Gɨye-lɔɔ 3:25 - Gabri Maja

²⁵ Hɨnga ga Kumu ye gɨ ɗi na kɨya lɔɔ dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ le, woy ojɨ na caygɨŋ kɨŋ-gandi bɨ, kɨŋ orɨn̰ dan̰ hɨnga ga ni ban̰di-gulɔŋ a boy saɗe kɨbɨ pɨna ɓɨse gusu gɨ Kumu lee dan̰ ban̰an̰gɨŋ, kɨɗɨn̰ ga ban yen̰ Abɨraham hɨn̰: “Ɨŋ kɨya tɔrɛ-kɨbɨnɨ cay kalaŋ ga a cay gɨsəŋ gaŋ nɔm na kɨya cay kongɨn̰ɨn̰.”

Gɨye-lɔɔ 3:25 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:72

Ban sol cɨn̰-n̰age di da mon̰inagɨŋ ga jɨne le bɨ. Ban hɨn a cay kɨbɨge gɨ kan saɗɨ pɨna ɓɨsɨn̰ gusɨge Gɨ woy dan̰ cɨndi le bɨ.

Gɨye-lɔɔ 13:26

«Karmɨnɨ, kɨŋ kongɨn̰ɨn̰ Abɨraham bɨ, kɨŋ ga kɨŋ hɨndar Kumu bɨ le, kɔl gɨ ni pɔɗɛ gɨ kɛ le, Kumu gɨygɨn̰ bɨnagɨŋ na na-gandi.

Gɨye-lɔɔ 2:39

Kɨya wa Kumu ye gɨ ɗi na kɨya bee Turnɔ ɗe-kuduroy-bɛrɛ di nee le, naa kɨya caygɨŋ bɨ, kɨya cay karɨndɨgɨŋ bɨ, kɨya cay kalaŋ nɔm ga woyge kɨɗɨn̰ ga hen̰ gaŋ bɨ, kɨya waŋ waŋ gɨ Ba-gulɔŋ Kumu kɨya togii bɨ.»

Magtubu di Pol wal bɨn̰ kalaŋ ga Rɔm 15:8

Aŋ yəgɨŋ, Kɨris bɨle marɨna ba-gɨye gɨ da Jubɨn̰əŋ na kɨya gɨlɨn̰ gɨ Kumu naa ungo gɨ ɨre a cay tɨbayi dɨŋ bɨ, dɨɗɨn̰ kɨbɨ hɨnga ga Kumu ye gɨ ɗi na kɨya bɨn̰ mon̰iige bɨ.

Magtubu di Pol wal bɨn̰ kalaŋ ga Rɔm 4:13

Kumu ye gɨ ɗi na kɨya bɨn̰ Abɨraham bɨ, kongɨn̰ii bɨ, cay gɨsəŋ nɔm hɨn̰ hɨnga ga ni ban̰di-gulɔŋ kage wo̰. Hɨnga ga Kumu ye gɨ ɗi na kɨya bii le, na kɨya bɨle gɨ Abɨraham bɨle gusi a kardi gasɨn̰-kɔl gaŋ naŋ. Ama na kɨya bɨle gɨ Kumu bɨlii leen̰ ungo gɨ dan̰ durɔ ɗɨngar a cɨndi, dan̰ gɨyəŋ gɨ da aye kudurɔ koyi.

Galad 3:16

Woy na hɨn̰ wo̰ bɨ, kɨya Abɨraham bɨ, kungayi bɨ, gɨ Kumu ye gɨ ɗi na kɨya bɨge hɨnga. Na gɨ ni yɔɔ gɨ na kongɨn̰ii hɨn̰ gɨ kan na kondɨ wo̰ naŋ. Ama kungay le, na ungo gɨ pɨna hayi kəɗ kəɗ, ungo gɨ nee le na Kɨris.

Galad 3:29

Ma hɨn̰ gɨ kɨŋ naa kalaŋ ga da Kɨris ɨni na, kɨŋ na kongɨn̰ii Abɨraham bɨ, kɨŋ na ka-wɔɔ hɨnga ga ni ban̰di-gulɔŋ ga Kumu ye gɨ ɗi na kɨya lɔɔ bɨn̰ Abɨraham le bɨ.

Galad 3:8

Magtubu di da Kumu ye koldi tumɔ ye gɨ Kumu na kɨya lɔɔ ɗe gɨ kalaŋ ga toyge na Jubɨ naŋ, naa kɨya bɨləŋge kalaŋ ga dan̰ durɔ ɗɨngar, kɨya cay aye gɨ kan ayge kuduroyge. Na toy di hɨn̰ wo̰ ma, Magtubu di da Kumu di nee le, tee bɛrnɛ di da kɔl-gɨ-ɗari gɨ nee le tumɔ bɨn̰ Abɨraham yey hɨn̰: «Kɨya can̰ na, te wɔɔ gɨ da kalaŋ nɔm ga a cay gɨsəŋ gaŋ, kɨya wɔɔge tɔrɛ-kɨbɨ.»

Wasɨn̰a 14:6

Kardi nee, ɨŋ sol ba-ƴɔbɛ gɨ daa nii gɨ ɗaŋ say dan̰ majɨbii or duroy gɨɗɨgɨ-Kumu gɨŋ bɔb. Ban orɨn̰ dan̰ Kɔl-gɨ-Ɗari gɨ woy dan̰ tumoyi kɨya tɔgɛ bɛrnɛdi bɨn̰ kalaŋ ga somge a cay gɨsəŋ gaŋ. Bɨn̰ na te kalaŋ nɔm bɨ, te wɨn̰je nɔm bɨ, kalaŋ ga a te kɨbɨ wɔɔ nɔm bɨ, labardi kalaŋ nɔm bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,

Wasɨn̰a 7:9

Kardi hɨnga nɔm ga nee le, ɨŋ sol dɨmdɨrdi kalaŋ dan̰ kondige ga ungo ɓala ɗɔngɨsɛ naŋ. Kan na kalaŋ ga a te kalaŋ ga ani ani bɨ, te wɨn̰je gɨ ani ani bɨ, te labar gɨ ani ani bɨ, te kɨbɨ wɔɔ gɨ ani ani bɨ. Kan ɨrege dan̰ tɨbayge daa tumoy kali-tɨrɨmbala bɨ, tumoy Kurɨn̰-dɨmangɨ bɨ. Kan tobɨge badɨge ga sɨngɨɗɨdəŋ ga bɛrɛ gusɨge bɨ ƴomge kabɨn̰ mɨlɨn̰ kobɨge bɨ.