Gɨye-lɔɔ 7:51 - Gabri Maja

⁵¹ Bɨ Etɛn ye ɗaŋ coŋ ye hɨn̰: «Kɨŋ ka-cay osɨwa, ɗugoygɨŋ bɨ, sɨmaygɨŋ bɨ, lugdəŋ daa. Kɨŋ na ka-geye kɔl gɨ da Turnɔ ɗe-kuduroy-bɛrɛ naŋ dan̰ wɔlɛ pɨna pɨna. Kɨŋ gɨlɨn̰ hɨn̰ mon̰iigɨŋ wo̰ dɛj dɛj.

Gɨye-lɔɔ 7:51 ပူးပေါင်းရင်းမြစ်များ

Gɨye-lɔɔ 6:10

Ama kan ɗɨn̰ge cayi dan̰ man̰e gɨ da kɔl naŋ, kɨya wa cɨn̰-muɗɔlɛ di ban ba yen̰ kɔl le, na Turnɔ ɗe-kuduroy-bɛrɛ ba bii.

Gɨye-lɔɔ 7:27

«Ama ban gɨ ba leen̰ mɨgay ɨsɨna le, jɨbɨ Moyis sɛdɨ kɨbi coŋ bɨ, yey hɨn̰: “Na waŋ ba ɗon̰ ba-cayni bɨ, ba-bɔyɛ kɔl cayni bɨ ga?

Gɨye-lɔɔ 7:35

Bɨ Etɛn ye ɗaŋ coŋ hɨn̰: «Moyis le, na ban gɨ naa karmii Ɨsɨrayɛln̰əŋ jɨbige sɛdɨ coŋ yeyge hɨn̰: “Na waŋ ba sɨn̰ ba-cayni bɨ, ba-bɔyɛ kɔl cayni bɨ ga le?” Na ban ma Kumu gɨygi hɨn̰ ba-cayge bɨ, ba-dorge kɨbɨ guyɔŋdu dɨŋ bɨ, dan̰ gɨyəŋ gɨ da ba-ƴɔbɛ gɨ daa nii gɨ andaŋ cayi duroy karɨn̰ sɨya gaŋ le.

Gɨye-lɔɔ 7:39

«Ama mon̰inagɨŋ geyge jɔɔ kɔl kɨbi naŋ, kan kan̰iige bɨ, malge gɨ ni bɨle jɔgɛ a cay gɨsəŋ ga Ejɨpt gaŋ.

Gɨye-lɔɔ 7:9

«Mon̰inagɨŋ ga ka-ɗɔ te wɔɔdɨnagɨŋ leege jangɨ dan̰ Jɨsɛb bɨ, ƴomiige kɨliige coŋ ɗe gɨ kan na ɨran̰ danayi Ejɨpt, ama Kumu baa danayi.

Magtubu di Pol wal bɨn̰ kalaŋ ga Rɔm 2:25

Na cɨndi, hɨn̰ gɨ ji na ɨr a cay gasɨn̰-kɔl gaŋ na, wale ban̰a na hɨnga ga ɗari. Ama hɨn̰ gɨ ji na hangɨɗa cay gasɨn̰-kɔl na, wale ban̰a ton̰ na hɨnga ga kalɨn̰ wo̰ dugo.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Kɔlɔs 2:11

Dan̰ bugoŋ gɨ kɨŋ bugoŋ pɨna dan̰ Kɨris le, kɨŋ bɨle kalaŋ ga walgege ban̰a. Ɨni na, na wale ban̰a di ungo ba wale dan̰ kobi naŋ, ama na wale ban̰a di Kɨris gusi ba wale. Kɨya dorɨn̰ dɔnɔ di da kuyoŋdi-gusɨna gɨ ɨre orɨn̰ danana ɨsɨna gɨŋ le coŋ.