Gɨye-lɔɔ 6:1 - Gabri Maja

¹ Boy wɔlɛdi gɨ nee le, ka-aye-cay-tɨbay Jesu kondɨwayge say cay kamdɨge gaŋ jɨn̰ tumɔ tumɔ. Ɨni na, kɔl ba duroy kalaŋ ga ni Jubɨ ga ka-yɔɔ kɨbɨ Gɨrɛg, dan̰ Jubɨ ga ka-yɔɔ kɨbɨ əbɨro. Kɨya wa kan ga ka-yɔ kɨbɨ Gɨrɛg le, yege hɨn̰ kɨɗɨn̰ ga tɨwa di ni gosɨnɨn̰ hɨnga ga ni dɔɔ ga dan̰ wɔlɛ pɨna pɨna na ɓala ɨni na, kan na laan̰ dan̰ kandɨ kage ga kodɨn̰ige mage kuɗa naŋ.

Gɨye-lɔɔ 6:1 ပူးပေါင်းရင်းမြစ်များ

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 11:26

Kɨɗɨn̰ ga ban wayi ɨni na, ban ɨrgan̰ danayi a Antɨyɔs. Kan sɔɗɨmɔŋ toge dɨŋ ɨlgɨge daa pɨna, duroy kalaŋ ga Ka-Daye ga a Antɨyɔs bɨ, gɨlɨn̰ge dɨmdɨrdi kalaŋ kɔl tɔgɨ bɨ. Cay wase cɨg cɨg na, na a cay ƴaa-di-gumu di Antɨyɔs dɨŋ ma kalaŋ ayge te tɔgɛ ka-aye-cay-tɨbay Jesu, naa kalaŋ ga ka-kɔbɛ Kɨris.

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Gɨye-lɔɔ 2:45

Kan kɨl kɨɗɨn̰ kage coŋ bɨ, hɨnga wɔɔdɨge coŋ bɨ, ɗege gursudɨge gosnɨn̰ge gusɨge duroyge ojɨn̰ cay hɨnga ga waŋ waŋ kalɨn̰ ma ba or n̰agedɨge.

Gɨye-lɔɔ 2:47

Kan hɨramge Kumu bɨ, kan ƴeege cɨn̰ kalaŋ nɔm nee bɨ. Ɨni na, kan ga ban poɗɨge le, Ba-gulɔŋ ɨrgan̰ danage beege cay kamdɨge ga ka-daye gusɨge le, dan̰ wɔlɛ pɨna pɨna.

Gɨye-lɔɔ 4:35

beege tumoy ka-gɨre-gɨye bɨ, kan gosnɨn̰ge waŋ waŋ kalɨn̰ ma ojɨn̰ cay hɨnga ga ban or n̰agedɨge.

Gɨye-lɔɔ 4:4

Duroy kalaŋ ga jege kɔl gɨ da ka-gɨre-gɨye le, kondɨwadɨge ayge kuduroyge. Kalaŋ ga ba ayge kuduroyge le, ɓalge hɨn̰ dubu-bay wo̰.

Gɨye-lɔɔ 5:14

Kondɨwadi kalaŋ ayge kuduroyge bɨn̰ Ba-gulɔŋ Jesu, ban̰aŋ bɨ, kandɨ bɨ, bugoŋge cay kamdɨge gaŋ jɨn̰ nee nee.

Gɨye-lɔɔ 5:28

«Ni nargɨŋ gɨlɨn̰ kalaŋ kɔl dan̰ guson̰ ungo gɨ nee le bɨ, ni yəgɨŋ koldi arɨn̰ carara bɨ. Ama ba woy kɛ na, kɨŋ gɨlɨn̰ kalaŋ kɔl ɗe ƴee kɨɗɨn̰ cay ƴaa-di-gumu di Jerusalɛm nɔm bɨ, kɨŋ dar gɨ ɗe kɨbardi ungo gɨ nee le, na jɨge ƴɨma cayni bɨ.»

Gɨye-lɔɔ 6:2

Kɨɗɨn̰ ga nee le, ka-gɨre-gɨye ga mɔjɨ-cayge-sɔɔ dayge cay ka-aye-cay-tɨbay Jesu nɔm kɨɗɨn̰ pɨna bɨ, yege hɨn̰: «Ɗe gɨ na-gandi ana na ɗe tɔgɛ bɛrnɛ kɔl gɨ da Kumu coŋ, kɨya gosɨnɨn̰ hɨnga ga ni dɔɔ le, na hɨnga ga dan̰ gɨyəŋdɨge naŋ.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Gɨye-lɔɔ 9:29

Ban ar kɔl dan̰ Jubɨ ga ka-yɔɔ kɨbɨ Gɨrɛg bɨ, man̰ kɔl danage bɨ. Ɨni na, kan ga nee le malge gɨyəŋ gɨ ni dɨɗii.

Gɨye-lɔɔ 9:39

Kɔl gɨ kɨbɨna kɛ bɨ, Pɨyɛr say or danage. Kɨɗɨn̰ ga kan bugoŋge ɨni na, kan orɨn̰ge danayi duroy ƴaa di woy a cay mɨgaa dɨŋ le. Kandɨ ga kodɨn̰ige ma ɨrgage nɔm gusi dan̰ ɨle. Kan gɨliige gumɔjɨn̰əŋ dan̰ gɔdɔŋn̰əŋ ga Dorkas cogɨn, kɨɗɨn̰ ga hɨndi ban̰ dan̰ cɨndo duroyge le.

Gɨye-lɔɔ 9:41

Bɨ Pɨyɛr dobɨ kobi boo bɨ ƴɔmɔɔ daa. Ban tee te kalaŋ ga woyge dan̰ cɨndɨge bɨ, kandɨ ga kodɨn̰ige ma bɨ, gɨlge Tabita di som dan̰ cɨndo le.

Magtubu di Pol wal bɨn̰ kalaŋ ga Rɔm 12:7

Hɨn̰ gɨ Kumu na bɨn̰ ungo dɔnɔ di ni leen̰ gɨye a duroy ka karme na, kuɗa gɨ ban laa gɨye. Hɨn̰ gɨ Kumu na bɨn̰ ungo jɨba di ni gɨlɨn̰ kalaŋ hɨnga na, kuɗa gɨ ban gɨlge.

1 Korɛ̰t 10:10

Kɨŋ ɗɔɔ ba n̰ame kɔl hɨn̰ kalaŋ ga pɨna duroyge ba n̰amɨn̰ge lee gɨ kan mundoŋge coŋ kobɨ ba-ƴɔbɛ gɨ daa nii gɨ ba dɨɗe kɨɗɨn̰.

2 Korɛ̰t 11:22

Kan na Əbɨro ga? Ɨŋ na Əbɨro bɨ. Kan na karɨn̰ Ɨsɨrayɛl ga? Ɨŋ na kɨye Ɨsɨrayɛl bɨ. Kan na a te wɨn̰je gɨ da Abɨraham ga? Ɨŋ na a te wɨn̰je gɨ da Abɨraham bɨ.

Pilib 3:5

Wɔɔŋge lee wɔlɛ margɨm bɨ walaŋge ban̰a, ɨŋ na a te wɔɔ gɨ da te wɨn̰je gɨ da Ɨsɨrayɛl bɨ, a te wɨn̰je gɨ da Bɛ̰jamɛ̰ gɨŋ bɨ, ɨŋ na Əbɨro gɨ Əbɨron̰əŋ ba wɔɔŋge bɨ. Gɨ ojɨn̰ cay hɨnga ga ni lɔɔ ga da gasɨn̰-kɔl ga da Jubɨn̰əŋ na, ɨŋ na a te kalaŋ ga da Parɨsɨn̰an̰əŋ gaŋ.

1 Timote 5:3

Sɨla kardi kandɨ ga kodɨn̰ige ma ga ka-jɨbe toyge unɔ leen̰ cɨndi, dan̰ hurɔmɔ.

1 Timote 5:9

Bɨndɨ kandɨ ga kodɨn̰ige ma ga ɨlgedɨge toyi-jii orɨn̰ tumɔ bɨ, di ƴee bara na cay pɨna ƴɔbɨ bɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.

Magtubu di Jag wal 4:5

Kɔl gɨ kan wal duroy Magtubu di da Kumu dɨŋ ye hɨn̰: «Kumu gey turnɔ di ban ɗo som kuduroynagɨŋ le bɨrɨŋ leen̰ jangɨ.» Kɛ kɨŋ ɨrɨm hɨn̰ gɨ, Magtubu di da Kumu le, na ye kɔl gɨ nee le na kalɨn̰ wo̰ dugo ga?

Magtubu di Jag wal 5:9

Karmɨnɨ ga ban̰aŋ dan̰ ga kandɨ, kɨŋ na gey gɨ Kumu na kɨya bɔyɛ kɔl caygɨŋ naŋ na, ɗagɨŋ hɨrage dan̰ gusɨgɨŋ ba. Kɨya wa ba-bɔyɛ kɔl ɨre kɨbɨ gɨyəŋ gɨŋ ɨni.