Gɨye-lɔɔ 4:34 - Gabri Maja

³⁴ Lee gɨ hɨnga wɨy ungo dḛ wo̰ duroyge naŋ. Kɨya wa kan ga orɨn̰ge dan̰ kɨɗɨn̰ kage, wala ƴaadɨge le, kɨlge coŋ bɨ, ɨrgan̰ge dan̰ gursudɨge

Gɨye-lɔɔ 4:34 ပူးပေါင်းရင်းမြစ်များ

Matɨyo 19:21

Ɨni na, Jesu dɨbii cay nee ye hɨn̰: «Hɨn̰ gɨ ji na gey bɨləŋ ungo gɨ kuɗa duroŋ cɨrɛɗ na, sa ɨra kɨle hɨnga-wɔɔdɨn̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ ɨni na, ji kɨya wɔɔ hɨnga wɔɔ a daa nii. Kardi nee ɨni na, man̰ ɨre kɨba karɨnɨ.»

Marg 10:21

Jesu ay cɨndi solii dan̰ geye bɨ yeyi hɨn̰: «Ji baa lɔɔ hɨnga pɨna ƴee. Sa ɨra kɨle hɨnga nɔm ga ji orɨn̰ coŋ bɨ aya gursudɨge bɨn̰ kalaŋ ga wɔɔdɨge unɔ ɨni na, ji kɨya wɔɔ hɨnga ga ni wɔɔ a gɨɗɨgɨ-Kumu gɨŋ. Kardi nee ɨni na, mɨn̰ ɨre kɨba karɨnɨ.»

Kɔl-gɨ-Ɗari gɨ Lug wal 12:33

Kɨlgɨŋ kandi-wɔɔdɨgɨŋ coŋ, ɗagɨŋ gursudɨge gusɨnan̰gɨŋ ka-n̰age. N̰anagɨŋ magɨla kogɨŋ gɨ ni bogɨn̰ gursu di kɨya mundoŋ naŋ bɨrɨŋ. Dayagɨŋ hɨnga wɔɔdɨgɨŋ a daa nii gusi Kumu. Gursu di nee le, kɨya mundoŋ naŋ bɨ, ka-hase kɨya bugoŋ mɨnde durdi nee naŋ bɨ, yulmu kɨya tale naŋ bɨ.

Kɔl-gɨ-Ɗari gɨ Lug wal 16:9

«Ban yege ɗaŋ coŋ ye hɨn̰: “Aŋ yəgɨŋ da waŋ: Kandi-wɔɔ ga dan̰ gɨyəŋdɨge naŋ ga a cay gɨsəŋ gaŋ le, dɨnagɨŋ ƴɨman̰gɨŋ pɔgɨn̰ɛ dan̰ kalaŋ ɗe kɨɗɨn̰ ga hɨnga ga nee le na unɔ kobɨgɨŋ na, Kumu kɨya ƴomgɨŋ gusi duroy ƴaa toyi dɨŋ di woy dan̰ tumɔɔ.”

Kɔl-gɨ-Ɗari gɨ Lug wal 22:35

Bɨ Jesu yege hɨn̰: «Kɛ na wa ba wɨygɨŋ kɨɗɨn̰ ga ɨŋ ba gɨygɨŋ, dan̰ magɨla gɨ ni gursu naŋ bɨ, dan̰ sangɨ di ni tɨrga naŋ bɨ, dan̰ gɨyabe naŋ bɨ le ga?» Kan dibiige cay nee ye hɨn̰: «Hɨnga pɨna wɨyni naŋ.»

Gɨye-lɔɔ 2:45

Kan kɨl kɨɗɨn̰ kage coŋ bɨ, hɨnga wɔɔdɨge coŋ bɨ, ɗege gursudɨge gosnɨn̰ge gusɨge duroyge ojɨn̰ cay hɨnga ga waŋ waŋ kalɨn̰ ma ba or n̰agedɨge.

Gɨye-lɔɔ 4:37

Ban kɨl coŋ bɨ, ɨrgan̰ dan̰ gursudɨge bee tumoy ka-gɨre-gɨye.

2 Korɛ̰t 8:14

A tɨwa di haw kɛ dɨŋ na, kɨŋ orɨn̰ kondɨ lee gɨ kɨŋ ɓal gɨrɨn̰ kan ga somge duroy n̰age dɨŋ nee. Kardi nee hɨn̰ gɨ kan na ɨran̰ kunda ma kɨŋ-gandi kɨŋ na sɨma duroy n̰age dɨŋ na, kan kalɨn̰ ma kɨya ɓalege gɨrgɨŋ nee bɨ. Na toy di hɨn̰ wo̰ ma kɨŋ kɨya ɓadɨldɨn̰ dɛj dɛj.

1 Tesalonigɨ 4:12

Hɨn̰ gɨ kɨŋ na laa hɨn̰ wo̰ na, kalaŋ ga doŋ kɨya dɨbege hurɔmɔ cay gɨye-lɔɔdɨgɨŋ bɨ, kɨŋ kɨya nɨn̰in̰ ungo pɨna naŋ bɨ.

1 Timote 6:19

Na hɨn̰ wo̰ ma kan kɨya dayɨn̰ge cay hɨnga wɔɔ ga kuɗa bɨ, ga cɨndi bɨ pɨna kɨya cay wɔlɛ gɨ wan̰do bɨ ɗe kan wan̰ge sɔmɛ-bɨra gɨ dan̰ cɨndi.

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.