Gɨye-lɔɔ 8:37 - Gabri Maja

³⁷ [Pilib yey hɨn̰: «Hɨn̰ gɨ ji na bɨga kuduron̰ cay nee leen̰ cɨndi na, ɨŋ kɨya loon̰ batɛm.» Ɨni na, ungo gɨ gumu le, dɨbii cay nee yey hɨn̰: «Ɨŋ ay kuduronɨ bɨn̰ Jesu-Kɨris. Ban na Kurɨn̰-Kumu.»]

Gɨye-lɔɔ 8:37 ပူးပေါင်းရင်းမြစ်များ

Matɨyo 16:16

Simo Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii, Kurɨn̰-Kumu gɨ som dan̰ cɨndi le.»

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Marg 16:16

Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Kɔl-gɨ-Ɗari gɨ Ja̰ wal 11:27

Mart dɨbi cay nee hɨn̰: «Əw, Ba-gulɔŋ ɨŋ bee kuduronɨ can̰ gɨ ji na Kɨris ban gɨ Kumu dorii, Kurɨn̰-Kumu gɨ ni amii gɨ ba kɨya caga a cay gɨsəŋ gaŋ le.»

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Kɔl-gɨ-Ɗari gɨ Ja̰ wal 6:68

Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 9:35

Jesu je gɨ kan na tayige coŋ. Ɨni na ban ɨrga wayi, yey hɨn̰: «Kɛ ji-bandi le, ji bee kuduron̰ cay Kurɨn̰-ungo le ga?»

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 8:12

Ama kɨɗɨn̰ ga Pilib tee bɛrnɛ di da Jesu-Kɨris bɨ di da dɔɔ-ƴaa di da Kumu bɨ na, kalaŋ ga Samari beege kuduroyge a cay Kɔl-gɨ-Ɗari gɨŋ. Lee gɨ ban̰aŋ bɨ, kandɨ bɨ, ɨrgage gusi ɗe ban na leege batɛm nɔm.

Gɨye-lɔɔ 8:21

Hɨnga ga ni bee-kalɨn̰ ga kɛ le, ji ɨran̰ dan̰ hɨnga dḛ wo̰ nee naŋ. Kɨya wa kuduron̰ wɨya dan̰ durɔ ɗɨngar tumoy Kumu naŋ.

Gɨye-lɔɔ 8:36

Kɨɗɨn̰ ga kan ayge gɨyəŋ orge na, kan bugoŋge a kɨɗɨn̰ ga kaŋ woy nee gaŋ ɨni na, ungo gɨ kan dorge toyi le yey hɨn̰: «Sɨla kaŋ ba kɛ, na wa ba kɨya nare ɗe gɨ ji gɨ looŋ batɛm ga?»

Gɨye-lɔɔ 8:38

Kardi nee ɨni na, ban ay noyi gɨ kan na ɨrɨn̰ dan̰ pusu dugo bɨ, kan sɔɗɨmɔm Pilib bɨ, ban gɨ kan dorge toyi bɨ, gɨsɨnge boy kaŋ gaŋ lee gɨ Pilib leeyi batɛm.

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Magtubu di Pol wal bɨn̰ kalaŋ ga Rɔm 10:10

Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ.

1 Korɛ̰t 12:3

Na toy di hɨn̰ wo̰ ma ɨŋ gey gɨ kɨŋ na sɨla duroy kuɗa gɨ ungo gɨ na ya kɔl dan̰ gɨyəŋ gɨ da Turnɔ di da Kumu le, kɨya yɔ gɨ: «Ɓɨse na ƴɨma cay Jesu» naŋ bɨrɨŋ. Bɨ ungo gɨ ɓale yɔ hɨn̰: «Jesu naa Ba-gulɔŋ» dɨle gɨ Turnɔ ɗe-kuduroy-bɛrɛ naa ba ɗa kɨbi bɨ.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

1 Ja̰ 4:15

Waŋ waŋ gɨ na ya Jesu gusi naa Kurɨn̰-Kumu na, Kumu bugoŋ pɨna danayi bɨ, ban kalɨn̰ ma bugoŋ pɨna dan̰ Kumu bɨ.

1 Ja̰ 5:1

Waŋ waŋ gɨ na bɨga kuduroy cay Jesu gɨ ban naa Kɨris ban gɨ Kumu dorii na, ungo gɨ nee le bɨləŋ na kurɨn̰ Kumu. Waŋ waŋ gɨ na gey Baynagɨŋ Kumu na, gey karɨndi nɔm bɨ.

1 Ja̰ 5:10

Waŋ waŋ gɨ na bɨga kuduroy a cay Kurɨn̰-Kumu na, ƴom dan̰ tɨmon̰ di nee le a ɗugoyi. Ama waŋ waŋ gɨ na bɨga kuduroy cay Kumu naŋ na, lee Kumu leen̰ na ba-poy, kɨya wa ban kan̰ bɔgɛ kuduroyi a cay tɨmon̰ di Kumu lee a cay Kurondi le.

1 Ja̰ 5:5

Kɛ, na waŋ ba bɔyɛ kɨmbɨl a cay dɔnɔ ga a cay gɨsəŋ gaŋ ga? Kɛ, na ungo gɨ bee kuduroy cay Jesu gɨ ban naa Kurɨn̰-Kumu le naŋ ga?