋ wal bɨgɨŋ bɨ, hɨndedo gɨl guso gusi Jesu bɨ, gusɨgɨŋ kɨŋ-gandi bɨ, kɨya wa dɨlɨm ay te ayaŋ bɨ, asɨn̰a gɨ cɨndi ay te asɨn̰e bɨ.

1 Ja̰ 3:14

Na-gandi na solgɨŋ gɨ na andaŋgɨŋ a kobɨ tɨma dɨŋ coŋ, andɨn̰ a sɔmɛ-bɨra gɨŋ kɨya gɨ na gey karmiinagɨŋ ga ban̰aŋ dan̰ ga kandɨ. Waŋ waŋ gɨ na gey karmii ga ban̰aŋ dan̰ ga kandɨ naŋ na, ban baa na a te dɔnɔ di da tɨma dɨŋ ƴee.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.