Gɨye-lɔɔ 9:31 - Gabri Maja

³¹ Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Gɨye-lɔɔ 9:31 ပူးပေါင်းရင်းမြစ်များ

Gɨye-lɔɔ 12:24

Bɨ kɨɗɨn̰ ga nee le, kɔl gɨ da Kumu or jɨn̰ tumɔ tumɔ bɨ, say cay mɨgay gɨŋ bɨ.

Gɨye-lɔɔ 16:5

Kalaŋ ga a duroy Ka-Dayen̰əŋ gaŋ ɨrege osu a cay aye kudurɔ koge gɨŋ bɨ, kondɨwayge say cay kamdɨge gaŋ dan̰ wɔlɛ pɨna pɨna bɨ.

Gɨye-lɔɔ 2:47

Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

Gɨye-lɔɔ 5:11

Hundɔrɔ gɨ gumu lee Ka-Daye bɨ, lee kalaŋ nɔm ga ba jege kɔl gɨ nee le bɨ.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Gɨye-lɔɔ 8:1

Kalaŋ ga ka-dɨɗe Etɛn le, Sol kalɨn̰ ma gey cay nee danage bɨ. A boy wɔlɛdi gɨ nee gɨŋ le ayge te loon̰ Ka-Daye ga Jerusalɛm cɨn̰-gɨle-cɨn̰ tɔgɨ. Kɨɗɨn̰ ga nee le, na ka-gɨre-gɨye ƴɔbɨ ba busdoŋge a cay kɨɗɨn̰ ga ɗaŋ gaŋ naŋ bɨ, ka-aye kudurɔ toyge ga baa le busdoŋge a cay kɨɗɨn̰ gaŋ nɔm. Kan orge a cay karɨn̰ ƴaa ga n̰ən̰əŋ ga woy a cay gɨsəŋ ga Jude gaŋ bɨ, ga Samari gaŋ bɨ.

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 5:5

Ama ɨrɨmedɨna gɨ na ba bee a cay Kumu le, kɨya ɨrgan̰ dan̰ dasi cayna naŋ, kɨya wa Kumu gɨygɨn̰ dan̰ geye koyi a kuduroyna dan̰ gɨyəŋ gɨ da Turnɔ ɗe-kuduroy-bɛrɛ di ban bɨna.

1 Korɛ̰t 14:12

Kɨŋ-gandi kalɨn̰ ma kogɨŋ na hɨn̰ wo̰ bɨ: Ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna bɨ, malagɨŋ ɗe agɨŋ way cay mɨga dɨŋ hɨnga ga kɨya jɨbe te Ka-Daye ɗe na malgɨn̰ge te aye kudurɔ gɨŋ bɨ.

1 Korɛ̰t 14:26

Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

2 Korɛ̰t 10:8

Dɔnɔ di Ba-gulɔŋ bɨni ɗe ani na jɨbɨn̰ toygɨŋ ɗe agɨŋ na orɨn̰ dan̰ cɨndɨgɨŋ tumɔ. Ama na ɗe gɨ ani na mondɨgɨŋ naŋ le, hɨn̰ gɨ ɨŋ na gɨl gusɨnɨ tɔgɨ koldi ɗe na ɗɨn̰ cay kɨɗɨn̰ kalɨn̰ ma, dasi daŋ koldi naŋ.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Epɛs 4:16

Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Epɛs 5:21

Kɨŋ ka-dɨbe hurɔmɔ cay Kɨris le, dɨbagɨŋ caygɨŋ dugo bɨn̰ gusɨgɨŋ duroygɨŋ.

Pilib 2:1

Hɨnga ga beena pɨna dan̰ Kɨris ga dobɨ bandɨ kuduroyna wɨya nee naŋ ga? Hɨnga ga bɨna tɔgɨ a te geye gɨŋ wɨya nee naŋ ga? Kɨŋ bugoŋ pɨna te Turnɔ di da Kumu ɗe saɗɨna pɨna le naŋ ga? Kuduroyna ga woy a cay gusɨna wɨya nee naŋ ga? Sɔlɛ cɨn̰-n̰age da gusɨna wɨya nee naŋ ga? Ho’o woy nee.

Kɔlɔs 1:10

Ɗe gɨ gɨye-lɔɔdɨgɨŋ bugoŋ pɨna dan̰ gɨ da Ba-gulɔŋ ɗe agɨŋ ƴen̰ cɨndi mɨjagɨ. Hɨnga nɔm ga kɨŋ kɨya lɔɔ le na ga ɗari bɨ, kɨŋ kɨya sɔlɛ Kumu cɨndɨgɨŋ tumɔ tumɔ bɨ.

1 Tesalonigɨ 5:11

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.

1 Timote 1:4

ɗe gɨ an̰ san̰ dan̰ kalaŋ, ɗe kan lun̰doŋ te dɔrɛ te hɨnga ga toyge bɨ cayge bɨ unɔ bɨ, kardi dɔrɛ te mon̰ gɨ kagadi unɔ bɨ naŋ. Kɨya wa hɨnga ga nee le, kɨya haŋge gɨyəŋ bɨn̰ na man̰e-kɔl bɨ, kɨya narge lɔɔ gɨye cay hɨnga ga Kumu gɨsɨ. Hɨnga ga Kumu gɨsɨ le, lee gusɨge na dan̰ gɨyəŋ gɨ da aye kudurɔ.

Əbɨro 4:9

Na hɨn̰ wo̰ ma, kɨɗɨn̰ dɔrɛ gɨlale ga da te kalaŋ ga da Kumu woy nee. Kɨɗɨn̰ dɔrɛ gɨlale ga nee le, woy gɨlɨn̰ hɨn̰ kɨɗɨn̰ dɔrɛ gɨlale ga da Kumu gɨ wɔlɛ jurgum gɨŋ wo̰.

Magtubu di Jud wal 1:20

Ama ojɨn̰ caygɨŋ kɨŋ-gandi karmɨnɨ ga ɨŋ lee-toygɨŋ le, kɨŋ dɨba bandɨ kuduroy gusɨgɨŋ a te hɨnga ga ni gɨle ga cɨndi, ga kɨŋ bee kuduroygɨŋ cay nee ojɨn̰ cay Kumu le. Ulagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ.