Gɨye-lɔɔ 3:14 - Gabri Maja

¹⁴ Kɨŋ-gandi kɨŋ kan̰ ungo gɨ woy dan̰ cɨndi bɨ, gɨ dan̰ durɔ ɗɨngar bɨ, ama kɨŋ ɨngɨrɨn̰ Piladɨ na ɗaa ba-dɨɗe kalaŋ daa bɨgɨŋ.

Gɨye-lɔɔ 3:14 ပူးပေါင်းရင်းမြစ်များ

Matɨyo 27:20

Ka-cay ka-bɔgɛ kɨbar bɨ, ka-muɗɔlɛ ga da Jubɨn̰əŋ bɨ, gosɨrge dɨmdɨrdi kalaŋ ɗe na ɨngɨrge gɨ kan na ɗa Barabas daa, ama na dɨɗɨge Jesu.

Marg 1:24

«Jesu gɨ Najarɛt, ji gey na wa gusɨni ga? Ji ɨrga na kɨya mondɨni ga? Ɨŋ solɨn̰ kuɗa wo̰: Ji woy dan̰ cɨndɨn̰, na Kumu ba gɨygɨn̰.»

Marg 15:11

Ama ka-cay ka-bɔgɛ kɨbar gosɨrge dɨmdɨrdi kalaŋ ɗe na ɨngɨrge Piladɨ gɨ na ɗa Barabas daa bɨge ban̰di Jesu.

Marg 15:7

Gɨlmi gɨ pɨna wo̰ gɨ gusondi na Barabas woy dangay dɨŋ le bɨ. Ƴomiige pɨna dan̰ kalaŋ ka-dɨbe do̰ a cay ƴaa-di-gumu dɨŋ ga dɨɗɨge ungo pɨna kɨɗɨn̰ dɨbe do̰ dɨŋ le.

Kɔl-gɨ-Ɗari gɨ Lug wal 1:35

Ba-ƴɔbɛ gɨ daa nii le, jɨga dɨboo cay nee yo hɨn̰: «Turnɔ ɗe-kuduroy-bɛrɛ kɨya gɨsɨne cɛɛ bɨ, dɔnɔ di da Kumu di ɗɨn̰ cay hɨnga nɔm kɨya umboŋ cɛɛ hɨn̰ turnɔ wo̰ bɨ. Na toy di wo̰ ma, kɨye gɨ woy dan̰ cɨndi gɨ me kɨya wooyi le, kan kɨya togii Kurɨn̰-Kumu.

Kɔl-gɨ-Ɗari gɨ Lug wal 23:25

Piladɨ dor ban gɨ kan dɨbiige dangay dɨŋ kɨya do̰ di ban dɨbɨ bɨ, kɨya tɨma di ban dɨɗɨ bɨ le, daa. Bɨ ban bɨge ban gɨ kan ba ɨngɨriige le. Bɨ ban dobɨ Jesu kobɨge, ɗe kan na leeyi hɨnga kage ga kuduroyge na ojɨ le.

Kɔl-gɨ-Ɗari gɨ Ja̰ wal 16:10

Bɨ gɨ ojɨ cay gɨye-lɔɔ gɨ dan̰ durɔ ɗɨngar na, na kɨya gɨ ɨŋ or na a gusi Banɨ, ɨni na kɨŋ kɨya sɔlɔŋ dan̰ cɨndɨgɨŋ naŋ ɨni.

Kɔl-gɨ-Ɗari gɨ Ja̰ wal 18:40

Ɨni na, kan bee noyge pɨna wɨlalɨn̰ge yen̰ge hɨn̰: «Ban naŋ pa pa, ama na ban gɨ kan teeyige Barabas, Barabas le na ba dɨɗe kalaŋ.»

Gɨye-lɔɔ 13:28

Kan waage hɨnga pɨna ga ojɨ gɨ kan kɨya dɨɗiige koldɨge naŋ, ama kan ɨngɨrn̰ge Piladɨ ɗe na dɨɗii.

Gɨye-lɔɔ 2:27

Kɨya wa ji kɨya ɗɔŋ duroy kɨɗɨn̰ Ga da kalaŋ ga madɨrdaŋ gaŋ naŋ bɨ, ji kɨya ɗɔɔ gundi ungo kon̰ gɨ woy dan̰ cɨndi le, Ɔsɨn̰ɛ a boy umboŋ kamɨn̰aŋ gaŋ naŋ bɨrɨŋ bɨ.

Gɨye-lɔɔ 22:14

Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Gɨye-lɔɔ 4:27

«Kɔl gɨ nee le na cɨndi, kɨya wa Ɛrɔd bɨ, Po̰s Piladɨ bɨ, te wɔɔ gɨ da kalaŋ ga cay gɨsəŋ gaŋ bɨ, te wɨn̰je gɨ da Ɨsɨrayɛl bɨ, dayge gusɨge a boy cay ƴaa-di-gumu di kɛ dɨŋ le a cay Jesu, ba-gɨre-gɨye kon̰ gɨ woy dan̰ cɨndi bɨ, gɨ ji dorii bɨ.

Gɨye-lɔɔ 5:28

«Ni nargɨŋ gɨlɨn̰ kalaŋ kɔl dan̰ guson̰ ungo gɨ nee le bɨ, ni yəgɨŋ koldi arɨn̰ carara bɨ. Ama ba woy kɛ na, kɨŋ gɨlɨn̰ kalaŋ kɔl ɗe ƴee kɨɗɨn̰ cay ƴaa-di-gumu di Jerusalɛm nɔm bɨ, kɨŋ dar gɨ ɗe kɨbardi ungo gɨ nee le, na jɨge ƴɨma cayni bɨ.»

Gɨye-lɔɔ 7:52

Na ka-yɔɔ-kɔl-gɨ-Kumu-ba-yɔɔ ga ani ma mon̰igɨŋ dɨle gɨlge cɨn̰ ga? Kan dɨɗɨge ka-yɔɔ-kɔl-gɨ-Kumu-ba-yɔɔ ga teege bɛrnɛ caga gɨ da marɨna ba-gɨye koyi Kɨris, gɨ gɨye-lɔɔdi or dan̰ durɔ ɗɨngar bɨge. Bɨ kɨɗɨn̰ ga ban caga ɨni na, kɨŋ ay cayi bɨ, dɨɗii coŋ bɨ.

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Magtubu di Jag wal 5:6

Kɨŋ dɨbɨ kɔl cay kalaŋ ga dan̰ durɔ ɗɨngar dɨɗɨge, ama kan somge nee kɨbɨge munduŋ dɨle gagɨgɨŋge kɔl coŋ.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Ja̰ 2:1

Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.

Wasɨn̰a 3:7

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰: