Gɨye-lɔɔ 6:9 - Gabri Maja

⁹ Ɨni na, kalaŋ ga pɨna wo̰ san̰ge danayi dan̰ kɔl. Kalaŋ ga nee le, na kalaŋ ga teege kɨɗɨn̰ dayaŋ kage naa «ƴaa-dayaŋ ga da gɔyɔŋ ga dorge guyɔŋdu cayge coŋ», kan na Jubɨ ga cay ƴaa-di-gumu di Sirɛn bɨ, di Alegjandɨri bɨ, ga cay gɨsəŋ ga Sɨlisi gaŋ bɨ, ga Aji gaŋ bɨ. Kan say man̰ge kɔl dan̰ Etɛn.

Gɨye-lɔɔ 6:9 ပူးပေါင်းရင်းမြစ်များ

Matɨyo 10:17

Ɗagɨŋ muɗɔlɛ cay gusɨgɨŋ kɨya cay kalaŋ, kɨya wa kan kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya somdɨgɨŋge duroy ƴaa-daye koge gɨŋ bɨ.

Matɨyo 23:34

Na toy di hɨn̰ wo̰ ma, jagɨŋ, ɨŋ-bandi ɨŋ kɨya gɨye ka-yɔɔ-kɔl-gɨ-Kumu-ba-yɔɔ bɨ, ka-cɨn̰-muɗɔlɛ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, gusɨgɨŋ. Kɨŋ kɨya dɨɗe ga pɨna bɨ, gagɨlde ga pɨna a cay sɨya-gɨ-dagɨli gɨŋ bɨ, sɔmdɨdɛ ga pɨna dan̰ bɨraw duroy ƴaa-daye-di-da-Jubɨn̰əŋ gaŋ bɨ, kɨŋ kɨya codɨdɨge dan̰ cay ƴaa ƴaa bɨ.

Matɨyo 27:32

Kan andaŋge orɨn̰ge danayi a kardi cay ƴaa-di-gumu dɨŋ ɨni na, kan wayge ungo gɨ pɨna wo̰ gɨ teeyige Simo, ban na ungo gɨ kan wooyge a cay ƴaa-di-gumu di Sirɛn dɨŋ. Kan usboŋge danayi bɨ ƴomiige dan̰ dɔnɔ gɨ ban na aya sɨya-gɨ-dagɨli gɨ da Jesu.

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Kɔl-gɨ-Ɗari gɨ Lug wal 21:12

«Ama tumɔ pa dɨm ma ɗe hɨnga ga nee le na ɨrga na, kan kɨya ƴomgɨŋ bɨ, kan kɨya gɨlgɨŋ cɨn̰-n̰age bɨ, kan kɨya se kɔl cay gɨŋ a duroy ƴaa-daye-di-da-Jubɨn̰əŋ gaŋ bɨ, kan kɨya bogɨgɨŋ dangay bɨ, kan kɨya tolgɨŋge orɨn̰ge danagɨŋ tumoy kɛrɨmbɛlɛŋ gaŋ bɨ, tumoy ka-kɨbɨ kɛrɨmbɛlɛŋ ga gɨmdəŋ kɨya gusoŋnɨ.

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Gɨye-lɔɔ 13:45

Kɨɗɨn̰ ga Jubɨn̰əŋ ba solge dɨmdɨrdi kalaŋ ga ba dayaŋge le na, cɨn̰-pɨɗɨma say leege tɔgɨ lee gɨ kan jɨbɨ kɔl nɔm ga da Pol sɛdɨ coŋ bɨ, yagɨdiige bɨ.

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 15:41

Pol gɔdɨrde cay gɨsəŋ ga Siri gaŋ bɨ, ga Sɨlisi gaŋ bɨ. Dobɨn̰ bandɨ kuduroy Ka-Daye gaŋ ɗe gɨ kan na ɨrɨn̰ge usa a cay aye kudurɔ koge gɨŋ bɨ.

Gɨye-lɔɔ 16:6

Pol dan̰ Sɨlas kaydege cay gɨsəŋ ga Pɨrɨji bɨ, Galasi bɨ, andɨn̰ge, kɨya wa Turnɔ ɗe-kuduroy-bɛrɛ narge tɔgɛ bɛrnɛ a cay gɨsəŋ ga Aji gaŋ.

Gɨye-lɔɔ 18:24

Jubɨ gɨ pɨna wo̰ gɨ gusondi na Apolos ɨrga bugoŋ a cay ƴaa-di-gumu di Epɛs dɨŋ. Kan wooyge na a cay ƴaa-di-gumu di Alegjandɨri dɨŋ. Ban na ungo gɨ orɨn̰ dan̰ jɨba di kɔl bɨ, ban na ungo gɨ sol kɔl gɨ a boy kɔl gɨ woy a duroy Magtubu di da Kumu dɨŋ di kan walge tɔgɨ bɨ.

Gɨye-lɔɔ 19:10

Ban lee hɨn̰ wo̰ ɓal ɨlge sɔɔ, lee gɨ kalaŋ nɔm ga a cay gɨsəŋ ga Aji gaŋ, kalaŋ ga ni Jubɨ bɨ Gɨrɛg bɨ jege kɔl gɨ da Ba-gulɔŋ.

Gɨye-lɔɔ 19:26

Ama hɨnga ga Pol gɨ nee ba lee le, kɨŋ sol bɨ je bɨ. Ban ye hɨn̰: “Kulan̰əŋ ga kalaŋ na leege dan̰ kobɨge le, naa kumun̰əŋ naŋ.” Ban nar kalaŋ lee gɨ kalaŋ kondɨ bugoŋge kardi. Na a cay ƴaa toni di Epɛs dɨŋ kɛ ƴɔbɨ naŋ, ama baa dḛ wo̰ gɨ kɨya ƴɔɔ cay gɨsəŋ ga Aji nɔm.

Gɨye-lɔɔ 21:27

Kɨɗɨn̰ ga baa mɨnde gɨ wɔlɛ gɨ jurgum gɨ ojɨ gɨ ni dorɨn̰ gusɨ mɨra ɓal dɛj ɨni na, kalaŋ ga ni Jubɨ ga saygage a cay gɨsəŋ ga Aji gaŋ solge Pol duroy ƴaa-di-da-Kumu dɨŋ na, kan gosɨrge dɨmdɨrdi kalaŋ bɨ, ƴomge Pol.

Gɨye-lɔɔ 21:39

Pol jɨga dɨbii cay nee yeyi hɨn̰: «Ɨŋ na Jubɨ gɨ wɔɔŋge a Tars, a cay gɨsəŋ ga Sɨlisi gaŋ. Ɨŋ na kɨye gɨ ba cay ƴaa-di-gumu di gusɔndɔ ye tɔgɨ. Ɨŋ olɨn̰, ɗaŋ aŋ yen̰ kalaŋ kɔl.»

Gɨye-lɔɔ 22:19

Ama ɨŋ jɨga dɨbii cay nee yey hɨn̰: “Ba-gulɔŋ, kan kalɨn̰ ma solge nɔm gɨ ɨŋ na andɨdaŋ a duroy ƴaa-daye-di-da-Jubɨn̰əŋ dɨŋ, ƴɔmɨn̰ kan ga ayge kuduroyge bɨn̰ le. Bɨ ɨŋ beege dangay dɨŋ bɨ, ɨŋ ɗege teegege bɨ.

Gɨye-lɔɔ 22:3

«Ɨŋ na Jubɨ, wɔɔŋge na Tars, a cay gɨsəŋ ga Sɨlisi gaŋ bɨ, ama na a cay ƴaa-di-gumu di Jerusalɛm dɨŋ kɛ ma abaŋge nee bɨ, na Gamalɨyɛl, ma na ba gɨləŋ hɨnga bɨ. Ban gɨləŋ gasɨn̰-kɔl gɨ da mon̰inagɨŋ, lee gɨ ɨŋ sol gɨyəŋ gɨ ni ɨre a cay gasɨn̰-kɔl kage gaŋ, dan̰ gɨyəŋdɨge gɨyəŋdɨge. Kɨya wa tumɔ le gusɨnɨ-hɨmbalaŋ tɔgɨ a cay hɨnga ga da Kumu gaŋ, na hɨn̰ gɨ kɨŋ ba leen̰ nɔm labɨde wo̰ bɨ.

Gɨye-lɔɔ 23:34

Ban ƴee magtubu le ɗongɨsɨ bɨ, ban ɨngɨr Pol ye hɨn̰: «Kɛ ji na ungo gɨ a cay gɨsəŋ ga ani gaŋ ga?» Ban dɨbii cay nee hɨn̰: «Ɨŋ na ungo gɨ wɔɔŋge na cay gɨsəŋ ga Sɨlisi gaŋ.»

Gɨye-lɔɔ 24:18

Na hɨnga ga nee le ma maŋ lee, kɨɗɨn̰ ga kalaŋ ga ni Jubɨ ga pɨna wo̰ ga saygage jɨn̰ cay gɨsəŋ ga Aji gaŋ, wayaŋge a duroy ƴaa-di-da-Kumu dɨŋ. Kɨɗɨn̰ ga kan wayaŋge na, na nee dɨm ma maŋ dɨɗɨ kɨbɨ dorɨn̰ gusɨnɨ mɨra ƴee. Ɨŋ gusɨra kalaŋ naŋ bɨ, ɨŋ laa kɔl naŋ bɨ. Na kalaŋ ga nee le ma ojɨ gɨ kan ni ba kɨya se kɔl canɨ tumon̰ labɨde, hɨn̰ gɨ kan ni na ɨran̰ dan̰ kɔl danaŋ leen̰ cɨndi.

Gɨye-lɔɔ 26:11

Ɨŋ kobɨ kardi ƴaa-daye-di-da-Jubɨn̰əŋ pɨna pɨna, gɨlɨn̰ ka-bɔgɛ kuduroyge cay Kɨris cɨn̰-gɨle-cɨn̰ bɨ, ɨŋ si tɔgɨ cayge ɗe kan na yagɨdan̰ ban gɨ kan bee kuduroyge cayi le bɨ. Kuduroy-ɨlwa tɨnge di ba ləŋ cayge le, lee gɨ ɨŋ mal cay tɨbayge bɨrɨŋ andɨn̰ a cay ƴaa ga gɨmdəŋ ga ɗaŋ gaŋ.

Gɨye-lɔɔ 6:10

Ama kan ɗɨn̰ge cayi dan̰ man̰e gɨ da kɔl naŋ, kɨya wa cɨn̰-muɗɔlɛ di ban ba yen̰ kɔl le, na Turnɔ ɗe-kuduroy-bɛrɛ ba bii.

1 Korɛ̰t 1:20

Haw kɛ na, ba cɨn̰-muɗɔlɛ le ba ani ga? Ba-gɨlɨn̰ kalaŋ gasɨn̰-kɔl gɨ da Moyis le ba ani ga? Ba man̰de kɔl gɨ kalaŋ ga a cay gɨsəŋ gaŋ geyge le ba ani ga? Kɛ, Kumu gɨl gɨ cɨn̰-muɗɔlɛ di a cay gɨsəŋ gaŋ kɛ naa hɨnga ga ni dɨngale naŋ ga?

Galad 1:21

Kardi nee na, ɨŋ say or a cay gɨsəŋ ga Siri gaŋ dan̰ ga Sɨlisi gaŋ bɨ.