Kɔlɔs 1:10 - Gabri Maja

¹⁰ Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

Kɔlɔs 1:10 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 15:8

Hɨn̰ gɨ kɨŋ naa ka-aye-cay-tɨbanɨ leen̰ cɨndi na, kɨŋ kɨya wɔyɛ naa hɨn̰ hɨyadi suru gɨ wɔɔ karɨndi kondɨ bajag bajag wo̰. Hɨn̰ wo̰ na gusoŋ-tɔgɛ gɨ da Banɨ kɨya andaŋ cɨn̰ kalaŋ nɔm.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Magtubu di Pol wal bɨn̰ kalaŋ ga Rɔm 1:13

Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ na sɨla gɨ ɨŋ ojɨ tɨba kondɨ gɨ ni ɔrɛ gusɨgɨŋ, ɨŋ gey gɨ ɗe gɨye-lɔɔnɨ na andaŋ hɨnga duroygɨŋ hɨn̰ gɨ ba andɨn̰ hɨnga duroy kalaŋ ga toyge na Jubɨ naŋ ga ɗaŋ nɔm wo̰ bɨ. Ama ɨŋ ɓala bugoŋ gusɨgɨŋ naŋ bɨrɨŋ gɨsɨn̰ labɨde.

Magtubu di Pol wal bɨn̰ kalaŋ ga Rɔm 4:12

Abɨraham bɨle na bay kalaŋ ga walge ban̰a bɨ. Ka-wale ban̰a ga nee le na kan ga ɨrge na a cay wale ban̰a di da kuyoŋdi-gusu dɨŋ ƴɔbɨ naŋ. Ama na kan ga ayge cay tɨbay mon̰dɨni Abɨraham a te aye kudurɔ koyi gɨŋ. Kɨɗɨn̰ ga ban baa wale ban̰a ƴee le.

Magtubu di Pol wal bɨn̰ kalaŋ ga Rɔm 6:4

Kɨɗɨn̰ ga kan leenage batɛm le, na-gandi na ma dan̰ Kɨris bɨ, ɨmgɨnage danayi bɨ. Hɨn̰ gɨ Bayna Kumu ba boy Kɨris lɨbii dan̰ gɨyəŋ gɨ da dɔnɔ di da gusoŋ-tɔgɛ koyi le, na-gandi kalɨn̰ ma Kumu gey gɨ nana sɨma-bɨra dan̰ sɔmɛ-bɨra gɨ hɨrɨwa bɨ.

2 Korɛ̰t 2:14

Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

2 Korɛ̰t 5:9

Na toy di hɨn̰ wo̰ ma, hɨn̰ gɨ na na sɨma naa a boy kuyoŋdi-gusɨna gɨ a cay gɨsəŋ gaŋ kɛ wala, na na ɗay coŋ kalɨn̰ ma, hɨnga ga cɨla ɗɨn̰ hɨnga nɔm ga ɗaŋ na, na gey lɔɔ na hɨnga ga kɨya ƴɔɔ cɨn̰ Ba-gulɔŋ.

2 Korɛ̰t 9:8

Kumu ɓal ba kɨya bɨgɨŋ ɗarwa di tɔɔ kan̰do kan̰do nɔm dan̰ kɔndɔ haa, ɗe agɨŋ orɨn̰ dan̰ hɨnga nɔm ga ɓalgɨŋ dan̰ wɔlɛ pɨna pɨna bɨ, ɗe toyge ga ba kondɨ tɔgɨ le, agɨŋ leen̰ gɨye gɨ ɗari nɔm bɨ.

Epɛs 1:17

Kuɗa gɨ ban gɨ na Ba-gulondɨna Jesu-Kɨris bayi, ban gɨ na Bayna gɨ gusoŋ-tɔgɛ na koyi le bɨgɨŋ kɨŋ nɔm turnɔ di ɗe bɨn̰ ungo cɨn̰-muɗɔlɛ bɨ, ɗe haŋge cɨn̰ ungo cayi bɨ, ɗe agɨŋ solɨn̰ Kumu gɨɗaŋ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Epɛs 4:13

Na hɨn̰ wo̰ ma, ma na kɨya loon̰ gɨye bɨrɨŋ gɨsɨn̰ gɨ na-gandi nɔm, na na bugoŋgɨŋ pɨna te aye kudurɔ gɨŋ bɨ, na na sɨlan̰gɨŋ Kurɨn̰-Kumu nara bɨ. Ɨni na, na-gandi nɔm na kɨya bɨləŋgɨŋ kalaŋ ga cɨndɨge nadɨrdaŋ ga malgɨge bɨrɨŋ ɓalɨn̰ge dan̰ Kɨris ca ca.

Epɛs 5:10

Hɨnga ga mon̰ Ba-gulɔŋ le, kuɗa dɔrɛ cɨndɨge.

Epɛs 5:15

Ɨrɨmgɨŋ kuɗa a cay gɨye-lɔɔdɨgɨŋ gɨŋ. Kɨŋ ɗɔɔ ba lɔɔ hɨnga hɨn̰ kalaŋ ga ɨran̰ge dan̰ cɨn̰-muɗɔlɛ naŋ wo̰ naŋ, ama kɨŋ laa hɨnga hɨn̰ kalaŋ ga muɗoldoŋ wo̰.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Kɔlɔs 2:19

Kalaŋ ga nee le sɨlɨn̰ge gusɨge gusi Kɨris naŋ bɨrɨŋ. Ban woy gɨlɨn̰ na hɨn̰ caa wo̰ bɨ, Ka-Daye woy gɨlɨn̰ na hɨn̰ kuyoŋdi-gusi wo̰ bɨ. Kalaŋ ga bugoŋge danayi le, ban bɨge hɨnga nɔm ga kan orɨn̰ n̰agedɨge bɨ, ban lee gɨ kan bugoŋge pɨna duroyge bɨ. Hɨn̰ gɨ kuyoŋdi-gusi ungo ba bugoŋ pɨna dan̰ gɨyəŋ gɨ da gurɨyadi dan̰ sere wo̰ bɨ malgɨn̰ge hɨn̰ gɨ Kumu ba gey wo̰ bɨ.

Kɔlɔs 2:6

Tumɔ kɨŋ je gɨ Jesu-Kɨris le naa Ba-gulɔŋ bɨ, kɨŋ bee kuduroygɨŋ cayi bɨ. Na toy di hɨn̰ wo̰ ma maŋ yəgɨŋ, ɗe gɨ kɨŋ kɨba gɨyəŋ koyi kuɗa.

Kɔlɔs 3:20

Ay kɨŋ karɨn̰aŋ, jagɨŋ kɔl kɨbɨ kandɨgɨŋ ka-woogɨŋ mɨjag mɨjag. Kɨya wa na hɨnga ga nee le ba ƴɔɔ cɨn̰ Ba-gulɔŋ.

Kɔlɔs 4:5

Sɨmagɨŋ dan̰ cɨn̰-muɗɔlɛ a duroy kalaŋ ga na ka-aye kudurɔ naŋ. Kɨɗɨn̰ ga kɨŋ na waa gɨyəŋ gɨ ni loon̰ hɨnga ga ɗari na laagɨŋ daa bɨrɨŋ bɨrɨŋ.

1 Tesalonigɨ 2:12

Ni bee kɔl-gɨ-ɗari kuduroygɨŋ bɨ, dobɨ bandɨ kuduroygɨŋ bɨ, olgɨŋ jɨn̰ nee nee bɨ, ɗe gɨye-lɔɔdɨgɨŋ na bugoŋ pɨna dan̰ Kumu gɨ təgɨŋ, ɗe agɨŋ na andɨn̰ a boy dɔɔ-ƴaa toyi dɨŋ bɨ, gusoŋ-tɔgɛ koyi gɨŋ bɨ.

1 Tesalonigɨ 4:1

Ay, karmɨnɨ ga ban̰aŋ dan̰ ga kandɨ, jagɨŋ kɔl hɨnge coŋ. Gɨye-lɔɔ gɨ ƴee cɨn̰ Kumu le kɨŋ tɨrabɨ na gusɨni, lee gɨ na ban ma magɨŋ lee. Ama haw kɛ na, ni ɨngɨrgɨŋ bɨ, dobɨ bandɨ kuduroygɨŋ dan̰ guson̰ Ba-gulɔŋ Jesu, ɗe gɨ kɨŋ na ɨra cɨndɨgɨŋ tumɔ ɗɨn̰ gɨ tumɔ coŋ.

2 Timote 2:4

Asɨgar gɨ lee gɨye koyi le dɨlayi dan̰ gɨye gɨ da kalaŋ ga na asɨgarn̰əŋ naŋ le, naŋ. Ban ɗe ɨrɨmedi na cay gumu koyi gɨ ba dobii asɨgar gɨŋ bɨ, gey gɨ ban na ba geyii ƴɔbɨ.

Titɨ 3:1

Ji hɨn kuduroyge a cay kɔl gɨ ojɨ cay dɔbɛ ca dugo tumoy ka-dɔrɛ tumoy kalaŋ bɨ, ka-dɔɔ cay ƴaa bɨ, cay kɔl gɨ ni jɔɔ bɨ, ɗe na ƴomɨn̰ge cay tɨbayge cay lɔɔ hɨnga ga ɗari pɨna pɨna nɔm bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Əbɨro 11:5

Na dan̰ gɨyəŋ gɨ da aye kudurɔ ma Kumu, ay Inɔg dan̰ cɨndi, lee gɨ ban sɨla tɨma naŋ. Kalaŋ wayayige naŋ kɨya wa Kumu ayi. Magtubu di da Kumu ye daa waŋ gɨ tumɔ pa dɨm ma gɨ kan ba kɨya ayi ƴee na, ban naa ungo gɨ ƴee cɨn̰ Kumu.

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

2 Pɨyɛr 1:8

Hɨnga nɔm ga nee le, ojɨ gɨ kɨŋ laa ɨran̰ dan̰ cɨndɨgɨŋ tumɔ. Ama hɨn̰ gɨ hɨnga nɔm ga nee le, kɨŋ na ɨran̰ kunda na, na kan ba kɨya lɔɔ ɗe gɨ kɨŋ na laan̰ gɨye bɨ, kɨŋ na sɨlan̰ Ba-gulondɨna Jesu-Kɨris cɨndɨgɨŋ tumɔ tumɔ bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

1 Ja̰ 3:22

Ko, hɨn̰ gɨ na na ɨngɨriigɨŋ na wa wa kalɨn̰ ma, na kɨya wɔɔgɨŋ a kobi. Kɨya wa na gamgɨŋ te tumoyi bɨ, na leegɨŋ hɨnga ga ƴee cɨndi bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

3 Ja̰ 1:6

Kan tumɔ leege tɨmon̰ da wandɨ di ji ƴom danage duroy Ka-Daye. Ji jɨbɨ toyge dan̰ jɨbe gɨ kɨya ƴɔɔ cɨn̰ Kumu, ɗe kan orɨn̰ tɨrga toge cɨndɨge tumɔ.