Gɨye-lɔɔ 5:16 - Gabri Maja

¹⁶ Kondɨwadi kalaŋ ga boy karɨn̰ ƴaa ga bongi cay ƴaa-di-gumu di Jerusalɛm hurbonge dan̰ gɨre ɨrgage. Kan ɨrgan̰ge dan̰ ka-hɔmɨn̰ɛ bɨ, dan̰ kan ga turnɔ di ɨsɨni gɨlɨn̰-cɨndɨge mɨrɨn̰tɨn̰i bɨ. Kalaŋ nɔm ga nee le poɗɨge.

Gɨye-lɔɔ 5:16 ပူးပေါင်းရင်းမြစ်များ

Matɨyo 2:16

Kɨɗɨn̰ ga Ɛrɔd sol gɨ ka-sɔlɛ hɨnga boy dɛsɨɗɛŋ gaŋ dɨbiige dɨngale ɨni na, kuduroy mundoŋ gɨɗaŋ. Lee gɨ karɨn̰aŋ ga ban̰aŋ nɔm ga kan wɔɔge ɓal ɨlge sɔɔ bɨ, kan ga ɨlgedɨge ɓala sɔɔ naŋ ƴee bɨ le, ban gey dɨɗedɨge coŋ a cay ƴaadi Bɛdɨlɛhɛm dɨŋ bɨ, boy karɨn̰ ƴaa ga boy cay gɨsəŋ ga Betɨlɛhɛm gaŋ bɨ. Ban lee hɨnga ga nee le dan̰ gɨyəŋdi wɔlɛ gɨ ka-sɔlɛ hɨnga boy dɛsɨɗɛŋ gaŋ ba yeyige le.

Matɨyo 4:24

Gusondi ye ƴee cay gɨsəŋ ga Siri nɔm, lee gɨ kalaŋ ɨrgan̰ge dan̰ ka-hɔmɨn̰ɛ bɨ, ga hɔmɨn̰ɛ gɨ toy kan̰di kan̰di leege mɨrɨn̰tɨn̰i bɨ: Kan ga turnɔ ga ɨsɨndəŋ woy kuduroyge bɨ, ga jɨmgɨl leege bɨ, ka-mɨraye bɨ. Ban poɗɨge nɔm.

Matɨyo 8:16

Dan̰ borundo, kan ɨrgan̰ge dan̰ kalaŋ ga turnɔn̰əŋ ga ɨsɨndəŋ woy kuduroyge dan̰ kondɨwayge gusi Jesu. Ban tay turnɔ ga ɨsɨndəŋ dan̰ kɔl pɨna ƴɔbɨ bɨ, poɗɨn̰ ka-hɔmɨn̰ɛ nɔm bɨ.

Kɔl-gɨ-Ɗari gɨ Lug wal 5:17

Wɔlɛ gɨ pɨna wo̰, gɨ Jesu ɨre gɨlɨn̰ kalaŋ kɔl gɨ ojɨ cay Kumu na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kalɨn̰ ma ɨrgage somge a kɨwayi kɨya jɔɔge kɔl kɨbi bɨ, kan saygage nɔm na jɨn̰ cay karɨn̰ ƴaan̰əŋ gaŋ pɨna pɨna boy cay gɨsəŋ ga Galile bɨ, dan̰ Jude bɨ, ga pɨna saygage na a Jerusalɛm bɨ. Dɔnɔ di da Ba-gulɔŋ Kumu baa dan̰ Jesu, lee gɨ ban poɗɨn̰ ka-hɔmɨn̰ɛ.

Kɔl-gɨ-Ɗari gɨ Lug wal 6:18

Kan ɨrgage na kɨya togɨyige bɨ, ɗe ban na poɗɨge bɨ. Kan ga turnɔ ga ɨsɨndəŋ gɨlge-cɨn̰ kalɨn̰ ma, turnɔ ga ɨsɨndəŋ le duroŋ gusɨge bɨ.

Kɔl-gɨ-Ɗari gɨ Lug wal 9:11

Kɨɗɨn̰ ga dɨmdɨrdi kalaŋ ba solge gɨ ban ba kɨya ɔrɛ na, kan kobɨge kardi. Bɨ Jesu ƴomge gusi gɨlge kɔl gɨ ojɨ cay dɔɔ-ƴaa di da Kumu bɨ poɗɨn̰ ka-hɔmɨn̰ɛ ga orɨn̰ge dan̰ n̰agedi bɨ.

Kɔl-gɨ-Ɗari gɨ Ja̰ wal 14:12

Jagɨŋ! Aŋ yəgɨŋ daa waŋ na cɨndi, waŋ waŋ gɨ na bɨga kuduroy canɨ na, kɨya lɔɔ gɨye nɔm gɨ ɨŋ ba lee le bɨ. Ban kɨya lɔɔ gɨye gɨ gɨmdəŋ ɗɨn̰ ban gɨ kɛ nɔm coŋ. Kɨya wa ɨŋ or na gusi Banɨ.

Gɨye-lɔɔ 4:30

Gɨl dɔnɔ ton̰ bɨ, pɨɗa ka-hɔmɨn̰ɛ bɨ, laa beli bɨ, laa hɨnga ga ɗɨn̰ cɨn̰-kɨɗɨn̰ ga toyge kan̰dɨge kan̰dɨge dan̰ guson̰ marɨna ba-gɨye kon̰ gɨ woy dan̰ cɨndi, Jesu.»

Gɨye-lɔɔ 5:15

Kalaŋ ga cay ƴaa-di-gumu dɨŋ lɨbɨgage ka-hɔmɨn̰ɛ cay kuyo koge gɨŋ bɨ, cay gasɨlaŋ jala gaŋ bɨ, ɨrgan̰ge danage siige te gɨyəŋ gɨ woli gɨŋ gɨ Pɨyɛr orɨn̰ nee, ɗe gɨ kɨɗɨn̰ ga Pɨyɛr na pɨdɨ na, turnoyi na ɨsɨbɨ ga pɨna duroyge.

Gɨye-lɔɔ 5:17

Kɨɗɨn̰ ga cɨn̰-pɨɗɨma say lee ka-cay ka-bɔgɛ kɨbar nɔm, dan̰ kalaŋ nɔm ga ba ɨre danage ga na Sadusɨn̰ɛn̰əŋ le. Kan ojɨge gɨ ni lɔɔ hɨnga.

1 Korɛ̰t 12:9

Turnɔ di da Kumu di pɨnaa di nee le bɨn̰ ungo gɨ pɨna aye kudurɔ gɨ woy gɨlɨn̰ kan̰di bɨ, bɨn̰ ungo gɨ ɗaŋ dɔnɔ di ni poɗɨn̰ ka-hɔmɨn̰ɛ bɨ,

Magtubu di Jag wal 5:16

Tɨragɨŋ te ɨsɨna kogɨŋ bɨn̰ gusɨgɨŋ bɨ, ulagɨŋ Kumu kɨya cay gusɨgɨŋ ɗe gɨ hɔmɨn̰ɛ duroŋ gusɨgɨŋ coŋ bɨ. Ɔlɛ Kumu gɨ ye man̰ gɨ da ungo gɨ dan̰ durɔ ɗɨngar le, orɨn̰ dan̰ dɔnɔ tɔgɨ.