Gɨye-lɔɔ 8:5 - Gabri Maja

⁵ Pilib or a cay ƴaa-di-gumu di pɨna wo̰ di woy a cay gɨsəŋ ga Samari gaŋ teen̰ bɛrnɛ di da Kɨris ban gɨ Kumu dorii le a nee.

Gɨye-lɔɔ 8:5 ပူးပေါင်းရင်းမြစ်များ

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 21:8

Wan̰dodo dɨŋ na, ni or a cay ƴaa-di-gumu di Sejare dɨŋ bɨ, ni gɨsɨn a da Pilib ba tɔgɛ bɛrnɛ Kɔl-gɨ-Ɗari. Ban na ungo gɨ pɨna wo̰, duroy ban̰aŋ ga jurgum ga kan torge kɨya jɨbe te Ka-Daye le.

Gɨye-lɔɔ 5:42

Kan gɨlɨn̰ kalaŋ kɔl bɨ, teen̰ge bɛrnɛ Kɔl-gɨ-Ɗari gɨ da Jesu-Kɨris bɨ, dan̰ wɔlɛ pɨna pɨna a duroy gulɔŋ ƴaa-di-da-Kumu dɨŋ bɨ, a duroy ƴaadɨge dɨŋ bɨ.

Gɨye-lɔɔ 6:5

Kɔl gɨ nee le, mon̰ ka-aye-cay-tɨbay Jesu ga dayge cayge le. Na toy di hɨn̰ wo̰ ma kan dorɨn̰ge Etɛn, ban gɨ aye kudurɔ koyi walɨn̰ kuduroy pɨl pɨl bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ le. Kan dorge Pilib bɨ, Pirogor bɨ, Niganor bɨ, Timo bɨ, Parmenas bɨ, Nigola gɨ wooyge na a cay gɨsəŋ ga Antɨyɔs gaŋ gɨ bɨle gusi leen̰ Jubɨ le bɨ.

Gɨye-lɔɔ 8:1

Kalaŋ ga ka-dɨɗe Etɛn le, Sol kalɨn̰ ma gey cay nee danage bɨ. A boy wɔlɛdi gɨ nee gɨŋ le ayge te loon̰ Ka-Daye ga Jerusalɛm cɨn̰-gɨle-cɨn̰ tɔgɨ. Kɨɗɨn̰ ga nee le, na ka-gɨre-gɨye ƴɔbɨ ba busdoŋge a cay kɨɗɨn̰ ga ɗaŋ gaŋ naŋ bɨ, ka-aye kudurɔ toyge ga baa le busdoŋge a cay kɨɗɨn̰ gaŋ nɔm. Kan orge a cay karɨn̰ ƴaa ga n̰ən̰əŋ ga woy a cay gɨsəŋ ga Jude gaŋ bɨ, ga Samari gaŋ bɨ.

Gɨye-lɔɔ 8:26

Ba-ƴɔbɛ gɨ daa nii gɨ da Ba-gulɔŋ yen̰ Pilib hɨn̰: «Saa ɨra jɨn̰ cɨn̰ ga manga dɨŋ, gɨyəŋ gɨ sayga Jerusalɛm or jɨn̰ cay ƴaa-di-gumu di Gaja, na gɨyəŋ gɨ duroy dal dɨŋ.»

Gɨye-lɔɔ 8:30

Pilib gɨre daa or gusi ɨni na, je gɨ ungo gɨ gumu le, ɗoŋsɨ na kɔl gɨ da Ijay ba-yɔɔ-kɔl-gɨ-Kumu-ba-yɔɔ. Ɨni na, ban ɨngɨrii hɨn̰: «Kɛ kɔl gɨ ji ba ɗoŋsɨ le, ji sol duroy leen̰ cɨndi han̰ ga?»

Gɨye-lɔɔ 8:40

Pilib na de andaŋ na a cay ƴaa-di-gumu di Ajot dɨŋ. Kardi nee ɨni na, ban gor dan̰ cay ƴaa ƴaa bɨ, teen̰ bɛrnɛ Kɔl-gɨ-Ɗari boy cay ƴaa ga gɨmdəŋ nɔm ga ban pɨde nee bɨrɨŋ andɨn̰ a cay ƴaa-di-gumu di Sejare dɨŋ.

Gɨye-lɔɔ 8:6

Dɨmdɨrdi kalaŋ dorge sɨmayge jen̰ge kɔl gɨ da Pilib, kɨya wa kan jege kol hɨnga ga ɗɨn̰ cɨn̰-kɨɗɨn̰ ga ban lee le bɨ, kan gusɨge solge hɨnga ga nee le dan̰ cɨndɨge bɨ.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

1 Korɛ̰t 2:2

Kɨya wa ɨŋ uja gɨ ni sɔlɛ-hɨnga ga ɗaŋ kɨɗɨn̰ ga ɨŋ ban̰ duroygɨŋ le naŋ, ama na Jesu-Kɨris ƴɔbɨ, ban gɨ kan gagɨliige a cay sɨya-gɨ-dagɨli gɨŋ le.

1 Korɛ̰t 3:11

Gɨ ojɨn̰ cay te ƴaa na, ungo gɨ kɨya ɓale ɗɔɔ gɨ ɗaŋ unɔ, na ban gɨ ɗege le ƴɔbɨ: Na Jesu-Kɨris.