Gɨye-lɔɔ 28:22 - Gabri Maja

²² Ama ni-gandi na, ni gey gɨ ji naa ba yani dan̰ kɨbɨn̰ kon̰ kol cay hɨnga ga ji ɨrɨm. Kɨya wa ni sol gɨ ojɨ cay te kalaŋ kan̰ ga nee le, kalaŋ cɨbɨdɨge sɛdɨ sɛdɨ coŋ gon̰ kɨɗɨn̰ nɔm.»

Gɨye-lɔɔ 28:22 ပူးပေါင်းရင်းမြစ်များ

Kɔl-gɨ-Ɗari gɨ Lug wal 2:34

Simin̰o tor-kɨbi cayge bɨ, yen̰ Mari Jesu ƴoyi yo hɨn̰: «Na cɨndi! Kɨye gɨ kɛ le, kɨya bɨle te gabaŋ gɨ da kondɨwadi kalaŋ gɨ da te wɨn̰je gɨ da Ɨsɨrayɛl bɨ, kɨya bɨle te pɔɗɛ gɨ da kondɨwadɨge a duroyge bɨ. Bɨ ban na hɨnga ga kɨya gɨle Kumu bɨ, kalaŋ kɨya sayɨn̰ danayi dan̰ kɔl bɨ.

Gɨye-lɔɔ 15:5

Ama ka-aye kudurɔ ga pɨna wo̰ ga ka-kɔbɛ kardi hɨnga gɨle ga da Parɨsɨn̰an̰əŋ sayge daa kɨɗɨn̰ dayaŋ gaŋ le yege hɨn̰: «Ka-aye kudurɔ ga na Jubɨ naŋ le, naa wa wa kalɨn̰ ma ojɨ gɨ kan walage ban̰a. Bɨ ojɨ gɨ ni na aya noyni bɨge ɗe kan na kɨba te gasɨn̰-kɔl gɨ da Moyis bɨ.»

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 26:5

Kan sɔlɔŋge na jɨne wo̰, hɨn̰ gɨ kan na gey na, kan ɓal gɨ ni lɔɔ tɨmon̰ kol canɨ. Gɨ ɨŋ na gor dan̰ gɨyəŋ gɨ da gɨle hɨnga ga da Parɨsɨn̰an̰əŋ bɨ, kalaŋ ga ni Jubɨ ga lun̰doŋge kardi gɨle hɨnga ga da kalaŋ ga ni Jubɨ tɔgɨ ɗɨn̰ Parɨsɨn̰an̰əŋ le unɔ.

Gɨye-lɔɔ 5:17

Kɨɗɨn̰ ga cɨn̰-pɨɗɨma say lee ka-cay ka-bɔgɛ kɨbar nɔm, dan̰ kalaŋ nɔm ga ba ɨre danage ga na Sadusɨn̰ɛn̰əŋ le. Kan ojɨge gɨ ni lɔɔ hɨnga.

Magtubu di Pol wal bɨn̰ kalaŋ ga Rɔm 1:8

Hɨnga ga cay wase na, ɨŋ leen̰ Kumu hɨnge ho’o dan̰ gɨyəŋ gɨ da Jesu-Kɨris kol caygɨŋ nɔm, kɨya wa kalaŋ ye kol aye kudurɔ kogɨŋ gon̰ cay gɨsəŋ nɔm.

1 Korɛ̰t 11:19

Ho’o, na wa wa kalɨn̰ ma ɗa gɨ ɗe puyoŋ woy duroygɨŋ ɗe kalaŋ ga leen̰ cɨndi gɨl gusɨge gerɨn̰ gerɨn̰ daa duroygɨŋ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.