Gɨye-lɔɔ 8:20 - Gabri Maja

²⁰ Ama Pɨyɛr jɨga dɨbi nee yey hɨn̰: «Ji bɨ, gursu ton̰ bɨ, mundoŋgɨŋ nɔm coŋ. Kɨya wa hɨnga ga Kumu bee-kalɨn̰ le, ji ɨrɨm gɨ naa hɨnga ga ni kɨle dan̰ gursu.

Gɨye-lɔɔ 8:20 ပူးပေါင်းရင်းမြစ်များ

Matɨyo 10:8

Pɨɗagɨŋ ka-hɔmɨn̰ɛ bɨ, lɨbɨgɨŋ kalaŋ ga madɨrdaŋ bɨ, dɨran̰gɨŋ ka-mada mɨra bɨ, tayagɨŋ turnɔn̰əŋ ga ɨsɨndəŋ bɨ. Kɨŋ way na kalɨn̰ bɨ, bɨn̰gɨŋ kalaŋ na kalɨn̰ bɨ.

Matɨyo 15:19

Kɨya wa ɨrɨme ga ɨsɨn bɨ, ɨrɨme gɨ ni dɨɗɨn̰ ungo bɨ, yɔyɛ tama wala bara gɨ da mɨgan̰ bɨ, gɨye lɔɔ gɨ da yɔyɛ dan̰ gangɨ caa bɨ, geye hase bɨ, pɔyɛ kɔl se cay kalaŋ bɨ, yagɨde kɨɗɨn̰ bɨ, saygage na kuduroy ungo.

Gɨye-lɔɔ 1:18

Gɨlmi gɨ nee le, don gursu toy di kan biige ojɨn̰ cay hɨnga ga ɨsɨni ga ban lee le, or kɨlɨn̰ kɨɗɨn̰ yage. Ban baa ɨmbe cɨndi dugo, lee gɨ kuduroyi andaŋ pan̰, ɗe gɨ karɨn̰ kuduroyi hɨɗɨbəŋ dugo hɔlɔlɔ coŋ.

Gɨye-lɔɔ 10:45

Duroy ka-aye kudurɔ ga bɨgɨgage Pɨyɛr ga na Jubɨn̰əŋ le, kɔl kayge sɛl sɛl kɨya wa kalaŋ ga toyge na Jubɨ naŋ kalɨn̰ ma wayige Turnɔ ɗe-kuduroy-bɛrɛ di Kumu bee.

Gɨye-lɔɔ 11:17

Hɨn̰ gɨ hɨnga ga Kumu bɨge le, na ɓalɨn̰a dan̰ hɨnga ga Kumu bɨna kɨɗɨn̰ ga na ba been̰ kuduroyna cay Ba-gulɔŋ Jesu-Kɨris le na, kɛ ɨŋ na waŋ ma maŋ gɨ narɨn̰ Kumu lɔɔ hɨnga kayi ga?

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 8:19

«Bəŋgɨŋ dɔnɔ di nee le bɨ, ɗe gɨ waŋ waŋ gɨ ɨŋ na dɨbɨ kɔbɔŋ cayi na, na wayan̰ Turnɔ ɗe-kuduroy-bɛrɛ hɨn̰ wo̰ bɨ.»

Gɨye-lɔɔ 8:22

Bɨl kardɨn̰ bɨn̰ kuduroy ɨsɨna kon̰ bɨ, ula Kumu Ba-gulɔŋ bɨ. Gajanaŋ ban kɨya ɗɔɔ kuduroy jalɨwa a cay hɨnga ga ji ba ɨrɨm gɨ ni lɔɔ le.

1 Timote 6:9

Ama kan ga geyge wɔɔ hɨnga tɔgɨ le, kɨya bugoŋge a boy boy di da hɨnga ga ni gɨybe gaŋ bɨ. Kɨya bugoŋge boy kondɨwadi tabɨlaŋ da hɨnga ga ni dɨngale ga dɨmbɨri gaŋ bɨ, ga na hɨnga ga kɨya mɔndɛ ungo muɗɔgɨ muɗɔgɨ coŋ bɨ, bogɨge kayaŋ bɨ.

Magtubu di Jag wal 5:3

Lɔr togɨŋ bɨ, gursu togɨŋ di ni nare bɨ, ƴom yɨlwa. Ama na yɨlwa gɨ kɨya lɔɔ tɨmon̰ a caygɨŋ kɨya gɨ kɨŋ lee ɨsɨna. Hɨndi kɨya bɨləŋ tɨwa di kɨya ule kuyoŋdi-gusɨgɨŋ bɨ. Haw kɛ, cay gɨsəŋ ba mɨnde kɨya kaga, ama kɨŋ dojɨde hɨnga-wɔɔdɨgɨŋ jɨn̰ nee nee ƴee.

Wasɨn̰a 18:15

Ka-lɔɔ gɨyaw ga wayge hɨnga kol caa le, hundɔrɔ kɨya bɔɔ toyge kɨya cay mɨrɨn̰tɨn̰i di andaŋ a caa le dorɨn̰ge toyge sɛdɨ coŋ danaa. Kan kɨya ɨle bɨ, kɨya sɔmɛ duroy n̰age dɨŋ bɨ,