Gɨye-lɔɔ 28:3 - Gabri Maja

³ Pol don sɨya ga hayi kɨya bɔgɛ duroy tɨwa dɨŋ ɨni na, kari di pɨna wo̰ andaŋ duroy nee gɨrɨn̰ ɨlwadi tɨwa bɨ, gɨdɨ kobɨ Pol luyoŋ nee.

Gɨye-lɔɔ 28:3 ပူးပေါင်းရင်းမြစ်များ

Matɨyo 12:34

Kɨŋ te wɔɔ gɨ da karɨn̰ karin̰əŋ le kɨŋ ɨsɨndəŋ, ma hɨn̰ wo̰ na, na mɨna ma magɨŋ gɨ ɓale yɔ kɔl gɨ ɗari ga? Kɨya wa na kɔl gɨ wanɨn̰ kuduroy ungo jɨŋ jɨŋ ba basaŋ doŋ kɨbi.

Matɨyo 23:33

Kɨŋ na kumbulo, te wɔɔ gɨ da karɨn̰-kari! Tɨwa di ni gehɛn na hɨnga ga ni gɨle-cɨn̰ ga kɨya loogɨŋ, kɨya cay ɨsɨna kogɨŋ le. Kɨŋ kɨya ɓale mɨn̰e na mɨna ga?

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Marg 16:18

Kɨɗɨn̰ ga kan na ƴɨma kumbulo dan̰ kobɨge bɨ, sage hɨnga ga kɨya dɨɗe kalaŋ bɨ kalɨn̰ ma, kɨya looge hɨnga pɨna naŋ. Kan kɨya dɨbege kobɨge cay ka-hɔmɨn̰ɛn̰əŋ bɨ, kan kɨya pɔɗɛge bɨ.”»

Gɨye-lɔɔ 28:2

Kalaŋ ga somge nee le, leege ɗarwa di ɗɨn̰ cɨn̰-kɨɗɨn̰ danani. Kan noŋgɨge tɨwa di gumu bɨ ƴomnige gusɨge ani na ƴobɨ, kɨya wa Kumu ongɨ bɨ, kal dii kɨɗɨn̰ tɔgɨ bɨ.

Gɨye-lɔɔ 28:4

Kɨɗɨn̰ ga kalaŋ ga a cay ƴaadi nee le, solge kari di ba luyoŋ kobɨ Pol ɨni na, kan yen̰ge gusɨge kɔl yege hɨn̰: «Ungo gɨ kɛ le, na ba dɨɗe kalaŋ leen̰ cɨndi jɛɗ jɛɗ, kɨya wa ban andaŋ kɨbɨ tɨmadi kaŋ gaŋ, ama bɔyɛ kɔl gɨ da Kumu ƴom cayi bɨ, gey gɨ ban na gɨ pɔɗɛ naŋ bɨ.»

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

2 Korɛ̰t 6:9

Leenige leen̰ kalaŋ ga ungo sɨlage naŋ, ama solnige kuɗa. Leenige leen̰ kalaŋ ga kɨya mare mɨnde, ama sɨlagɨŋ ni som-bɨra. Somdɨnige, ama dɨɗɨnige naŋ.