Gɨye-lɔɔ 5:36 - Gabri Maja

³⁶ Hɨngɨŋ kɨya cay Tedas, kɨya wa wɔlɛ gɨ pɨde gɨŋ le, ban say dan̰ cay gusi koyi lee gusi leen̰ ungo gɨ gumu. Na toy di hɨn̰ wo̰ ma, ban̰aŋ ɓal hɨn̰ aru poɗɨn̰ wo̰ bugoŋge kardi. Ama kɨɗɨn̰ ga kan dɨɗii coŋ ɨni na, kalaŋ ga bugoŋge kardi le, busdoŋge pɨna pɨna coŋ, lee gɨ hɨnga ga ban ba si toyge le, bɨle na hɨnga ga kalɨn̰ wo̰.

Gɨye-lɔɔ 5:36 ပူးပေါင်းရင်းမြစ်များ

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 24:26

«Hɨn̰ gɨ kan na yagɨŋge hɨn̰: “Sɨlagɨŋ ban gɨ Kumu dorii le, na caga ɨre duroy daldɨŋ” na, ɔrɛgɨŋ nee naŋ. Naŋ le kan na yagɨŋge hɨn̰: “Sɨlagɨŋ ban na caga wosɨ gusi ƴen̰” nee na, bɔgɛgɨŋ kuduroygɨŋ cay kɔl koge gɨŋ le naŋ.

Matɨyo 24:5

Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ yɔɔge hɨn̰: “Kɨris ban gɨ Kumu dorii le, na ɨŋ-bandi!” Bɨ kan kɨya kayege kalaŋ gɨɗaŋ.

Gɨye-lɔɔ 21:38

Kɛ ji na ungo gɨ Ejɨpt gɨ nagɨni nagɨni dugo kɛ, gosɨr kalaŋ ɗe na san̰ge dan̰ ka-dɔɔ cay ƴaa bɨ, dorɨn̰ kalaŋ ga ɨrege pḛḛ kɨya dɨɗe kalaŋ torge dubu poɗɨn̰ beege can̰ orɨn̰ danage duroy dal dɨŋ le naŋ ga?

Gɨye-lɔɔ 5:35

Kardi nee na, ban ar kɔl dan̰ ka-bɔyɛ kɔl cay kalaŋ ga ni Jubɨn̰əŋ yege hɨn̰: «Kɨŋ kalaŋ ga Ɨsɨrayɛl, ɗagɨŋ muɗɔlɛ cay gusɨgɨŋ gɨŋ. Ɨrɨmgɨŋ kuɗa tumɔ pa dɨm ma magɨŋ leen̰ ka-gɨre-gɨye hɨnga ga ɨsɨni ƴee.

Gɨye-lɔɔ 8:9

Ama tumɔ pa dɨm ma ɗe gɨ Pilib na ɨrga ƴee na, ungo gɨ pɨna wo̰ gɨ gusondi na Simo som a cay ƴaa-di-gumu di nee dɨŋ le. Ban na ungo gɨ ba lɔɔ tɨmba gɨ dor turnoyi te wɔɔ gɨ da kalaŋ ga Samari tɔgɨ. Ban sol gusi leen̰ ungo gɨ gumu tɔgɨ,

Galad 2:6

Ama gɨ ojɨ cay ka-dɔrɛ tumoy kalaŋ ga kalaŋ je kɔl kɨbɨge le, kan naa kalaŋ ka-dɔrɛ tumoy kalaŋ wala, naa ka-dɔrɛ tumoy kalaŋ naŋ kalɨn̰ ma dɨlaŋ nee naŋ. Tumoy Kumu na, kalaŋ nɔm ɓadɨldɨn̰ge dɛj dɛj. Kalaŋ ga nee le gɨsɨge hɨnga ga ɗaŋ dan̰ dɔnɔ a cay kɔl hɨnge gɨŋ naŋ.

Galad 6:3

Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

2 Pɨyɛr 2:2

Kondɨwadi kalaŋ kɨya kɔbɛge kardɨge kɨɗɨn̰ yɔyɛ gorɨn̰ daa gaŋ le bɨ, kɨya cay kalaŋ ga nee le, kan kɨya yagɨdege te gɨyəŋ gɨ da Kɔl gɨ cɨndi kol cay gɨye-lɔɔdɨge bɨ.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.

Wasɨn̰a 17:3

Kɨɗɨn̰ ga Turnɔ di da Kumu lee gɨye kuduronɨ na, ba-ƴɔbɛ gɨ daa nii ayaŋ orɨn̰ danaŋ duroy dal dɨŋ. Ɨni na, a nee le na ɨŋ sol tama di pɨna wo̰ di nay a cay kɨmana gɨ ɨsɨni gɨ gusi yɨle pən̰ bɨ, orɨn̰ dan̰ gusoŋn̰əŋ ga walge a gusi bɨ, gusoŋn̰əŋ ga nee le nɔm na gusoŋ ga yagɨde Kumu bɨ. Kɨmana le, orɨn̰ dan̰ cayi won̰ jurgum bɨ, kɨben̰di won̰ mɔjɨ bɨ.

Wasɨn̰a 17:5

Walge gusoŋ gɨ ungo sɨla duroyi naŋ a jɨndo. Gusoŋ gɨ ba woy a jɨndo le na: «Babilɔn cay ƴaa-di-gumu, na ƴoy ajɨban̰əŋ bɨ ƴoy bɨrane di a cay gɨsəŋ gaŋ kɛ bɨ.»