Gɨye-lɔɔ 27:35 - Gabri Maja

³⁵ Kɨɗɨn̰ ga ban ye kɔl gɨ nee le dɨbɨ dugo bɨ na, ban ay mapa bɨ leen̰ Kumu ho’o tumoy kalaŋ nɔm bɨ, boy bɨ, ay te dɔɔ.

Gɨye-lɔɔ 27:35 ပူးပေါင်းရင်းမြစ်များ

Matɨyo 14:19

Ɨni na, ban yen̰ dɨmdɨrdi kalaŋ le yege hɨn̰: «Sɨmagɨŋ dugo a cay hɛɗɨmɛ gaŋ.» Ban lobɨ mapa ga bay dan̰ gusa ga sɔɔ le, ayɨn̰ cɨndi daa torɨn̰-kɨbi cay nee bɨ. Ban boy mapa le dugo bɨ, bɨn̰ ka-aye-cay-tɨbayi ɗe kan na gusnan̰ge dɨmdɨrdi kalaŋ le.

Matɨyo 15:36

Ban ƴee mapa ga jurgum le bɨ, gusan̰əŋ le bɨ, leen̰ Kumu ho’o cay nee pa dɨm ma boy dugo bɨn̰ ka-aye-cay-tɨbayi ɗe gosɨnɨn̰ge dɨmdɨrdi kalaŋ le ƴee.

Marg 8:6

Ɨni na, Jesu yen̰ dɨmdɨrdi kalaŋ ɗe na somge dugo. Kardi nee ɨni na, ban ƴee mapa ga jurgum le bɨ, leen̰ Kumu ho’o cay nee pa dɨm ma boy dugo bɨn̰ ka-aye-cay-tɨbayi ɗe na gosɨnɨn̰ge dɨmdɨrdi kalaŋ le ƴee. Bɨ kan gosɨnɨn̰ge dɨmdɨrdi kalaŋ ga nee le.

Kɔl-gɨ-Ɗari gɨ Lug wal 24:30

Kɨɗɨn̰ ga ban som dugo danage kɨbɨ dɔɔ gɨŋ na, ban ay dan̰ mapa tor-kɨbi cay nee pa dɨm ma, ƴom boy duroy nee bɨge ƴee.

Kɔl-gɨ-Ɗari gɨ Ja̰ wal 6:11

Ɨni na, Jesu don mapa leen̰ Kumu ho’o bɨ, gɔsɨnɨn̰ge kalaŋ ga somge dugo le. Bɨ ban ay gusa leen̰ hɨn̰ wo̰ bɨ. Kalaŋ nɔm diige hɨn̰ gɨ kuduroyge gey wo̰.

Kɔl-gɨ-Ɗari gɨ Ja̰ wal 6:23

Ama koburon̰əŋ ga ɗaŋ saygage cay ƴaa-di-gumu di Tiberɨyadɨ dɨŋ, ɨrgage bugoŋge a kɨɗɨn̰ ga Ba-gulɔŋ naa ba leen̰ Kumu ho’o cay mapa gɨŋ bɨ, bɨge diige le.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 14:6

Ban gɨ ba-dɔrɛ cɨn̰ wɔlɛ le, dor na kɨya cay Ba-gulɔŋ bɨ. Ban gɨ ba-dɔɔ hɨnga ga toyge kan̰dɨge kan̰dɨge le, dii na kɨya cay Ba-gulɔŋ bɨ, leen̰ Kumu ho’o. Ban gɨ ba-dɔɔ kabɨn̰ hɨnga ƴɔbɨ le, kan̰ dɔɔ na kɨya cay ba-gulɔŋ bɨ, leen̰ Kumu ho’o bɨ.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

1 Pɨyɛr 4:16

Ama hɨn̰ gɨ ungo na sɨla cɨn̰-gɨle-cɨn̰ kɨya gɨ ban naa ungo gɨ ba-kɔbɛ Kɨris na, ɗɔɔ gɨ dasi doyi naŋ. Ama kuɗa gɨ ban hɨrama Kumu kɨya guson̰ ba-kɔbɛ Kɨris gɨ ba ye cayi le.