Kɔlɔs 1:12 - Gabri Maja

¹² Hɨn̰ wo̰ na, kɨŋ laan̰ Bayna Kumu ho’o dan̰ tɨwa nɔm. Kɨya wa ban bɨlna leen̰ kalaŋ ga na ɓal wɔɔ hɨnga ga ni ban̰di-gulɔŋ ga da kalaŋ ga woyge dan̰ cɨndɨge boy dɔɔ-ƴaa asɨn̰a dɨŋ.

Kɔlɔs 1:12 ပူးပေါင်းရင်းမြစ်များ

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Kɔl-gɨ-Ɗari gɨ Ja̰ wal 4:23

Ama wɔlɛ gɨ hɨrɨwa tɨlga nee bɨ, wɔlɛdi le ay toy ɨni bɨ. Boy wɔlɛdi gɨ nee le, ka-n̰ɨre Bayna Kumu ga cɨndi le kɨya n̰ɨriige dan̰ gɨyəŋ gɨ da Turnɔ bɨ, kɔl gɨ cɨndi bɨ. Kɨya wa na ka-n̰ɨre ga hɨn̰ wo̰ le ma Bayge Kumu geyge.

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 11:17

Te wɨn̰je gɨ da Ɨsɨrayɛl woy gɨlɨn̰ na hɨn̰ hɨyadi olibɨye gɨ woy ɨndi gɨ sɨrdɨrdege kobɨn̰i ga pɨna coŋ wo̰. Ji gɨ na Jubɨ naŋ le, ji woy gɨlɨn̰ na hɨn̰ kobɨ hɨyadi olibɨye gɨ caa gɨŋ wo̰. Kan ayɨn̰ge bɨ, sɨlɨyɨn̰ge dan̰ hɨya gɨ woy a ɨndi a ban̰dɨ kobɨn̰i ga sɨdɨrdege coŋ le. Na toy di hɨn̰ wo̰ ma, ji-bandi kalɨn̰ ma, ji kɨya sɔmɛ-bɨra na kɨya cay sarnayn̰əŋ ga ɗadɨrdaŋ dan̰ kobɨn̰i ga baa.

Magtubu di Pol wal bɨn̰ kalaŋ ga Rɔm 15:27

Kan ojɨge hɨnga ga nee le, na dan̰ gusi-mɔwa. Woy gɨlɨn̰ na hɨn̰ tugɨla wo̰ a cayge, kɨya wa tumɔ na Jubɨn̰əŋ ba gɔsɨnɛge tɔrɛ-kɨbɨ koge gɨ kan way a gusi Kumu dan̰ kalaŋ ga toyge na Jubɨ naŋ. Haw kɛ na, ojɨ gɨ na kalaŋ ga toyge na Jubɨn̰əŋ naŋ na ba jɨbge te Jubɨn̰əŋ, dan̰ hɨnga ga ni tɔrɛ-kɨbɨ ga da cay gɨsəŋ ga kan wayge.

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

Magtubu di Pol wal bɨn̰ kalaŋ ga Rɔm 9:23

Kumu gey gɨle kandi-wɔɔ ga da gusoŋ-tɔgɛ koyi gɨ lee hundɔrɔ a gusi kan ga ban sol cɨn̰-n̰age toge, ga ban ƴom cay tɨbayige na jɨne hayi ɗe kan na andɨn̰ge a boy gusoŋ-tɔgɛ koyi gɨŋ le.

1 Korɛ̰t 8:6

Ama ojɨn̰ cayna na-gandi na, Kumu na pɨna hayi kəɗ kəɗ. Ban na Bayna gɨ hɨnga nɔm sayga gusii bɨ, na kɨya ɔrɛ na gusii bɨ. Ba-gulɔŋ na pɨna hayi kəɗ kəɗ ƴɔbɨ, na Jesu-Kɨris gɨ hɨnga nɔm woy na kol cayi bɨ, na som na kol cayi bɨ.

1 Korɛ̰t 9:23

Ɨŋ lee hɨnga ga nee le nɔm na kɨya cay Kɔl-gɨ-Ɗari ɗe aŋ na wan̰ ɗarwa di woy a boy nee le.

2 Korɛ̰t 11:14

Gɨ nee le, na kɔl gɨ kɨya kaye ungo sɛl sɛl naŋ, kɨya wa Sidan guso kɔɔ kalɨn̰ ma lee guso gɨlɨn̰ hɨn̰ ba-ƴɔbɛ gɨ daa nii gɨ asɨn̰ wo̰.

2 Korɛ̰t 5:5

Kumu kalɨn̰ ma ƴom cay tɨbayna kɨya cay sɔmɛ-bɨra gɨ nee le, ban bɨna dan̰ Turnoyi ɗe na bɨle hɨnga ga gɨl gɨ ban na bɨna hɨnga ga ɗari ga ban ƴom cay tɨbayge kol cay na le.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 1:18

Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge,

Epɛs 2:18

Kɨya cay hɨnga ga Kɨris lee le, na-gandi ga toyna na Jubɨ bɨ, ga toyna na Jubɨ naŋ bɨ, na orɨn̰gɨŋ dan̰ gɨyəŋ gɨ ni ɨrga mɨnde gusi Bayna Kumu, dan̰ gɨyəŋ gɨ da Turnoyi.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Epɛs 4:6

Kumu na pɨna hayi ƴɔbɨ, ban na kalaŋ nɔm bayge. Ban di cay kalaŋ nɔm bɨ, lee gɨye kol cayge nɔm bɨ, som kuduroyge nɔm bɨ.

Epɛs 5:11

Gɨye-lɔɔ gɨ ni lɔɔ dɨlɨm dɨŋ gɨ na gɨye gɨ andaŋ hɨnga naŋ le, kɨŋ ɗɔɔ ba lɔɔ danage. Ama kɨŋ sɨɗɨgɨ toyge daa.

Epɛs 5:20

Laan̰gɨŋ Kumu Kɨye Bay ho’o dan̰ tɨwa nɔm, kɨya cay hɨnga nɔm, dan̰ guson̰ Ba-gulondɨna Jesu-Kɨris.

Epɛs 5:4

Yɔɔgɨŋ kɔl ga ni karma naŋ bɨ, ga ni matɨr naŋ bɨ, ga ni dasi naŋ bɨ. Kɔl ga nee le, na kɔl ga wɨyan̰ ga ni yɔɔ naŋ. Ban̰di kɔl ga nee le laagɨŋ na ɔlɛ gɨ ni ho’o bɨn̰ Kumu.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

Kɔlɔs 3:15

Ɗe gɨ gusi-dɔbɛ da Kɨris da-ƴaa a kuduroygɨŋ. Kɨya wa Kumu təgɨŋ na gɨ agɨŋ na som naa dan̰ gusi-dɔbɛ, ɗe agɨŋ na bɨle kuyoŋ-gusu gɨ pɨna bɨ. Wɨyagɨŋ na ka-loon̰ Kumu ho’o bɨ.

Kɔlɔs 3:17

Hɨnga ga ani ani ga kɨŋ kɨya lɔɔ, naa kɔl yɔdɨgɨŋ naŋ le gɨye-lɔɔdɨgɨŋ kalɨn̰ ma, laagɨŋ na dan̰ guson̰ Ba-gulɔŋ Jesu. Dan̰ gɨyəŋ gɨ da gusondi na laan̰gɨŋ Bayna Kumu ho’o.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 12:23

Kɨŋ sɨygɨ na gusi Ka-Daye ga da karɨn̰aŋ ga woogege cay wase ga da Kumu bɨ, ga walge gusondɨge gɨɗɨgɨ-Kumu gɨŋ bɨ, kɨŋ sɨygɨ na gusi Kumu gɨ ba-bɔyɛ kɔl cay kalaŋ nɔm bɨ, gusi turnɔ da kalaŋ ga dan̰ durɔ ɗɨngar ga madɨrdaŋge ga woyge a gɨɗɨgɨ-Kumu gɨŋ gɨ Kumu bɨlge kuɗudaŋge duroŋ cɨrɛɗ bɨ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Magtubu di Jag wal 3:9

Na dan̰ kɨləndɨna ma mana hɨramɨn̰gɨŋ Ba-gulɔŋ Kumu Bayna bɨ. Na dan̰ kɨləndɨna ma mana ɓɨsɨn̰gɨŋ kalaŋ ga na hɨnga se ga da Kumu ga gɨlɨn̰ danayi bɨ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Ja̰ 1:3

Hɨnga ga ni ba sol dan̰ cɨndɨni bɨ, je koldɨge dan̰ sɨmayni bɨ le, ni te bɛrnɛdɨge bɨgɨŋ, kɨya gɨ ni gey gɨ kɨŋ-gandi kalɨn̰ ma kɨŋ na bugoŋ pɨna danani te bugoŋ pɨna gɨ nee gɨŋ le bɨ. Bugoŋ pɨna gɨ na ba orɨn̰gɨŋ le, na bugoŋ pɨna dan̰ Bayna bɨ, dan̰ Kurondi Jesu-Kɨris bɨ.

Wasɨn̰a 21:23

Cay ƴaa-di-gumu di nee le ɨran̰ dan̰ n̰age da asɨn̰a da tɨwa naŋ bɨ, asɨn̰a da kɨdɨrɛ naŋ bɨ, kɨya wa asɨn̰a da Kumu ba bɨle asɨn̰do bɨ, Kurɨn̰-dɨmangɨ gusi kalɨn̰ ma na dɨngɛdo bɨ.

Wasɨn̰a 22:14

Tumoy wolwa kɨya wɔyɛ kol cay kalaŋ ga pɨlge badɨge kage ga sɨngɨɗɨdəŋ. Kɨya wa badɨge kage na arɨn̰a na, kan kɨya wɔɔ gɨyəŋ gɨ ni andɨn̰ duroy cay ƴaa-di-gumu dɨŋ bɨ, dɨn̰ge wɔɔdi hɨya gɨ ungo na daa na kɨya somɨn̰-bɨra bɨ.

Wasɨn̰a 22:5

Son̰do kɨya unɔ bɨ, ungo kɨya orɨn̰ dan̰ n̰agedi asɨn̰a da dɨngɛ naŋ bɨ, da tɨwa di daa naŋ bɨ, kɨya wa Ba-gulɔŋ Kumu asɨn̰ asɨn̰a di cayge. Kan kɨya dɔɔ-ƴaa danayi ɨlge dan̰ ɨlge.