Gɨye-lɔɔ 9:6 - Gabri Maja

⁶ Ama sa daa andaŋ a Damas bɨ, ungo gɨ pɨna wo̰ kɨya gɨlɨn̰ hɨnga ga ojɨ gɨ ji kɨya lɔɔ.»

Gɨye-lɔɔ 9:6 ပူးပေါင်းရင်းမြစ်များ

Matɨyo 19:30

Ama kondɨwadi kalaŋ duroy kan ga cay wase kɨya bɨlege wɔyɛ kalaŋ ga karu bɨ, kondɨwadi kalaŋ duroy kan ga karu, kɨya bɨlege wɔyɛ kalaŋ ga cay wase bɨ.

Kɔl-gɨ-Ɗari gɨ Lug wal 3:10

Kalaŋ dɨmdɨrdɨge le ɨngɨrge Ja̰ yeyge hɨn̰: «Na wa ma Kumu gey gɨ nina laa ga?»

Gɨye-lɔɔ 10:22

Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 10:32

Hɨn̰ wo̰ na gɨy kalaŋ a cay ƴaa-di-gumu di Jope dɨŋ kardi Simo gɨ tɨrɨmbalay na Pɨyɛr le, ɗe ɨrga. Ban som na a da Simo gɨ ɗaŋ gɨ gɨye-lɔɔdi na wɔngɨsɛ ɓala gɨ ƴaadi woy a bongi kuray gɨ gumu taa taa gɨŋ le.”

Gɨye-lɔɔ 10:6

Ban na kɨrga gɨ da Simo gɨ gɨye-lɔɔdi na wɔngɨsɛ ɓala gɨ ƴaa toyi woy a bongi kuray gɨ gumu taa taa gɨŋ.»

Gɨye-lɔɔ 2:37

Kɨɗɨn̰ ga kalaŋ le jege kɔl gɨ nee le na, ɗugoyge adɨldɨge been̰ been̰. Lee gɨ kan ɨngɨr Pɨyɛr bɨ, ka-gɨre-gɨye ga ɗaŋ bɨ yege hɨn̰: «Karmɨni, kɛ ni gɨ lɔɔ na mɨna ga?»

Gɨye-lɔɔ 22:10

Kɨɗɨn̰ ga nee gaŋ le, ɨŋ ɨngɨr kɔl ye hɨn̰: “Kɛ ɨŋ gɨ lɔɔ na wa ɨni ga, Ba-gulɔŋ?” Ɨni na, Ba-gulɔŋ jɨga dɨbəŋ cay nee yəŋ hɨn̰: “Saa daa ɨra a Damas. Kɨya wa na a Damas ma kan kɨya yon̰ hɨnga nɔm ga ji kɨya lɔɔ le.”

Gɨye-lɔɔ 26:16

Haw kɛ na, sa ɨr dan̰ tɨban̰ daa bɨ ɨŋ kɨya yon̰ na kɨya wa ma maŋ gɨl gusɨnɨ bɨn̰ le. Ɨŋ dorɨn̰ ɗe gɨ ji na bɨl ba-gɨye hɨnge bɨ, tɨmon̰ hɨnge bɨ. Ji kɨya yon̰ kalaŋ kol hɨnga ga ɨŋ ba haŋgɨ cayge bɨn̰ haw kɛ bɨ, kol hɨnga nɔm ga ɨŋ kɨya haŋge cayge bɨn̰ kardi nee bɨ.

Gɨye-lɔɔ 9:5

Sol ɨngɨri hɨn̰: «Ji na waŋ ga Ba-gulɔŋ?» Bɨ noy ungo le jɨga dɨbii cay nee yey hɨn̰: «Ɨŋ na Jesu gɨ ji ba gɨləŋ-cɨn̰ le.

Magtubu di Pol wal bɨn̰ kalaŋ ga Rɔm 10:20

Ba-yɔɔ-kɔl-gɨ-Kumu-ba-yɔɔ Ijay or bɨrɨŋ yoge kɔl gɨ Kumu ba yɔ, yon̰ hɨn̰: «Kalaŋ ga malaŋge naŋ le, na kalaŋ ga wayaŋge. Kalaŋ ga ɨngɨrəŋge hɨnga dḛ wo̰ naŋ bɨrɨŋ le, Na kalaŋ ga ɨŋ gɨl gusɨnɨ bɨge.»

Magtubu di Pol wal bɨn̰ kalaŋ ga Rɔm 10:3

Na cɨndi, kan sɨlage gɨyəŋ gɨ Kumu bɨlɨn̰ kalaŋ leen̰ ga dan̰ durɔ ɗɨngar le naŋ, lee gɨ kan gey bɨle kalaŋ ga dan̰ durɔ ɗɨngar dan̰ gɨyəŋ koge gɨ kan ojɨ. Na hɨn̰ wo̰ ma, kan kan̰ɨn̰ge an̰ɨn̰ gɨyəŋ gɨ Kumu haŋgɨ kɨya bɨlɨn̰ kalaŋ leen̰ ga dan̰ durɔ ɗɨngar le.

Magtubu di Pol wal bɨn̰ kalaŋ ga Rɔm 5:20

Gasɨn̰-kɔl gɨ da Moyis andaŋ na ɗe gɨ dɔnɔ di da lɔɔ hɨnga ga dan̰ gɨyəŋdɨge naŋ na gɨlɨn̰ gusɨge jɨn̰ tumɔ tumɔ. Ama a boy kɨɗɨn̰ ga ɨsɨna teen̰ gusi nee le, ɗarwa di da Kumu kalɨn̰ ma te guso nee cɨla coŋ na hɨn̰ wo̰ bɨ.

Magtubu di Pol wal bɨn̰ kalaŋ ga Rɔm 7:9

Tumɔ kɨɗɨn̰ ga gasɨn̰-kɔl unɔ ƴee le, ɨŋ som-bɨra. Ama kɨɗɨn̰ ga te tumɔ ɨrga wayaŋ na, ɨsɨna jɨga som-bɨra gusɨnɨ,

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Magtubu di Jag wal 4:6

Ama Kumu lee hɨnga ga gumu tɔgɨ ɗɨn̰ hɨnga nɔm, kɨya gɨlnagɨŋ na ɗarwa toyi. Na hɨn̰ wo̰ ma, kan walge hɨn̰: «Kumu jɨbɨ ka-dɔgɛ jorgɨyge sɛdɨ coŋ, ama ban lee ɗarwa toyi dan̰ kan ga dɨgage jorgɨyge naŋ.»