Gɨye-lɔɔ 9:15 - Gabri Maja

¹⁵ Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Gɨye-lɔɔ 9:15 ပူးပေါင်းရင်းမြစ်များ

Matɨyo 10:18

Kan kɨya tolgɨŋge orɨn̰ge danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Na hɨn̰ wo̰ ma, kɨŋ kɨya wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ bɨ, tumoy kalaŋ ga toyge na Jubɨn̰əŋ naŋ bɨ.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Gɨye-lɔɔ 13:2

Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 21:19

Pol leege lapɨya bɨ, ban dorge kol hɨnga nɔm ga Kumu lee dan̰ gɨyəŋ gɨ da gɨye koyi, a duroy kalaŋ ga toyge na Jubɨ naŋ.

Gɨye-lɔɔ 22:14

Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Gɨye-lɔɔ 25:22

Kɨɗɨn̰ ga nee le, Agɨripa yen̰ Pɛstus hɨn̰: «Ɨŋ-bandi kalɨn̰ ma, ɨŋ gey jɔɔ kɔl gɨ da ungo gɨ nee le bɨ.» Ɨni na, Pɛstus jɨga dɨbii cay nee yey hɨn̰: «Wan̰do ƴɔbɨ, ji kɨya jɔɔ kɔl gɨ a kɨbi.»

Gɨye-lɔɔ 26:1

Agɨripa yen̰ Pol hɨn̰: «Gɨyəŋ woy hangɨwa bɨn̰ an̰ ye kɔl dorɨn̰ kɔl can̰ ɨni.» Kɨɗɨn̰ ga nee le bɨ, Pol tar kobi gɨlɨn̰ gɨ ɗi na kɨya yɔɔ kɔl gɨ ni dorɨn̰ kɔl cayi ye hɨn̰:

Gɨye-lɔɔ 26:32

Ɨni na, Agɨripa yen̰ Pɛstus ye hɨn̰: «Ungo gɨ kɛ le, ban ni na ya tumɔ gɨ ɗi na gey orɨn̰ dan̰ bɔyɛ kɔl koyi le a tumoy kɨlma gɨ gumu Sejar naŋ na, ni ni kɨya ɗoyi daa kalɨn̰.»

Gɨye-lɔɔ 27:24

bɨ yəŋ hɨn̰: “Hundɔrɔ naŋ Pol, ojɨ gɨ naa wa wa kalɨn̰ ma, ji kɨya ɨre tumoy kɨlma gɨ gumu Sejar. Bɨ Kumu kɨya pɔɗɛ kalaŋ nɔm ga ba haɗɨge danan̰ le na kɔl can̰.”

Gɨye-lɔɔ 28:17

Lee wɔlɛ sɨbɨ ɨni na, Pol tee kalaŋ ga ni Jubɨ ga gɨmdəŋ gɨmdəŋ ga a cay ƴaa-di-gumu di Rɔm dɨŋ a tayi. Kɨɗɨn̰ ga kan dayge cayge ɨni na, ban yege hɨn̰: «Karmɨnɨ, ɨŋ laa hɨnga ga ɨsɨni pɨna jɨbɨn̰ te wɔɔ gɨ da kalaŋ kana coŋ naŋ bɨ, jɨbɨn̰ hɨnga ga ni hada ga da mon̰inagɨŋ coŋ naŋ bɨ. Ama kan ƴɔmɔŋge a Jerusalɛm dɔbɔŋge a kobi kalaŋ ga ni Rɔmɛn̰əŋ.

Gɨye-lɔɔ 28:28

Bɨ Pol dɨbɨge cay nee yege hɨn̰: «Sɨlagɨŋ kuɗa caygɨŋ: Ay toy haw kɛ na, kɔl gɨ ni pɔɗɛ gɨ sayga gusi Kumu le, orɨn̰ge bɨn̰ na kalaŋ ga toyge na Jubɨ naŋ. Kan na, kan kɨya jɔɔge bɛrnɛ di nee le.»

Magtubu di Pol wal bɨn̰ kalaŋ ga Rɔm 1:1

Na ɨŋ-bandi Pol ba gɨyɨn̰ dan̰ magtubu bɨgɨŋ. Ɨŋ na marɨna ba-gɨye gɨ da Jesu-Kɨris. Ban təŋ ɗe gɨ ɨŋ na bɨl ba-gɨre-gɨye koyi bɨ, dɔrɔŋ səŋ dan̰ cɨnɨ kɨya togɨn̰ bɛrnɛ Kɔl-gɨ-Ɗari gɨ da Kumu bɨ.

Magtubu di Pol wal bɨn̰ kalaŋ ga Rɔm 1:5

Na dan̰ gɨyəŋ gɨ da Jesu-Kɨris ma Kumu leen̰ ɗarwa danaŋ. Lee gɨ ɨŋ bɨle ba-gɨre-gɨye koyi ɗe gɨ te wɔɔ gɨ da kalaŋ nɔm ayge kuduroyge bɨn̰ Jesu bɨ, been̰ge kɔl a cay kɔl koyi gɨŋ bɨ. Na hɨn̰ wo̰ ma, kan kɨya dɨbege gusoŋ-tɔgɛ a cay gusondi gɨŋ bɨ.

Magtubu di Pol wal bɨn̰ kalaŋ ga Rɔm 11:13

Haw kɛ na, aŋ yəgɨŋ kɨŋ-gandi ga na te kalaŋ ga toyge na Jubɨ naŋ. Ɨŋ-bandi na, ɨŋ na ba-gɨre-gɨye gɨ Kumu gɨyəŋ kol te kalaŋ ga toyge na Jubɨ naŋ. Ɨŋ lee gusi-mɔwa gɨɗaŋ a cay gɨye hɨnge gɨ gusondi ye.

1 Korɛ̰t 15:10

Ama haw kɛ na ɨŋ na ba-gɨre-gɨye kɨya gɨ Kumu lee ɗarwa danaŋ bɨ, ɗarwa di Kumu lee danaŋ le na hɨnga ga wo̰ dugo naŋ. Kɨya wa ɨŋ lee gɨye ɗige kan nɔm. Leen̰ cɨndi na, gɨ lee gɨye kuɗa na, na ɨŋ-bandi naŋ ama na ɗarwa di da Kumu di ba danaŋ.

1 Korɛ̰t 9:16

Tɔgɛ bɛrnɛ Kɔl-gɨ-Ɗari na hɨnga ga kɨya bəŋ gɨyəŋ gɨ ni loon̰ gɨmɨn̰aw koldɨge naŋ, kɨya wa na hɨnga ga Kumu səŋ canɨ. Hɨn̰ gɨ ɨŋ na tɨga bɛrnɛdi Kɔl-gɨ-Ɗari naŋ na, ɓɨse ƴɨma canɨ yɔd.

Galad 1:1

Na ɨŋ-bandi Pol ba-gɨre-gɨye, ba gɨyɨn̰ dan̰ magtubu di kɛ le. Ɨŋ gɨr gɨye na dan̰ te tumɔ da kalaŋ naŋ bɨ, dan̰ kuduroy geye koge naŋ bɨ, ama na dan̰ te tumɔ da Jesu-Kɨris bɨ, da Bayna Kumu gɨ boyi lɨbii duroy kalaŋ ga madɨrdaŋ gaŋ bɨ.

Epɛs 3:1

Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ.

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

2 Timote 1:11

Kumu bəŋ gɨye tɔgɛ bɛrnɛ Kɔl-gɨ-Ɗari gɨ nee le kɔbɔŋ. Lee gɨ ɨŋ na ba-gɨre-gɨye bɨ, ba-gɨlɨn̰ kalaŋ hɨnga bɨ.

2 Timote 2:4

Asɨgar gɨ lee gɨye koyi le dɨlayi dan̰ gɨye gɨ da kalaŋ ga na asɨgarn̰əŋ naŋ le, naŋ. Ban ɗe ɨrɨmedi na cay gumu koyi gɨ ba dobii asɨgar gɨŋ bɨ, gey gɨ ban na ba geyii ƴɔbɨ.

Wasɨn̰a 17:14

Kan kɨya dɨbe kɨmbɨl dan̰ Kurɨn̰-dɨmangɨ le, ama Kurɨn̰-dɨmangɨ kɨya bɔyɛ kɨmbɨl cayge kɨya wa ban ƴɔbɨ ma na Ba-gulɔŋ gɨ a cay ba-gulɔŋn̰əŋ bɨ, kɨlma gɨ a cay kɛrɨmbɛlɛŋ bɨ. Kan ga ban teege bɨ, kan ga ban torge bɨ, kan ga ɨrege cay tɨbayge dɨŋ bɨ le, kɨya bɔyɛge-kɨmbɨl danayi bɨ.»