Gɨye-lɔɔ 9:2 - Gabri Maja

² Ban or wan̰ mangɨl gɨ da ka-cay ka-bɔgɛ kɨbar bɨ, ɨngɨri magtubu di ɗe bii te tumɔ dan̰ guson̰ ƴaa-daye-di-da-Jubɨn̰əŋ ga Damas, ɗe hɨn̰ gɨ ɗi na waa ban̰aŋ dan̰ kandɨ, ga ayge gɨyəŋ kardi Ba-gulɔŋ na, ay na saɗɨdɨgage ɨrgan̰ danage a Jerusalɛm.

Gɨye-lɔɔ 9:2 ပူးပေါင်းရင်းမြစ်များ

Matɨyo 10:17

Ɗagɨŋ muɗɔlɛ cay gusɨgɨŋ kɨya cay kalaŋ, kɨya wa kan kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya somdɨgɨŋge duroy ƴaa-daye koge gɨŋ bɨ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Gɨye-lɔɔ 18:25

Ban na ungo gɨ kan gɨlige gɨyəŋ gɨ da Ba-gulɔŋ ɗeyi sol kuɗa. Ban na ungo gɨ ye kɔl dan̰ gusi hɨmbalwa. Ban tee bɛrnɛ bɨ, gɨlɨn̰ kalaŋ kɔl gɨ ojɨ cay Jesu dan̰ gɨyəŋdi gɨyəŋdi bɨ. Ama na tɔgɛ bɛrnɛ di da Ja̰ ba-lɔɔ batɛm pɨnaa ɗɔɔ ma ban sol.

Gɨye-lɔɔ 19:23

A boy ɨlgedi gɨ nee le, kɔl gɨ gumu baa a cay ƴaa-di-gumu di Epɛs dɨŋ, kɨya cay gɨyəŋ gɨ da Ba-gulɔŋ.

Gɨye-lɔɔ 19:9

Ama kondɨwadɨge leege cay osɨwa kan̰ɨn̰ge bɔgɛ kuduroyge cay nee bɨ, yen̰ge kɔl gɨ ɨsɨni ojɨn̰ cay gɨyəŋ gɨ da Ba-gulɔŋ tumoy kalaŋ ga dayge cayge le. Kɨɗɨn̰ ga nee le, Pol dor gusi coŋ bɨ, don ka-aye-cay-tɨbay Jesu orɨn̰ danage. Ban gɨlge kɔl gɨ da Kumu dan̰ wɔlɛ pɨna pɨna a duroy ƴaa gɨle hɨnga ga da Tiranus dɨŋ.

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 24:22

Peligɨs sol hɨnga ga ojɨ cay gɨyəŋ gɨ da Kɨris kuɗa, lee gɨ ban boyge wɔlɛ gɨ ɗaŋ bɨ, yege hɨn̰: «Hɨn̰ gɨ Lɨjɨyas gumu gɨ da asɨgarn̰əŋ ga dubu na ɨre bugoŋ na, ɨŋ kɨya bɔyɛ kɔl kogɨŋ ƴee.»

Gɨye-lɔɔ 26:10

Lee gɨ ɨŋ lee hɨnga ga nee le, a boy cay ƴaa-di-gumu di Jerusalɛm dɨŋ. Ka-cay ka-bɔgɛ kɨbar bəŋge gɨyəŋ, lee gɨ ɨŋ or ƴɔmɛ te kalaŋ ga woyge dan̰ cɨndɨge kondɨ beege dangay dɨŋ. Bɨ kɨɗɨn̰ ga kan dɨɗɨge le, ɨŋ gey a cay kɔl gɨ da kan ga ka-dɨɗedɨge le bɨ.

Gɨye-lɔɔ 26:12

«Na toy di hɨn̰ wo̰ ma, ɨŋ say wɔlɛ gɨ pɨna gɨŋ, or a cay ƴaa-di-gumu di Damas dɨŋ. Dan̰ dɔnɔ nɔm di ni loon̰ gɨye bɨ, dan̰ te tumɔ di da ka-cay ka-bɔgɛ kɨbar di ayɨn̰ge te tumɔ toge duroy magtubu dɨŋ bəŋ.

Gɨye-lɔɔ 6:9

Ɨni na, kalaŋ ga pɨna wo̰ san̰ge danayi dan̰ kɔl. Kalaŋ ga nee le, na kalaŋ ga teege kɨɗɨn̰ dayaŋ kage naa «ƴaa-dayaŋ ga da gɔyɔŋ ga dorge guyɔŋdu cayge coŋ», kan na Jubɨ ga cay ƴaa-di-gumu di Sirɛn bɨ, di Alegjandɨri bɨ, ga cay gɨsəŋ ga Sɨlisi gaŋ bɨ, ga Aji gaŋ bɨ. Kan say man̰ge kɔl dan̰ Etɛn.

Gɨye-lɔɔ 7:19

Kɨlma gɨ nee le, nar te wɔɔ gɨ da kalaŋ kana bɨ, leen̰ mon̰inagɨŋ ɨsɨna bɨ, ɗe dɔnɔ cayge ɗe kan been̰ karɨndɨge ga kɨbɨ kobɨn̰ gaŋ coŋ ɗe kan marɨn̰.

Gɨye-lɔɔ 9:14

Haw kɛ na, na ka-cay ka-bɔgɛ kɨbar nɔm ba biige te tumɔ ɗe gɨ ban na ƴɨman̰ kalaŋ nɔm ga ba teege gusondɨn̰.»

Gɨye-lɔɔ 9:21

Kalaŋ nɔm ga ba jege bɛrnɛ toyi le, kɔl kayge sɛl sɛl, lee gɨ kan yege hɨn̰: «Kɛ na ungo gɨ kɛ le, ma na ba loon̰ ka-tɔgɛ guson̰ Jesu cɨn̰-gɨle-cɨn̰ tɔgɨ a cay ƴaa-di-gumu di Jerusalɛm dɨŋ le naŋ ga? Kɛ ban ɨrga na yɔd kɨya ƴomge orɨn̰ danage bɨn̰ ka-cay ka-bɔgɛ kɨbar nɔm naŋ ga?»

2 Korɛ̰t 11:32

Kɨɗɨn̰ ga ɨŋ baa a cay ƴaa-di-gumu di Damas dɨŋ ƴee na, kan geyge ƴɔmɔŋ. Kɨɗɨn̰ ga nee le, ba kɨbɨ kɨlma gɨ gumu Aritas gɨy asɨgarn̰əŋ kayi ɗe na gamge kɨbɨ ƴaan̰əŋ ga a cay ƴaa-di-gumu nɔm ɗe aŋ na andaŋ doŋ naŋ.

Galad 1:17

kalaŋ ga na ka-gɨre-gɨye wase tumɔnɨ le, ɨŋ ɨra sɨlage a Jerusalɛm naŋ bɨ. Ama ɨŋ say kɨlaw or na a cay gɨsəŋ ga Arabi gaŋ. Kardi nee na, ɨŋ bɨlgɨ canɨ jɨga a cay ƴaa-di-gumu di Damas dɨŋ.