Gɨye-lɔɔ 9:39 - Gabri Maja

³⁹ Kɔl gɨ kɨbɨna kɛ bɨ, Pɨyɛr say or danage. Kɨɗɨn̰ ga kan bugoŋge ɨni na, kan orɨn̰ge danayi duroy ƴaa di woy a cay mɨgaa dɨŋ le. Kandɨ ga kodɨn̰ige ma ɨrgage nɔm gusi dan̰ ɨle. Kan gɨliige gumɔjɨn̰əŋ dan̰ gɔdɔŋn̰əŋ ga Dorkas cogɨn, kɨɗɨn̰ ga hɨndi ban̰ dan̰ cɨndo duroyge le.

Gɨye-lɔɔ 9:39 ပူးပေါင်းရင်းမြစ်များ

Matɨyo 17:17

Ɨni na, Jesu ay kɔl yege hɨn̰: «Kɨŋ te kalaŋ ga aye kudurɔ kogɨŋ unɔ bɨ kɨŋ na ka-masa bɨ! Kɛ, ɨŋ kɨya sɔmɛ danagɨŋ bɨrɨŋ na wɔlɛ mɨna coŋ ga? Kɛ, na ca mɨna ma maŋ kɨya haye kuduronɨ caygɨŋ ga? Ɨren̰gɨŋ danayi bəŋ kɛ.»

Matɨyo 26:11

Kan ga wɔɔdɨge unɔ le, woyge danagɨŋ dan̰ wɔlɛ pɨna pɨna. Ama ɨŋ-bandi na, ɨŋ kɨya sɔmɛ danagɨŋ dan̰ cɨnɨ naŋ.

Marg 14:8

Hɨndi lee na hɨnga ga hɨndi ɓal lɔɔ: Hɨndi tɨdɨrde ɨdɨr gusɨnɨ jugu hɨn̰ wo̰ ɨrɨmɨn̰ na wɔlɛ dɨbenɨ boy umboŋ garma gɨŋ, kardi tɨmaynɨ.

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 12:8

Kan ga wɔɔdɨge unɔ le, woyge danagɨŋ dan̰ wɔlɛ pɨna pɨna, ama ɨŋ-bandi na ɨŋ kɨya sɔmɛ danagɨŋ dan̰ cɨnɨ naŋ.

Kɔl-gɨ-Ɗari gɨ Ja̰ wal 17:12

Kɨɗɨn̰ ga ɨŋ baa danage le, ɨŋ gamge dan̰ dɔnɔ di da gusondɨn̰ di ji bəŋ. Ɨŋ gɨre cayge bɨ, ungo pɨna duroyge kayaŋ naŋ bɨ. Ama na ban gɨ gaɗ gaɗ kɨya kayaŋ le ƴɔbɨ. Ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰di gaŋ.

Gɨye-lɔɔ 1:13

Kɨɗɨn̰ ga kan bugoŋge a cay ƴaa-di-gumu di nee dɨŋ le ɨni na, kan nayge orge duroy kulu gɨ woy a cay mɨgay gɨŋ daa gɨ kan daydɨn̰ge nee daa daa le. Ka-gɨre-gɨye ga dayge cayge a duroy kulu gɨ nee gɨŋ le, na: Pɨyɛr bɨ, Ja̰ bɨ, Jag bɨ, Andɨre bɨ, Pilib bɨ, Tomas bɨ, Bartelemi bɨ, Matɨyo bɨ, Jag kurɨn̰ Alpe bɨ, Simo kɨye ba-ƴaa gɨ gey dɔrɛ kalaŋ kayi kobɨ ka-dɔɔ cayge bɨ, Jud kurɨn̰ Jag bɨ.

Gɨye-lɔɔ 20:35

Ɨŋ-bandi, ɨŋ gɨlgɨŋ daa daa gɨ ojɨ gɨ ni lɔɔ gɨye hɨn̰ wo̰ kɨya jɨbɨn̰ te kan ga wɔɔdɨge unɔ bɨ, agɨŋ na hɨnɨn̰ a cay kɔl gɨ Ba-gulɔŋ Jesu gusi koyi gaŋ ba ye hɨn̰: “Tumoy wolwa gɨ da ba bee hɨnga le, ɗɨn̰ gɨ da ban gɨ ba-ƴɔɔ coŋ.”»

Gɨye-lɔɔ 6:1

Boy wɔlɛdi gɨ nee le, ka-aye-cay-tɨbay Jesu kondɨwayge say cay kamdɨge gaŋ jɨn̰ tumɔ tumɔ. Ɨni na, kɔl ba duroy kalaŋ ga ni Jubɨ ga ka-yɔɔ kɨbɨ Gɨrɛg, dan̰ Jubɨ ga ka-yɔɔ kɨbɨ əbɨro. Kɨya wa kan ga ka-yɔ kɨbɨ Gɨrɛg le, yege hɨn̰ kɨɗɨn̰ ga tɨwa di ni gosɨnɨn̰ hɨnga ga ni dɔɔ ga dan̰ wɔlɛ pɨna pɨna na ɓala ɨni na, kan na laan̰ dan̰ kandɨ kage ga kodɨn̰ige mage kuɗa naŋ.

Gɨye-lɔɔ 8:2

Kalaŋ ga gɨye-lɔɔdɨge bugoŋ pɨna dan̰ Kumu ɨmgege Etɛn bɨ, iliige hal bɨ,

Gɨye-lɔɔ 9:41

Bɨ Pɨyɛr dobɨ kobi boo bɨ ƴɔmɔɔ daa. Ban tee te kalaŋ ga woyge dan̰ cɨndɨge bɨ, kandɨ ga kodɨn̰ige ma bɨ, gɨlge Tabita di som dan̰ cɨndo le.

2 Korɛ̰t 8:12

Hɨn̰ gɨ kuduroy-geye kogɨŋ na kuɗa na, Kumu kɨya ƴɔɔ hɨnga ga kɨŋ ba kɨya bii le. Ji gɨ bee hɨnga ga ji ɨran̰ naŋ, naŋ. Ban gey gɨ kɨŋ na bii naa kandi-wɔɔ ga kɨŋ orɨn̰ ƴɔbɨ.

Epɛs 4:28

Kuɗa gɨ ungo gɨ tumɔ na ba hase le, hase naŋ ɨni, ama laa gɨye gɨ kuɗa dan̰ kobi, ɗe ban wan̰ hɨnga ga ni bɨn̰ kalaŋ ga orɨn̰ dan̰ n̰agedi hɨnga.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 4:13

Ay karmɨnɨ ga ban̰aŋ dan̰ ga kandɨ, ni gey gɨ kɨŋ sɔmɛ dɨle sɔlɛ-hɨnga ga ojɨ cay kan ga mage le naŋ, ɗe agɨŋ leen̰ n̰age hɨn̰ kalaŋ ga hɨnga ga ni bɔgɛ ɨrɨmedɨge cay nee kage unɔ wo̰ naŋ.

1 Timote 5:3

Sɨla kardi kandɨ ga kodɨn̰ige ma ga ka-jɨbe toyge unɔ leen̰ cɨndi, dan̰ hurɔmɔ.

1 Timote 5:5

Tama di kudurɔ ma di ungo kɔɔ unɔ bɨ, som kan̰do bɨ le, ɗe ɨrɨmedo na cay Kumu bɨ, ol Kumu bɨ, loɗɨde toyi daa daa duroy son̰do dan̰ tɨwa di ɨni bɨ.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.