Gɨye-lɔɔ 28:23 - Gabri Maja

²³ Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 28:23 ပူးပေါင်းရင်းမြစ်များ

Marg 4:34

Jesu yege kɔl daa daa na dan̰ kɨradi ama kɨɗɨn̰ ga ban som kan̰di dan̰ ka-aye-cay-tɨbayi na, ban dorge te hɨnga nɔm daa.

Kɔl-gɨ-Ɗari gɨ Lug wal 16:28

kɨya wa karmɨnɨ won̰ge bay baage nee. Kuɗa gɨ ban ɨra halage ɗe kan kalɨn̰ ma da ɨrgage a kɨɗɨn̰ ga ni mɨrɨn̰tɨn̰i ga kɛ gaŋ le naŋ ɨni.”

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Gɨye-lɔɔ 1:3

Na kan ga nee le ɗaŋ coŋ ma ban gɨl gusi bɨge ɓal wɔlɛ toyi-poɗɨn̰ bɨ, leen̰ hɨnga ga ɗaŋ kardi tɨmaydi dɨŋ bɨ, gɨlge gɨ ɗi na som dan̰ cɨndi bɨ, ɗi na lee gɨ kan na soliige bɨ, arɨn̰ kɔl danage ojɨn̰ cay dɔɔ-ƴaa di da Kumu bɨ.

Gɨye-lɔɔ 18:28

Kɨya wa ban ƴom kɨbɨ Jubɨn̰əŋ dan̰ kɔl nɔm a kɨɗɨn̰ ga woli gaŋ cɨn̰ dɨmdɨrdi kalaŋ: Ban gɨlge dan̰ gɨyəŋ gɨ da Magtubu di da Kumu di kan walge gɨ Jesu na Kɨris ban gɨ Kumu dorii le.

Gɨye-lɔɔ 18:4

Dan̰ wɔlɛ dɔrɛ gɨlale gɨ da Jubɨn̰əŋ pɨna pɨna le, Pol or a duroy ƴaa-daye-di-da-Jubɨn̰əŋ dɨŋ bɨ. Ban man̰ kɔl dan̰ Jubɨn̰əŋ bɨ, Gɨrɛgn̰əŋ bɨ. Ban mal gɨyəŋ ɗe cɨndɨge na hangaŋ a cay kɔl gɨ da Kumu gɨŋ.

Gɨye-lɔɔ 19:8

Pol or boy ƴaa-daye-di-da-Jubɨn̰əŋ dɨŋ bɨ, dor kɔl dan̰ cɨn̰-bandɨ ɓal kɨdɨrɛ sɨbɨ. Ban dor kɔl gɨ ojɨ cay dɔɔ-ƴaa di da Kumu, malɨn̰ gɨyəŋ gɨ ni ɨrgan̰ dan̰ kan ga ka-jɔɔ kɔl koyi le, a te gɨyəŋ gɨŋ.

Gɨye-lɔɔ 23:11

Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 26:6

Bɨ hɨn̰ gɨ kan na ɨren̰ danaŋ kɨɗɨn̰ bɔyɛ kɔl gaŋ kɨya bɔyɛ kɔl canɨ labɨde na, na kɨya cay bɔgɛ gɨ ɨŋ bee ɨrɨmenɨ cay kɔl gɨ Kumu ye gɨ ɗi na kɨya lɔɔ bɨn̰ mon̰inagɨŋ le.

Gɨye-lɔɔ 28:31

Ban tee bɛrnɛ di da dɔɔ-ƴaa di da Kumu bɨ, gɨlɨn̰ kalaŋ kɔl gɨ ojɨ cay Ba-gulɔŋ Jesu-Kɨris dan̰ kuduroy ga pɨna bɨ, ungo pɨna naray cay nee naŋ bɨ.

Gɨye-lɔɔ 8:35

Dan̰ gɨyəŋ gɨ da kɔl gɨ woy duroy Magtubu di nee dɨŋ le, Pilib ay kɔl teen̰ bɛrnɛ Kɔl-gɨ-Ɗari gɨ da Jesu bɨn̰ ungo gɨ Etɨyopi le.

Pilemo 1:2

tɨmdɨni Apɨya bɨ, ba-pogɨyni ba-kɨmbɨl Argip bɨ, Ka-Daye ga dayaŋge a duroy ƴaadɨn̰ gɨŋ bɨ.

Pilemo 1:22

Dan̰ kɔl gɨ nee le na, ɨŋ ɨngɨrɨn̰ gɨ ji na ƴɨma cay tɨbay kɨɗɨn̰ sɔmɛ kange a tan̰, kɨya wa ɨŋ kɨya sɔmɛ danan̰. Ɨŋ gam gɨ Kumu kɨya jɔɔ ɔlɛ kogɨŋ kol canɨ bɨ, kan kɨya dɨbəŋ daa mɨnde.