Gɨye-lɔɔ 27:29 - Gabri Maja

²⁹ Hɨn̰ gɨ kan ba hɨndar gɨ koburo gɨ gumu taa taa le na gɨ ɔrɛ jibe cayi cay garma gɨ pɨna wo̰ gɨŋ na, kan beege nare ga wodɨldəŋ poɗɨn̰ kardi gɨ ni ƴomii kɨɗɨn̰ pɨnaa bɨ, gamge pɛɗɛɗɛ gɨ kɨɗɨn̰ na wɨla haw bɨ.

Gɨye-lɔɔ 27:29 ပူးပေါင်းရင်းမြစ်များ

Gɨye-lɔɔ 27:17

Kɨɗɨn̰ ga kan sogiige si daa ɨni na, kan say nongɨrdege koburo gɨ gumu taa taa le dan̰ gangɨ osɨ, ɗe na da gayaŋ duroy nee naŋ. Hɨn̰ gɨ kan ba hɨndar gɨ kal na gɨ nongɨldɨge bɨrɨŋ ɔrɛ dɔgɛ cay kɨlay gɨ woy mɨnde dan̰ cay ƴaa di Libi na, kan ɗege te gundi sɨya gɨ gumu gɨ ni ƴɔmɨn̰ koburo gɨ gumu taa taa le toyi daa. Bɨ kan ɗe gɨ kal gɨ gumu le ba orɨn̰ danage hɨn̰ gɨ kuduroy gey wo̰.

Gɨye-lɔɔ 27:26

Ama naa wa wa kalɨn̰ ma, koburo gɨ gumu taa taa le kɨya ɔrɛ ɗɔbɛ kɨbɨ hogɨwa gɨ pɨna gɨŋ wo̰.»

Gɨye-lɔɔ 27:28

Lee gɨ kan dɨbɨge gangɨ di dan̰ hɨnga ga nɨn̰i kɨbɨ nee duroy kaŋ gaŋ, kɨya solɨn̰ ɗɨgɨwadi kaŋ. Ɨni na, kan solge gɨ ɗɨgɨwadi kaŋ le, ɓal mɛdɨr toy-sɨbɨ-cay-jurgum. Kan orge jɨn̰ tumɔ dḛ wo̰ na, kan dɨbɨge gangɨ le duroy kaŋ gaŋ ɗaŋ coŋ ɨni na, kan wayge na mɛdɨr toy-sɔɔ-cay-margɨm.

Gɨye-lɔɔ 27:30

Ɨni na, kan ga gɨye-lɔɔdɨge na lɔɔ gɨye boy koburo gɨ gumu taa taa gɨŋ le, malge gɨyəŋ gɨ ni gɨre ɗɔɔ koburo gɨ gumu taa taa bɨ, kan gɨsɨnge karɨn̰ koburo ga ni poɗɨn̰ kalaŋ duroy kaŋ gaŋ bɨ. Kan yeni gɨ ke na gey naa bɔgɛ nare ga wodɨldəŋ ga nɨn̰dəŋ tumoy koburo gɨ gumu taa taa gɨŋ.

Əbɨro 6:19

Hɨnga ga na bee ɨrɨmedɨna cay nee ga nee le, na hɨnga ga saɗɨ sɔmɛ-bɨra kona dugo kɨɗɨn̰ pɨna ɗɛgɛgɛ wo̰. Na hɨnga ga leen̰ cɨndi bɨ ɨre osu bɨ. Hɨnga ga na bee ɨrɨmedɨna cay nee le, or bɨrɨŋ andaŋ ƴen̰ a kardi badɨge ga kan bon̰ge duroy ƴaa di Kumu woy duroy nee.