Gɨye-lɔɔ 3:16 - Gabri Maja

¹⁶ Ungo gɨ kɨŋ ba solii dan̰ cindɨgɨŋ nɔm kɛ bɨ, gɨ kɨŋ ba solii kuɗa bɨ le, na guson̰ Jesu gɨ ban bee kuduroyi cay nee, ba lɔɔ ma tɨbay osɨdəŋ kəŋ kəŋ. Aye kudurɔ gɨ ban ay bɨn̰ Jesu jaŋ ƴɔbɨ, ba bii dan̰ pɔɗɛ gɨ ni kuyoŋdi-gusi caŋ caŋ tumoygɨŋ nɔm kɛ.

Gɨye-lɔɔ 3:16 ပူးပေါင်းရင်းမြစ်များ

Matɨyo 14:29

Ɨni na, Jesu yey hɨn̰: «Ɨre.» Kɨɗɨn̰di ga nee gaŋ le bɨ, Pɨyɛr gɨsɨn duroy koburo gɨŋ dugo, ay te ɔrɛ cay kaŋ gaŋ tɨlɛ tɨlɛ orɨn̰ jɨn̰ gusi Jesu.

Matɨyo 9:22

Ama Jesu pɨlɨn̰ sɔlɔɔ bɨ yoo hɨn̰: «Turmonɨ, haya kudurɛɛ! Aye kudurɔ kɛ poɗɨne.» Ɨni na, kɨɗɨn̰di ga nee gaŋ le bɨ, te kɨbar le ayaŋ coŋ.

Kɔl-gɨ-Ɗari gɨ Ja̰ wal 14:12

Jagɨŋ! Aŋ yəgɨŋ daa waŋ na cɨndi, waŋ waŋ gɨ na bɨga kuduroy canɨ na, kɨya lɔɔ gɨye nɔm gɨ ɨŋ ba lee le bɨ. Ban kɨya lɔɔ gɨye gɨ gɨmdəŋ ɗɨn̰ ban gɨ kɛ nɔm coŋ. Kɨya wa ɨŋ or na gusi Banɨ.

Kɔl-gɨ-Ɗari gɨ Ja̰ wal 7:23

Hɨn̰ gɨ kan na walan̰ ungo ban̰a naa dan̰ wɔlɛ gɨ ni dorɨn̰ gɨlale na, kɨŋ ya gɨ ban na hangɨɗa naa cay gasɨn̰-kɔl gɨ da Moyis naŋ, kɛ na kɨya wa ma kuduroyigɨŋ say canɨ kɨya ungo gɨ ɨŋ poɗii cɨrab a wɔlɛ gɨ ni dorɨn̰ gɨlale gɨŋ ga?

Gɨye-lɔɔ 14:9

Wɔlɛ gɨ pɨna wo̰ ban som je kɔl gɨ Pol dor. Kɨɗɨn̰ ga Pol solii gəɗəɗə ɨni na, ban sol gɨ ungo gɨ nee le orɨn̰ dan̰ aye kudurɔ gɨ kɨya poɗii.

Gɨye-lɔɔ 16:18

Hɨndi le hɨn̰ wo̰ cɨndo tumɔ tumɔ ɓal wɔlɛ kondɨ. Ɗɨn̰ cay Pol na, ban bɨle cɨndi jɨn̰ caa bɨ, ay noy bɨn̰ turnɔ di ɨsɨni di woy guso le bɨ yo hɨn̰: «Dan̰ guson̰ Jesu-Kɨris, me andaŋ coŋ gusi tama le.» Ɨni na, kɨɗɨn̰di ga nee gaŋ le bɨ, turnɔ le andaŋ gusoo coŋ.

Gɨye-lɔɔ 3:6

Kɨɗɨn̰di ga nee gaŋ le bɨ, Pɨyɛr yeyi hɨn̰: «Ɨŋ ɨran̰ dan̰ gursu naŋ bɨ, lɔr naŋ bɨ. Ama hɨnga ga ɨŋ orɨn̰ le, aŋ bɨn̰: Dan̰ guson̰ Jesu-Kɨris gɨ Najarɛt le, saa daa ɨra daa!»

Gɨye-lɔɔ 3:8

Ban say hɨngɨɗɨ ɨre daa cɨgɨragɨ bɨ, ay te ɔrɛ daa. Ban andaŋ danage boy duroy gulɔŋ ƴaa-di-da-Kumu dɨŋ orɨn̰ daa bɨ, hɨŋɗɨdɨn̰ bɨ, hɨramdɨn̰ Kumu bɨ.

Gɨye-lɔɔ 4:10

Naa hɨn̰ wo̰ na, kuɗa gɨ kɨŋ nɔm sɨla bɨ. Kuɗa gɨ te wɨn̰je gɨ da Ɨsɨrayɛl nɔm sɨlage bɨ. Jesu-Kɨris gɨ Najarɛt gɨ kɨŋ ba gagɨli cay sɨya-gɨ-dagɨli gɨŋ ma, Kumu ba boyi lɨbii duroy kalaŋ ga madɨrdaŋ gaŋ le. Na kɨya cayi bɨ, cay gusondi bɨ, ma ba-modo gɨ kɛ le wan̰ pɔɗɛ ɨrɨn̰ daa tumoygɨŋ kɛ.

Gɨye-lɔɔ 4:30

Gɨl dɔnɔ ton̰ bɨ, pɨɗa ka-hɔmɨn̰ɛ bɨ, laa beli bɨ, laa hɨnga ga ɗɨn̰ cɨn̰-kɨɗɨn̰ ga toyge kan̰dɨge kan̰dɨge dan̰ guson̰ marɨna ba-gɨye kon̰ gɨ woy dan̰ cɨndi, Jesu.»

Gɨye-lɔɔ 4:7

Kan ɨrgan̰ge dan̰ Pɨyɛr bɨ, Ja̰ bɨ tumoyge bɨ, ɨngɨrgege yege hɨn̰: «Kɨŋ poɗɨ ba-modo le na dan̰ dɔnɔ di da waŋ bɨ, na dan̰ guson̰ waŋ bɨ ga?»

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

1 Korɛ̰t 13:2

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.