Gɨye-lɔɔ 9:10 - Gabri Maja

¹⁰ Ungo gɨ pɨna wo̰ som a Damas gusondi na Ananɨyas bɨ, ban na ba-aye-cay-tɨbay Jesu bɨ. Ba-gulɔŋ Jesu buyoŋ cɨndi hɨn̰ dḛ wo̰ yey hɨn̰: «Ananɨyas!» Ban dɨbii cay nee hɨn̰: «Ɨŋ ba kɛ, Ba-gulɔŋ.»

Gɨye-lɔɔ 9:10 ပူးပေါင်းရင်းမြစ်များ

Gɨye-lɔɔ 10:3

Wɔlɛ gɨ pɨna wo̰ dan̰ tɨwa sɨbɨ di ni borundo na, hɨnga buyoŋ cɨndi hɨn̰ dḛ wo̰ lee gɨ ban sol ba-ƴɔbɛ gɨ daa nii gɨ da Kumu arɨn̰ cərərə, andaŋ kardi ƴen̰ bɨ yey hɨn̰: «Kɔrney!»

Gɨye-lɔɔ 11:5

Kɨɗɨn̰ ga ɨŋ som ol Kumu a boy cay ƴaa-di-gumu di Jope dɨŋ ɨni na, ɨŋ sol hɨnga buyoŋ cɨnɨ hɨn̰ dḛḛ wo̰ woy gɨlɨn̰ hɨn̰ kɨbɨ badɨge ga gumu ga ƴomge tɨbɨn̰dɨge ga poɗɨn̰ wo̰, sayga gɨɗɨgɨ-Kumu gɨŋ daa gɨsɨngɨ bugoŋ mɨnde gusɨnɨ.

Gɨye-lɔɔ 12:9

Pɨyɛr andaŋ doŋ ay gɨyəŋ kardi. Hɨnga ga ba-ƴɔbɛ gɨ daa nii ba lee le, ban sɨla gɨ naa hɨnga ga cɨndi naŋ. Ban ɨrɨm gɨ naa hɨnga na ba buyoŋ cɨndi hɨn̰ dḛḛ wo̰.

Gɨye-lɔɔ 16:10

Kardi hɨnga ga ba buyoŋ cɨn̰ Pol hɨn̰ dḛḛ wo̰ le, kɨɗɨn̰di ga nee gaŋ le bɨ, ni mal gɨyəŋ gɨ ni ɔrɛ a Masedɨwan, kɨya wa ni sol kuɗa gɨ Kumu teeni gɨ ni na ɨra tɔgɛ bɛrnɛ Kɔl-gɨ-Ɗari a cay gɨsəŋ ga nee gaŋ le.

Gɨye-lɔɔ 16:9

Duroy son̰dodo dɨŋ na, hɨnga buyoŋ cɨn̰ Pol hɨn̰ dḛḛ wo̰: Ban sol ungo gɨ Masedɨwan gɨ pɨna wo̰. Ungo gɨ nee le ɨre daa dan̰ tɨbay olii yey hɨn̰: «Ɨre gɨrni daa, a Masedɨwan.»

Gɨye-lɔɔ 18:9

Duroy son̰do di pɨna wo̰ dɨŋ na, Ba-gulɔŋ yen̰ Pol duroy hɨnga ga buyoŋ cɨndi hɨn̰ dḛḛ wo̰ yey hɨn̰: «Ji ɗɔɔ ba hundɔrɔ, ya kɔl cɨndɨn̰ tumɔ tumɔ, sɔgɨyɛ naŋ.

Gɨye-lɔɔ 2:17

“Sɨlagɨŋ hɨnga ga ba kɨya caga wɔlɛ kagadi gɨŋ le ba kɛ, Kumu ye hɨn̰: Ɨŋ kɨya lɔɔ gɨ ɗe Turnonɨ busoŋ cay kalaŋ nɔm bɨ, Karɨndɨgɨŋ ga ban̰aŋ dan̰ karɨndɨgɨŋ ga kandɨ Kɨya bɨləŋge ka-yɔɔ-kɔl-gɨ-Kumu-ba-yɔɔ bɨ, Ɨŋ kɨya yon̰ marɨne kagɨŋ kɔl, Boy hɨnga ga buyoŋ cɨn̰ ungo hɨn̰ dḛḛ wo̰ bɨ, Ɨŋ kɨya yon̰ kandɨgɨŋ ga əsɨdəŋ kɔl boy sɔndɛ gɨŋ bɨ.

Gɨye-lɔɔ 22:12

«Bɨ a cay ƴaa-di-gumu di nee le, bara gɨ pɨna wo̰ gɨ gusondi na Ananɨyas som a nee. Ban na ungo gɨ hɨndar Kumu bɨ, na ungo gɨ ɨre a cay Gasɨn̰-kɔl gɨ da Moyis gaŋ bɨ, kalaŋ ga ni Jubɨ nɔm ga Damas yege koldi kuɗa bɨ.

Gɨye-lɔɔ 9:12

Ungo le hɨnga buyoŋ cɨndi hɨn̰ dḛ wo̰ ɗey sol ungo gɨ pɨna wo̰ gɨ teeyige na Ananɨyas andaŋ kardi ƴen̰ bɨ, dɨbɨ kobi cayi, ɗe gɨ cɨndi na jɨga sɨla kɨɗɨn̰ ban̰di nee.»

Gɨye-lɔɔ 9:9

Ban lee wɔlɛ sɨbɨ dɨle sɔlɛ kɨɗɨn̰ bɨ, daa hɨnga naŋ bɨ, sa hɨnga naŋ bɨ.

2 Korɛ̰t 11:32

Kɨɗɨn̰ ga ɨŋ baa a cay ƴaa-di-gumu di Damas dɨŋ ƴee na, kan geyge ƴɔmɔŋ. Kɨɗɨn̰ ga nee le, ba kɨbɨ kɨlma gɨ gumu Aritas gɨy asɨgarn̰əŋ kayi ɗe na gamge kɨbɨ ƴaan̰əŋ ga a cay ƴaa-di-gumu nɔm ɗe aŋ na andaŋ doŋ naŋ.

Galad 1:17

kalaŋ ga na ka-gɨre-gɨye wase tumɔnɨ le, ɨŋ ɨra sɨlage a Jerusalɛm naŋ bɨ. Ama ɨŋ say kɨlaw or na a cay gɨsəŋ ga Arabi gaŋ. Kardi nee na, ɨŋ bɨlgɨ canɨ jɨga a cay ƴaa-di-gumu di Damas dɨŋ.