Gɨye-lɔɔ 3:19 - Gabri Maja

¹⁹ Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

Gɨye-lɔɔ 3:19 ပူးပေါင်းရင်းမြစ်များ

Matɨyo 13:15

Kɨya wa te wɔɔ gɨ da kalaŋ ga nee le, kuduroyge osu tɔgɨ. Kan lɨgɨdege sɨmayige daa bɨ, lɨgɨdege cɨndɨge daa bɨ. Ɗe gɨ cɨndɨge na sɨlan̰ kɨɗɨn̰ naŋ bɨ sɨmayige na jen̰ kɔl naŋ bɨ, Ɗe kuduroyge na ɨrɨm kɔl pɨna naŋ bɨ, Ɗe kan na da bɨlɨn̰ jɨgan̰ gusɨnɨ naŋ, Ɨŋ na da poɗɨge.”

Matɨyo 18:3

yege hɨn̰: «Aŋ yəgɨŋ daa waŋ na cɨndi: Hɨn̰ gɨ kɨŋ na bɨl gɨye-lɔɔdɨgɨŋ hɨn̰ karɨn̰aŋ ga n̰en̰əŋ wo̰ naŋ na, kɨŋ kɨya andaŋ boy dɔɔ-ƴaa di daa nii dɨŋ naŋ.

Kɔl-gɨ-Ɗari gɨ Lug wal 1:16

Ban kɨya jɨgan̰ dan̰ karɨn̰ Ɨsɨrayɛln̰əŋ dan̰ kondɨwayge orɨn̰ danage gusi Ba-gulɔŋ, Kumu koge.

Kɔl-gɨ-Ɗari gɨ Lug wal 22:57

Ama Pɨyɛr man̰ kɨbi ye hɨn̰: «Cə, tama, ɨŋ sɨlayi naŋ.»

Gɨye-lɔɔ 1:6

Kɨɗɨn̰ ga ka-gɨre-gɨye dayge gusɨge gusi Jesu na, kan ɨngɨriige yege hɨn̰: «Ba-gulɔŋ, na haw kɛ mana wɔlɛ gɨ ji kɨya jogɨn̰ dan̰ dɔɔ-ƴaa gɨ da kalaŋ ga Ɨsɨrayɛl bɨge daa ga?»

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

Gɨye-lɔɔ 11:21

Dɔnɔ da Ba-gulɔŋ baa danage, lee gɨ kalaŋ kondɨ ayge kuduroyge bɨ, bɨlege gusɨge gusi Ba-gulɔŋ bɨ.

Gɨye-lɔɔ 15:3

Ɨni na, Ka-Daye ga a Antɨyɔs bɨge hɨnga ga ni orɨn̰ tɨrga toge le kobɨge. Kan dorge kol bɨle gɨ kalaŋ ga toyge na Jubɨ naŋ, ba bɨlɨn̰ge gɨye-lɔɔdɨge, daa daa gan̰ge cay gɨsəŋ ga Pinisi bɨ, Samari bɨ, orɨn̰ge. Kɔl gɨ nee le bɨn̰ ka-karme nɔm gusi-mɔwa tɔgɨ.

Gɨye-lɔɔ 17:26

«Na dan̰ gɨyəŋ gɨ da ungo gɨ pɨna hayi kəɗ kəɗ ma ban ɗen̰ te wɔɔ gɨ da kalaŋ nɔm ga somge a cay gɨsəŋ gaŋ bɨ. Ban ojɨ wɔlɛ gɨ hɨnga nɔm kɨya loon̰ gusɨge bɨ, gɨsɨ cay kɨɗɛlɛ gɨ kan kɨya somɨn̰ nee bɨ.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 28:27

Kɨya wa te wɔɔ gɨ da kalaŋ ga nee le, Kuduroyge osɨ tɔgɨ. Kan lɨgɨdege sɨmayge coŋ bɨ, Lɨgɨdege cɨndɨge daa bɨ. Ɗe gɨ cɨndɨge sɨla kɨɗɨn̰ naŋ bɨ, Sɨmayge ja kɔl naŋ bɨ, Ɗe kuduroyge ɨrɨm kɔl pɨna naŋ bɨ, Ɗe gɨ kan na da bɨlɨn̰ jɨgan̰ gusɨnɨ naŋ bɨ, Ɨŋ na da poɗɨge.”»

Gɨye-lɔɔ 3:20

Ɨni na, Ba-gulɔŋ kɨya bɨgɨŋ wɔlɛ gɨ ni dorɨn̰ gɨlale, kɨɗɨn̰ ga ban kɨya gɨygɨn̰ dan̰ Jesu-Kɨris gɨ ban naa dorii tumɔ ojɨn̰ caygɨŋ le.

Gɨye-lɔɔ 3:21

Pa dɨm ma ɗe wɔlɛ gɨ nee le na ɨrga ƴee na, naa wa wa kalɨn̰ ma Jesu kɨya sɔmɛ a daa nii bɨrɨŋ gɨsɨn̰ wɔlɛ gɨ Kumu kɨya bɨlɨn̰ hɨnga nɔm leen̰ ga hɨrɨwa, hɨn̰ gɨ ban ba ye jɨne hayi dan̰ te tumɔ di da ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge le.

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

2 Tesalonigɨ 1:10

Hɨnga ga nee le, kɨya lɔɔ gusɨge kɨɗɨn̰ ga ban kɨya ɨrga duroy kalaŋ kayi ga woyge dan̰ cɨndɨge, ɗe kan na dɨbɨn̰ gusoŋ-tɔgɛ cayi. Wɔlɛdi gɨ nee le, ban kɨya ɨrga duroy kalaŋ ga beege kuduroyge cayi bɨ, kan nɔm cɨndɨge kɨya wɔyɛ cayi hɨrɨm bɨ. Kɨŋ-gandi kalɨn̰ ma, kɨŋ kɨya ɨre danage nee, kɨya wa kɨŋ bee kuduroygɨŋ a cay kɔl gɨ ni ba tee bɛrnɛdi bɨgɨŋ le bɨ.

2 Tesalonigɨ 1:7

Na ban ma, wɔlɛ gɨ Ba-gulɔŋ Jesu kɨya andɨgaŋ gɨɗɨgɨ-Kumu gɨŋ dan̰ ka-ƴɔbɛ kayi ga daa nii ga orɨn̰ge dan̰ dɔnɔ kɨya ɨrgage na, kɨŋ ga kan gɨlgɨŋge-cɨn̰ bɨ, ni-gandi bɨ na, ban kɨya bɨna dɔrɛ gɨlale.

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

1 Pɨyɛr 2:25

Kɨya wa tumɔ kɨŋ woy na hɨn̰ gamge ga kayaŋ wo̰, ama haw kɛ kɨŋ jɨga gusi ba-abɨgɨŋ bɨ, ba-sɔlɛ kardɨgɨŋ bɨ.

2 Pɨyɛr 3:8

Karmɨnɨ ga ɨŋ lee-toygɨŋ, hɨnga pɨna woy nee gɨ kuɗa gɨ kuduroygɨŋ gɨ hale gɨybəŋ cay nee naŋ. Hɨnga le ba kɛ: Gɨ ojɨ cay Ba-gulɔŋ na, wɔlɛ gɨ pɨna woy gɨlɨn̰ na hɨn̰ ɨlge gɨ dubu wo̰ bɨ, ɨlge gɨ dubu woy gɨlɨn̰ na hɨn̰ wɔlɛ pɨna wo̰ bɨ.

Wasɨn̰a 21:4

Ban kɨya hane kaŋdi cɨndɨge a cɨndɨge pɨrɛd pɨrɛd coŋ bɨ, tɨma kɨya unɔ bɨ, ɨle tɨma kɨya unɔ bɨ, gɔsɛ kɨya unɔ bɨ, cɨn̰-n̰age kɨya unɔ bɨ, kɨya wa cay gɨsəŋ ga ɨlgi kaɗɨn̰ coŋ.»