Gɨye-lɔɔ 9:11 - Gabri Maja

¹¹ Ba-gulɔŋ jɨga yey hɨn̰: «Sa ɨra a te gɨyəŋ gɨ kan teege naa gɨyəŋ gɨ dan̰ durɔ ɗɨngar bɨ, andaŋ a boy duroy gulɔŋ gɨ da Judasɨ gɨŋ bɨ, ɨngɨr kol ungo gɨ pɨna wo̰ gɨ kan teeyige na Sol gɨ Tars. Kɨya wa haw kɛ ban som ol Kumu a kɨɗɨn̰ ga nee gaŋ.

Gɨye-lɔɔ 9:11 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Gɨye-lɔɔ 11:13

Kɔrney dorni kardɨ sɔlɛ gɨ ban sol ba-ƴɔbɛ gɨ daa nii le. Ungo le ɨrga ɨre duroy ƴaadi gɨŋ bɨ yey hɨn̰: «Ban na gɨy kalaŋ a Jope kardi Simo gɨ tɨrɨmbalay na Pɨyɛr le, ɗe na ɨrga.

Gɨye-lɔɔ 11:25

Kardi nee ɨni na, Barnabas say or a Tars kɨya male Sol.

Gɨye-lɔɔ 2:21

Boy wɔlɛdi gɨ nee le, Waŋ waŋ gɨ na tɨga guson̰ Ba-gulɔŋ na, Kɨya pɔɗɛ.”

Gɨye-lɔɔ 21:39

Pol jɨga dɨbii cay nee yeyi hɨn̰: «Ɨŋ na Jubɨ gɨ wɔɔŋge a Tars, a cay gɨsəŋ ga Sɨlisi gaŋ. Ɨŋ na kɨye gɨ ba cay ƴaa-di-gumu di gusɔndɔ ye tɔgɨ. Ɨŋ olɨn̰, ɗaŋ aŋ yen̰ kalaŋ kɔl.»

Gɨye-lɔɔ 22:3

«Ɨŋ na Jubɨ, wɔɔŋge na Tars, a cay gɨsəŋ ga Sɨlisi gaŋ bɨ, ama na a cay ƴaa-di-gumu di Jerusalɛm dɨŋ kɛ ma abaŋge nee bɨ, na Gamalɨyɛl, ma na ba gɨləŋ hɨnga bɨ. Ban gɨləŋ gasɨn̰-kɔl gɨ da mon̰inagɨŋ, lee gɨ ɨŋ sol gɨyəŋ gɨ ni ɨre a cay gasɨn̰-kɔl kage gaŋ, dan̰ gɨyəŋdɨge gɨyəŋdɨge. Kɨya wa tumɔ le gusɨnɨ-hɨmbalaŋ tɔgɨ a cay hɨnga ga da Kumu gaŋ, na hɨn̰ gɨ kɨŋ ba leen̰ nɔm labɨde wo̰ bɨ.

Gɨye-lɔɔ 8:22

Bɨl kardɨn̰ bɨn̰ kuduroy ɨsɨna kon̰ bɨ, ula Kumu Ba-gulɔŋ bɨ. Gajanaŋ ban kɨya ɗɔɔ kuduroy jalɨwa a cay hɨnga ga ji ba ɨrɨm gɨ ni lɔɔ le.

Gɨye-lɔɔ 8:26

Ba-ƴɔbɛ gɨ daa nii gɨ da Ba-gulɔŋ yen̰ Pilib hɨn̰: «Saa ɨra jɨn̰ cɨn̰ ga manga dɨŋ, gɨyəŋ gɨ sayga Jerusalɛm or jɨn̰ cay ƴaa-di-gumu di Gaja, na gɨyəŋ gɨ duroy dal dɨŋ.»

Gɨye-lɔɔ 9:30

Kɨɗɨn̰ ga karmii jege koldi ɨni na, kan orɨn̰ge danayi a Sejare bɨ, gɨyɨn̰ge danayi a Tars bɨ.