Gɨye-lɔɔ 6:3 - Gabri Maja

³ Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kuɗa gɨ kɨŋ tɨra ban̰aŋ jurgum duroyna, kan ga gusondɨge ye kuɗa bɨ, ga Turnɔ ɗe-kuduroy-bɛrɛ ƴee kuduroyge pɨl pɨl bɨ, ga muɗɔldɔŋ bɨ, ɗe ana bee gɨye gɨ nee le kobɨge.

Gɨye-lɔɔ 6:3 ပူးပေါင်းရင်းမြစ်များ

Matɨyo 23:8

Ama kɨŋ-gandi na, kɨŋ ɗɔɔ kalaŋ togɨgɨŋ “Ka-gɨlɨn̰ kalaŋ hɨnga” naŋ, kɨya gɨ kɨŋ-gandi nɔm, kɨŋ na karme bɨ, Ba-gɨlgɨŋ hɨnga na pɨna hayi ƴɔbɨ bɨ.

Kɔl-gɨ-Ɗari gɨ Ja̰ wal 21:23

Ayɨn̰ toy cay kɔl gɨ nee le, kalaŋ ka-aye kudurɔ yen̰ge gusɨge jɨn̰ tumɔ tumɔ duroy ka-karme, gɨ ba-aye-cay-tɨbayi gɨ nee le, na kɨya mare naŋ. Leen̰ cɨndi na, kɔl gɨ Jesu yen̰ Pɨyɛr le, ban ya na wo̰ naŋ. Ama ban ye na hɨn̰: «Hɨn̰ gɨ ɨŋ na gey gɨ ban na sɨma-bɨra bɨrɨŋ gɨsɨn̰ gɨ ɨŋ na jɨgen̰ le kɛ, dolɨn̰ na wa nee ga?»

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 1:21

«Naa hɨn̰ wo̰ na, kuɗa gɨ na dorgɨŋ ungo duroy ban̰aŋ ga ka-ɔrɛ danana dan̰ wɔlɛ nɔm gɨ Ba-gulɔŋ Jesu ba dorɨn̰ tumoynagɨŋ ƴee le.

Gɨye-lɔɔ 10:22

Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 15:23

Kan say walge magtubu bɨge kobɨge. Walge boy nee yege hɨn̰: «Ka-gɨre-gɨye bɨ, ga muɗoldoŋ bɨ, kan ga na karmɨgɨŋ bɨ, leen̰ge karmɨge ga na te kalaŋ ga toyge na Jubɨ naŋ ga somge a Antɨyɔs cay gɨsəŋ ga Siri gaŋ bɨ, Sɨlisi gaŋ bɨ le lapɨya.

Gɨye-lɔɔ 16:2

Guson̰ Timote ye kuɗa tɔgɨ duroy karmɨni ga Listɨr bɨ, Ikonɨyɔm bɨ.

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Gɨye-lɔɔ 22:12

«Bɨ a cay ƴaa-di-gumu di nee le, bara gɨ pɨna wo̰ gɨ gusondi na Ananɨyas som a nee. Ban na ungo gɨ hɨndar Kumu bɨ, na ungo gɨ ɨre a cay Gasɨn̰-kɔl gɨ da Moyis gaŋ bɨ, kalaŋ ga ni Jubɨ nɔm ga Damas yege koldi kuɗa bɨ.

Gɨye-lɔɔ 28:14

A boy cay gɨsəŋ ga nee gaŋ le, ni wayi dan̰ karmɨni ga molnige gɨ ni na sɨma danage dɨmasɨ pɨna. Na dan̰ gɨyəŋ gɨ hɨn̰ wo̰ ma, mani andɨn̰ a Rɔm.

Gɨye-lɔɔ 6:2

Kɨɗɨn̰ ga nee le, ka-gɨre-gɨye ga mɔjɨ-cayge-sɔɔ dayge cay ka-aye-cay-tɨbay Jesu nɔm kɨɗɨn̰ pɨna bɨ, yege hɨn̰: «Ɗe gɨ na-gandi ana na ɗe tɔgɛ bɛrnɛ kɔl gɨ da Kumu coŋ, kɨya gosɨnɨn̰ hɨnga ga ni dɔɔ le, na hɨnga ga dan̰ gɨyəŋdɨge naŋ.

Gɨye-lɔɔ 6:5

Kɔl gɨ nee le, mon̰ ka-aye-cay-tɨbay Jesu ga dayge cayge le. Na toy di hɨn̰ wo̰ ma kan dorɨn̰ge Etɛn, ban gɨ aye kudurɔ koyi walɨn̰ kuduroy pɨl pɨl bɨ, Turnɔ ɗe-kuduroy-bɛrɛ ƴee kuduroy pɨl pɨl bɨ le. Kan dorge Pilib bɨ, Pirogor bɨ, Niganor bɨ, Timo bɨ, Parmenas bɨ, Nigola gɨ wooyge na a cay gɨsəŋ ga Antɨyɔs gaŋ gɨ bɨle gusi leen̰ Jubɨ le bɨ.

Gɨye-lɔɔ 6:6

Kan ɨrgan̰ danage tumoy ka-gɨre-gɨye. Kan olge Kumu bɨ, dɨbɨge kobɨge cayge kɨya dorge sige dan̰ cɨndɨge ojɨn̰ cay gɨye gɨ nee le bɨ.

Gɨye-lɔɔ 9:30

Kɨɗɨn̰ ga karmii jege koldi ɨni na, kan orɨn̰ge danayi a Sejare bɨ, gɨyɨn̰ge danayi a Tars bɨ.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 16:3

Kɨɗɨn̰ ga ɨŋ na bugoŋ ɨni na, kan ga kɨŋ ba torge le ɨŋ kɨya bɨge magtubu ɗe kan orɨn̰ge dan̰ gursu togɨŋ di kɨŋ ba hogu le a cay ƴaa-di-gumu di Jerusalɛm.

Epɛs 5:18

Kɨŋ ɗɔɔ kɔyɛ cɛrɛ di suru lɔɔgɨŋ naŋ, kɨya wa kɔyɛ na hɨnga ga kɨya mɔndɛ ungo. Ama ɗagɨŋ Turnɔ ɗe-kuduroy-bɛrɛ ƴaa kuduroygɨŋ.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

Magtubu di Jag wal 1:17

Hɨnga ga kuɗa tɔgɨ nɔm le, kan bɨnage na bee bɨ. Hɨnga ga ni bee kalɨn̰ ga kuɗa duroŋ dan̰ durɔ cɨrɛɗ nɔm le, na hɨnga ga sayigage na a daa nii bɨ, andɨgaŋge na gusi Bayna Kumu gɨ ba-lɔɔ kɨɗɨn̰ ga asɨn̰ bɨ. Kumu bɨl ɗaŋ naŋ bɨ, ban nɨwɨr gusi hɨn̰ gɨsəŋ ga ba nɨwɨre gusɨge cɨn̰ tɨwa dɨŋ, kɨya ɗenagɨŋ duroy dɨlɨm dɨŋ wo̰ naŋ bɨ.

3 Ja̰ 1:12

Kol cay Demetrɨyus na, kalaŋ nɔm leege tɨmon̰ di ɗari kol cayi. Bɨ kɔl gɨ cɨndi kalɨn̰ ma, lee tɨmon̰ di ɗari kol cayi bɨ. Ama ni-gandi kalɨn̰ ma, ni lee tɨmon̰ di ɗari kol cayi bɨ. Ji Gayus, ji sol gɨ tɨmon̰ di ni ba lee le naa cɨndi.