Gɨye-lɔɔ 7:38 - Gabri Maja

³⁸ Kɨɗɨn̰ ga karɨn̰ Ɨsɨrayɛl dayge cayge a duroy daldɨŋ le, na Moyis ba ɨre duroy mon̰inagɨŋ gaŋ dan̰ ba-ƴɔbɛ gɨ daa nii ɨre arɨn̰ kɔl danayi cay garma gɨ Sɨnayi gɨŋ le. Na ban ba ƴɔɔ kɔl gɨ ni somɨn̰-bɨra gɨ nee le kɨbɨ Kumu bɨna.

Gɨye-lɔɔ 7:38 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Kɔl-gɨ-Ɗari gɨ Ja̰ wal 6:63

Na turnɔ da Kumu ba bɨn̰ ungo sɔmɛ-bɨra gɨ dan̰ cɨndi, ama kuyoŋdi-gusi ungo laa danayi naŋ. Kɔl nɔm gɨ ɨŋ ba yəgɨŋ le, sayga na gusi Turnɔ di da Kumu bɨ, bee sɔmɛ-bɨra gɨ dan̰ cɨndi bɨ.

Gɨye-lɔɔ 7:30

«Lee ɨlge toy-poɗɨn̰ ɨni na, ban say or a duroy daldɨŋ bongi garma gɨ Sɨnayi gɨŋ bɨ, ba-ƴɔbɛ gɨ daa nii gɨ pɨna wo̰ andaŋ cɨndi duroy kɨlen̰ tɨwa di ƴee duroy karɨn̰-sɨya gaŋ.

Gɨye-lɔɔ 7:35

Bɨ Etɛn ye ɗaŋ coŋ hɨn̰: «Moyis le, na ban gɨ naa karmii Ɨsɨrayɛln̰əŋ jɨbige sɛdɨ coŋ yeyge hɨn̰: “Na waŋ ba sɨn̰ ba-cayni bɨ, ba-bɔyɛ kɔl cayni bɨ ga le?” Na ban ma Kumu gɨygi hɨn̰ ba-cayge bɨ, ba-dorge kɨbɨ guyɔŋdu dɨŋ bɨ, dan̰ gɨyəŋ gɨ da ba-ƴɔbɛ gɨ daa nii gɨ andaŋ cayi duroy karɨn̰ sɨya gaŋ le.

Gɨye-lɔɔ 7:53

Kɨŋ way gasɨn̰-kɔl gɨ da Kumu dan̰ gɨyəŋ gɨ da ka-ƴɔbɛ ga daa nii, ama hɨnga ga gasɨn̰-kɔl ba-gɨlgɨŋ le, kɨŋ kan̰ lɔɔ coŋ.»

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

Magtubu di Pol wal bɨn̰ kalaŋ ga Rɔm 9:4

Kan na te wɨn̰je gɨ da Ɨsɨrayɛl. Na kan ma na te wɔɔ gɨ Kumu torge ɗe na bɨlege karɨn̰ Kumu bɨ, na kan ma ban gɨlge gusoŋ-tɔgɛ koyi bɨ, na kan ma ban saɗɨ kɨbi pɨna danage bɨ, na kan ma ban bɨge gasɨn̰-kɔl kayi bɨ, na kan ma ban gɨlge gɨyəŋ gɨ ni n̰ɨrii bɨ, na kan ma ban yege kɔl hɨnga ga ɗi na kɨya bɨge bɨ.

Galad 3:19

Naa hɨn̰ wo̰ na, na kɨya wa ma Kumu gɨygɨn̰ dan̰ gasɨn̰-kɔl ga? Kumu ay dan̰ gasɨn̰-kɔl gɨygɨn̰ nee coŋ, na kɨya gɨlɨn̰ kalaŋ ɗe na solɨn̰ge hɨnga ga bugoŋ pɨna dan̰ kuduroy geye koyi naŋ. Gasɨn̰-kɔl gɨ nee le, woy hɨn̰ wo̰ bɨrɨŋ gɨsɨn̰ gɨ Abɨraham kungayi gɨ Kumu ye gɨ ɗi na kɨya lɔɔ hɨnga ga ban ye kol cayi le bugoŋ. Gasɨn̰-kɔl gɨ nee le, Kumu bɨn̰ na ka-ƴɔbɛ ga daa nii ba yɔɔge koldi dan̰ gɨyəŋ gɨ da ungo gɨ ba ɨre duroy kalaŋ dan̰ Kumu. Ungo gɨ nee le na Moyis.

Əbɨro 2:2

Na cɨndi, kɔl gɨ ka-ƴɔbɛ ga daa, jɨne ba teege bɛrnɛdi ojɨn̰ cay gasɨn̰-kɔl le, or kɨɗɨn̰di gaŋ. Kan ga hangɨɗɨge cayi, naŋ le jage kɔl naŋ le, wayge cay kɔbɔ gɨ ojɨ cay gɨye-lɔɔdɨge.

Əbɨro 4:12

Na cɨndi, kɔl gɨ da Kumu le na kɔl gɨ som-bɨra bɨ, togii woy nee bɨ, ƴee ɗɨn̰ pəlɨm di ƴee gasɨndo sɔɔ bɨ. Hɨndi andaŋ kuduroy ungo, or bɨrɨŋ pɔyɛ kɨɗɨn̰ ga ungo habedi bɨ, turnoy bɨ dayaŋge nee gaŋ daa. Bɨ or bɨrɨŋ pɔyɛ kɨɗɨn̰ ga gurɨyadi dan̰ sɔŋ gɨ a duroy isidi dayaŋge nee gaŋ daa bɨ. Kɔl gɨ da Kumu boy kɔl a cay hɨnga nɔm ga ungo ojɨ lɔɔ bɨ, cay ɨrɨme gɨ woy a kuduroy ungo gɨŋ bɨ.

Əbɨro 5:12

Kardi sɨngɨɗɨ ɨni, lee gɨ kɨŋ ni kɨya bɨle ka-gɨlɨn̰ kalaŋ hɨnga ɨni. Ama kɨŋ mal gɨ kalaŋ na jɨge gɨlgɨŋ hɨnga ga ni gɨle ga cay wase ga boy kɔl gɨ da Kumu gɨŋ ƴee coŋ. Kɨŋ or bɨrɨŋ orɨn̰ na dan̰ tabɨlaŋdi kobɨn̰ ga ni sɔɔ, ama kɨŋ ɨran̰ na dan̰ tabɨlaŋdi hɨnga ga ni dɔɔ ga osi naŋ.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!