Gɨye-lɔɔ 3:15 - Gabri Maja

¹⁵ Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

Gɨye-lɔɔ 3:15 ပူးပေါင်းရင်းမြစ်များ

Kɔl-gɨ-Ɗari gɨ Lug wal 24:48

Kɨŋ na ka-sɔlɛ dan̰ cɨndɨgɨŋ bɨ, ka-yɔɔ kol hɨnga ga nee le nɔm bɨ.

Kɔl-gɨ-Ɗari gɨ Ja̰ wal 1:4

Sɔmɛ-bɨra woy na boy Kɔl gɨŋ, sɔmɛ-bɨra, na kɨɗɨn̰ asɨn̰e gɨ da kalaŋ.

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 5:26

Kɨya wa hɨn̰ gɨ Kɨye bayi orɨn̰ dan̰ sɔmɛ-bɨra le, na hɨn̰ wo̰ ma ban bɨn̰ Kuroŋ ɗe gɨ ban kalɨn̰ ma na ɨran̰ dan̰ sɔmɛ-bɨra bɨ.

Gɨye-lɔɔ 1:22

Ayɨn̰ toy a cay batɛm da Ja̰ dɨŋ, bɨrɨŋ gɨsɨn̰ wɔlɛ gɨ Kumu ba ayi duroy nagɨŋ orɨn̰ danayi daa nii le. Ungo gɨ na ba kɨya dorii le, kɨya bɨle tɨmon̰ di da bɔyɛ lɨbe gɨ da Jesu danana.»

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.

Gɨye-lɔɔ 2:32

«Jesu ban gɨ nee le, Kumu boyi lɨbii bɨ, na-gandi nɔm na soliigɨŋ dan̰ cɨndɨnagɨŋ bɨ, nana tɨmon̰ kayi bɨ.

Gɨye-lɔɔ 4:2

Kuduroyge say kɨya cay kɔl gɨ ka-gɨre-gɨye gɨlɨn̰ge kalaŋ bɨ, yen̰ge ye hɨn̰, hɨn̰ gɨ Jesu ba boy lɨbɨ le kalaŋ ga madɨrdaŋ kalɨn̰ ma na kɨya bɔyɛge lɨbe hɨn̰ wo̰ bɨ.

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

1 Korɛ̰t 15:45

Na toy di hɨn̰ wo̰ ma walge duroy Magtubu di da Kumu dɨŋ yege hɨn̰: «Adam, ungo gɨ cay wase le Kumu bii sɔmɛ-bɨra.» Ama ojɨn̰ cay Adam gɨ kardi nee gɛs na, na ban mana kuyoŋdi-gusu gɨ da turnɔ gɨ ba bɨn̰ kalaŋ sɔmɛ-bɨra.

Epɛs 1:20

kɨɗɨn̰ ga ban boyi lɨbii duroy kalaŋ ga madɨrdaŋ gaŋ bɨ, ayi orɨn̰ danayi gɨɗɨgɨ-Kumu gɨŋ orɨn̰ si cay kobi gɨ bara gɨŋ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 2:10

Leen̰ cɨndi, Kumu gɨ ba se hɨnga nɔm bɨ, gɨ hɨnga nɔm woy ojɨ cayi bɨ le, gey orɨn̰ dan̰ karɨn̰ Kumu dan̰ kondige boy gusoŋ-tɔgɛ koyi gɨŋ. Kɨya cay hɨnga ga nee le, ban̰ Kumu gɨ ban na laa ɗe ban gɨ ba haŋge gɨyəŋ gɨ da pɔɗɛ le, na duroŋ cɨrɛɗ jɨn̰ daa dan̰ gɨyəŋ gɨ da n̰age toyi.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 21:6

Bɨ ban jɨga yəŋ ɗaŋ hɨn̰: «Te kɔl ayaŋ ɨni. Ɨŋ na Alpa bɨ Omega bɨ, ɨŋ na ba se te hɨnga bɨ, ba-dɨɗe kɨbɨge bɨ. Waŋ waŋ gɨ gɨmase na daayi na, ɨŋ kɨya bii kaŋ ga ni sɔɔ kalɨn̰ a cɨn̰-kaŋ ga ni sɔmɛ-bɨra gaŋ.

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.