Gɨye-lɔɔ 28:31 - Gabri Maja

³¹ Ban tee bɛrnɛ di da dɔɔ-ƴaa di da Kumu bɨ, gɨlɨn̰ kalaŋ kɔl gɨ ojɨ cay Ba-gulɔŋ Jesu-Kɨris dan̰ kuduroy ga pɨna bɨ, ungo pɨna naray cay nee naŋ bɨ.

Gɨye-lɔɔ 28:31 ပူးပေါင်းရင်းမြစ်များ

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Marg 1:14

Kardi nee kɨɗɨn̰ ga ƴomge Ja̰ dangay dɨŋ coŋ ɨni na, Jesu or a cay gɨsəŋ ga Galile gaŋ. Ban tee bɛrnɛ di da Kɔl-gɨ-Ɗari gɨ da Kumu ye hɨn̰:

Kɔl-gɨ-Ɗari gɨ Lug wal 8:1

Kardi nee na Jesu gor dan̰ cay ƴaa ga gɨmdəŋ gɨmdəŋ, dan̰ cay karɨn̰ ƴaa ƴaa teen̰ bɛrnɛ Kɔl-gɨ-Ɗari gɨ da dɔɔ-ƴaa di da Kumu. Ka-aye-cay-tɨbayi ga mɔjɨ-cayge-sɔɔ le beeyige,

Gɨye-lɔɔ 1:3

Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Gɨye-lɔɔ 20:25

«Haw kɛ na, ɨŋ sol kuɗa gɨ kɨŋ-gandi nɔm ga ɨŋ gor duroygɨŋ teen̰ bɛrnɛ kɔl gɨ ojɨn̰ cay dɔɔ-ƴaa gɨ da Kumu le, kɨŋ kɨya sɔlɛ cɨnɨ naŋ bɨrɨŋ ɨni.

Gɨye-lɔɔ 23:11

Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 28:30

Pol som ɨlge sɔɔ duroy ƴaa di ban agɨr gɨŋ le. Kalaŋ nɔm ga ba ɨrgage wayi le, ban ƴomge gusi.

Gɨye-lɔɔ 4:29

Haw kɛ na, Ba-gulɔŋ, sɨla gɨm di kan ba teenige le, bɨni ni-gandi marɨne ka-gɨye kan̰ tɔgɨ ani teen̰ bɛrnɛ kɔl kon̰ dan̰ cɨn̰-bandɨ.

Gɨye-lɔɔ 4:31

Kɨɗɨn̰ ga kan ol Kumu kaga ɨni na, kɨɗɨn̰ ga kan ba olɨn̰ Kumu nee le yɨbagdaŋ den̰ den̰. Turnɔ ɗe-kuduroy-bɛrɛ ƴee kuduroyge nɔm bɨ, kan teen̰ bɛrnɛ kɔl gɨ da Kumu dan̰ cɨn̰-bandɨ.

Gɨye-lɔɔ 5:42

Kan gɨlɨn̰ kalaŋ kɔl bɨ, teen̰ge bɛrnɛ Kɔl-gɨ-Ɗari gɨ da Jesu-Kɨris bɨ, dan̰ wɔlɛ pɨna pɨna a duroy gulɔŋ ƴaa-di-da-Kumu dɨŋ bɨ, a duroy ƴaadɨge dɨŋ bɨ.

Gɨye-lɔɔ 8:12

Ama kɨɗɨn̰ ga Pilib tee bɛrnɛ di da Jesu-Kɨris bɨ di da dɔɔ-ƴaa di da Kumu bɨ na, kalaŋ ga Samari beege kuduroyge a cay Kɔl-gɨ-Ɗari gɨŋ. Lee gɨ ban̰aŋ bɨ, kandɨ bɨ, ɨrgage gusi ɗe ban na leege batɛm nɔm.

Pilib 1:14

Dangay di ɨŋ ba lee le, dobɨ bandɨ kuduroy karmɨni ga ban̰aŋ dan̰ ga kandɨ kondɨ, lee gɨ beege kuduroyge cay Ba-gulɔŋ ɗɨn̰ gɨ tumɔ coŋ, kan san̰ teen̰ge bɛrnɛ di da Kumu dɨle hundɔrɔ.

2 Timote 2:9

Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.