Gɨye-lɔɔ 9:22 - Gabri Maja

²² Ama tɔgɨ da Sol a kɨɗɨn̰ tɔgɛ bɛrnɛ dɨŋ or cɨndo tumɔ tumɔ. Kɨɗɨn̰ ga ban gɨlɨn̰ Jubɨn̰əŋ ga Damas arɨn̰ cərərə gɨ Jesu naa Kɨris ban gɨ Kumu dorii le na, kan waage kɔl gɨ ni yɔɔ naŋ.

Gɨye-lɔɔ 9:22 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Gɨye-lɔɔ 17:3

Ban dor te kɔl gɨ kan walge duroy Magtubu dɨŋ le ɗe tumoyge bɨ, gɨlge gɨ hɨn̰ gɨ kan ba walge duroy magtubu dɨŋ le. Naa wa wa kalɨn̰ ma Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, mare bɨ, bɔyɛ lɨbe duroy kalaŋ ga madɨrdaŋ gaŋ bɨ. Ban yege hɨn̰: «Jesu gɨ ɨŋ ba tee bɛrnɛdi kɛ le, na ban ma na Kɨris ban gɨ Kumu dorii le.»

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Gɨye-lɔɔ 9:21

Kalaŋ nɔm ga ba jege bɛrnɛ toyi le, kɔl kayge sɛl sɛl, lee gɨ kan yege hɨn̰: «Kɛ na ungo gɨ kɛ le, ma na ba loon̰ ka-tɔgɛ guson̰ Jesu cɨn̰-gɨle-cɨn̰ tɔgɨ a cay ƴaa-di-gumu di Jerusalɛm dɨŋ le naŋ ga? Kɛ ban ɨrga na yɔd kɨya ƴomge orɨn̰ danage bɨn̰ ka-cay ka-bɔgɛ kɨbar nɔm naŋ ga?»

Gɨye-lɔɔ 9:23

Lee wɔlɛ lam wo̰ kardi nee na, Jubɨn̰əŋ saɗɨge kɨbɨge pɨna gɨ ni dɨɗe Sol.

Gɨye-lɔɔ 9:27

Ɨni na, Barnabas golii orɨn̰ danayi gusi ka-gɨre-gɨye bɨ, dorge kɔl gɨ ojɨ cay sɔlɛ gɨ ban sol Ba-gulɔŋ dan̰ cɨndi a te gɨyəŋ gɨŋ bɨ, ojɨ cay kɔl gɨ Ba-gulɔŋ ba yey bɨ, ojɨ cay tɔgɛ bɛrnɛ di ban te dan̰ guson̰ Jesu a boy cay ƴaa-di-gumu di Damas dɨŋ dan̰ cɨn̰-bandɨ bɨ.

1 Korɛ̰t 1:27

Ama Kumu bɨnde na hɨnga ga woy dɨngal cɨn̰ kalaŋ ga cay gɨsəŋ gaŋ dɨbɨn̰ dasi cay ka-cɨn̰-muɗɔlɛ bɨ, ban bɨnde na hɨnga ga togɨyge unɔ cɨn̰ kalaŋ dɨbɨn̰ dasi cay hɨnga ga togɨyge woy nee gaŋ bɨ.

Galad 1:18

Ɨlge sɨbɨ kardi nee na, ɨŋ say or a Jerusalɛm aŋ na sɔlɛ Kepas gɨ ɨŋ sɨlayi tumɔ naŋ ƴee bɨ, ɨŋ somɨn̰ danayi wɔlɛ mɔjɨ-cay-bay.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

1 Timote 1:12

Ɨŋ leen̰ ho’o Ba-gulondɨna Jesu-Kɨris ba bəŋ tɔgɨ, kɨya wa ban sol gɨ ɨŋ ɓal gɨ ban na kɨya bəŋ kuduroyi. Lee gɨ Ban ayaŋ a boy gɨye koyi gɨŋ.