Gɨye-lɔɔ 4:1 - Gabri Maja

¹ Kɨɗɨn̰ ga Pɨyɛr dan̰ Ja̰ ɨre yege kɔl, dan̰ karɨn̰ Ɨsɨrayɛln̰əŋ ban̰ nee ƴee bɨ ga ma, ka-bɔgɛ kɨbar bɨ, ka-cay ka-ame ƴaa-di-da-Kumu bɨ, Sadusɨn̰ɛn̰əŋ bɨ, andaŋge cayge.

Gɨye-lɔɔ 4:1 ပူးပေါင်းရင်းမြစ်များ

Matɨyo 16:12

Kɨɗɨn̰ ga nee le, kan solge gɨ ban yege gɨ kuduroyge na alage naŋ, naa cay subugu di kan dorɨn̰ge mapa naŋ. Ama na cay hɨnga ga kalaŋ ga ni Parɨsɨn̰a bɨ Sadusɨn̰ɛ bɨ, ba gɨlɨn̰ge kalaŋ le.

Matɨyo 22:16

Kardi nee na, gɨyge ka-aye-cay-tɨbayige ga pɨna wo̰ duroyge dan̰ kalaŋ ga da Ɛrɔd gusi Jesu, ɗe na or ɨngɨriige yon̰ hɨn̰: «Ba-gɨlɨn̰ kalaŋ hɨnga, ni sol gɨ ji na ba yɔ kɔl gɨ cɨndi bɨ, ji gɨlɨn̰ kalaŋ gɨyəŋ gɨ da Kumu na dan̰ kɔl gɨ cɨndi dɨle hɨndare ungo bɨ. Kɨya wa ji laa hɨnga na kɨya ƴon̰ cɨn̰ ungo naŋ.

Matɨyo 27:20

Ka-cay ka-bɔgɛ kɨbar bɨ, ka-muɗɔlɛ ga da Jubɨn̰əŋ bɨ, gosɨrge dɨmdɨrdi kalaŋ ɗe na ɨngɨrge gɨ kan na ɗa Barabas daa, ama na dɨɗɨge Jesu.

Matɨyo 27:41

Ka-gɨlɨn̰ kalaŋ gasɨn̰-kɔl gɨ da Moyis bɨ, ka-muɗɔlɛ ga da Jubɨn̰əŋ bɨ, ka-cay ka-bɔgɛ kɨbar bɨ kalɨn̰ ma, sogiige yeyige hɨn̰:

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Kɔl-gɨ-Ɗari gɨ Lug wal 20:1

Wɔlɛ gɨ pɨna wo̰, Jesu gɨlɨn̰ kalaŋ kɔl bɨ, teen̰ bɛrnɛ Kɔl-gɨ-Ɗari a duroy gulɔŋ ƴaa-di-da-Kumu dɨŋ bɨ na, ka-cay ka-bɔgɛ kɨbar nɔm dan̰ ka-gɨlɨn̰ kalaŋ gasɨn̰-kɔl gɨ da Moyis andaŋge cayge dan̰ kan ga muɗoldoŋ.

Kɔl-gɨ-Ɗari gɨ Lug wal 22:4

Judasɨ say or wan̰ ka-cay ka-bɔgɛ kɨbar nɔm dan̰ ba cay ka-ame ƴaa di da Kumu, saɗe kɨbi danage gɨ ni wan̰ gɨyəŋ gɨ ni ayɨn̰ cayi bɨge.

Kɔl-gɨ-Ɗari gɨ Ja̰ wal 15:20

Kɨŋ hɨn a cay kɔl gɨ ɨŋ ba yəgɨŋ ye hɨn̰: Marɨna ba-gɨye gumu ɗɨn̰ ba-gulɔŋ di naŋ le. Hɨn̰ gɨ kan na gɨləŋge cɨn̰-n̰age na, kan kɨya gɨlgɨŋge cɨn̰-n̰age bɨ. Hɨn̰ gɨ kan na aya kɔl hɨnge laan̰ gɨye na, kɨŋ kalɨn̰ ma, kan kɨya ayege kɔl kogɨŋ loon̰ gɨye bɨ.

Kɔl-gɨ-Ɗari gɨ Ja̰ wal 18:3

Ɨni na, Judasɨ baa tumoy te asɨgarn̰əŋ ga dan̰ kondige bɨ, dan̰ asɨgarn̰əŋ ga ka-ame ƴaa-Kumu bɨ, ga na ka-cay ka-bɔgɛ kɨbar dan̰ Parɨsɨn̰an̰əŋ ba gɨygɨge. Judasɨ orɨn̰ danage boy yage gɨ kan busoŋge hayaŋ boy nee le. Kalaŋ ga nee le orɨn̰ge dan̰ lamba bɨ, dan̰ dɨngɛ bɨ, dan̰ hɨnga ga ni wɔrɨn̰ɛ bɨ kobɨge.

Gɨye-lɔɔ 4:6

Mangɨl gɨ da ka-cay ka-bɔgɛ kɨbar gɨ gusondi na Han dan̰ Kayip bɨ, Ja̰ bɨ, Alegjandɨr bɨ, ka-wandɨ ga da ba-cay ka-bɔgɛ kɨbar nɔm bɨ, dayaŋge nee bɨ.

Gɨye-lɔɔ 5:17

Kɨɗɨn̰ ga cɨn̰-pɨɗɨma say lee ka-cay ka-bɔgɛ kɨbar nɔm, dan̰ kalaŋ nɔm ga ba ɨre danage ga na Sadusɨn̰ɛn̰əŋ le. Kan ojɨge gɨ ni lɔɔ hɨnga.

Gɨye-lɔɔ 5:24

Kɨɗɨn̰ ga ba-cay ba-ame ƴaa-di-da-Kumu bɨ, ka-cay ka-bɔgɛ kɨbar nɔm bɨ, jege kɔl gɨ nee le na, waage cay tɨbayge naŋ kɨya cay ka-gɨre-gɨye bɨ, ɨngɨrɨn̰ge gusɨge kɛ na wa ba lɔɔ hɨnga ga?

Gɨye-lɔɔ 5:26

Ɨni na, ba-cay ka-ame ƴaa di da Kumu le, orge dan̰ kalaŋ kay or ɨrgan̰ dan̰ ka-gɨre-gɨye jaŋ dɨle lɔɔge hɨnga ga homi. Kɨya wa kan hɨndarge gɨ kalaŋ na kɨya worɨn̰dige dan̰ oru dɨɗɨge.

Gɨye-lɔɔ 6:12

Kan gosɨrge karɨn̰ Ɨsɨrayɛl bɨ, kan ga muɗoldoŋ bɨ, kan ka-gɨlɨn̰ kalaŋ gasɨn̰-kɔl gɨ da Moyis bɨ, cay Etɛn. Bɨ kardi nee ɨni na, kan andaŋge cayi dus bɨ, ƴomiige orɨn̰ge danayi tumoy ka-bɔyɛ kɔl ga da kalaŋ ga ni Jubɨ.

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.