Gɨye-lɔɔ 27:24 - Gabri Maja

²⁴ bɨ yəŋ hɨn̰: “Hundɔrɔ naŋ Pol, ojɨ gɨ naa wa wa kalɨn̰ ma, ji kɨya ɨre tumoy kɨlma gɨ gumu Sejar. Bɨ Kumu kɨya pɔɗɛ kalaŋ nɔm ga ba haɗɨge danan̰ le na kɔl can̰.”

Gɨye-lɔɔ 27:24 ပူးပေါင်းရင်းမြစ်များ

Matɨyo 10:18

Kan kɨya tolgɨŋge orɨn̰ge danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Na hɨn̰ wo̰ ma, kɨŋ kɨya wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ bɨ, tumoy kalaŋ ga toyge na Jubɨn̰əŋ naŋ bɨ.

Matɨyo 10:28

Kalaŋ ga ɓalge dɨɗege kuyoŋdi-gusɨgɨŋ, ama kɨya ɓalege dɨɗe turnoygɨŋ naŋ le, kɨŋ hundorge naŋ. Ungo gɨ ojɨ gɨ kɨŋ kɨya hɨndari le, na Kumu. Ban ba ɓale lɔɔ gɨ ɗe kuyoŋdi-gusu ungo bɨ, turnoyi bɨ, na mundoŋ ɗəndəŋ duroy tɨwa di ƴee dan̰ tumɔɔ di ni gehɛn dɨŋ.

Kɔl-gɨ-Ɗari gɨ Ja̰ wal 11:9

Jesu dɨbɨge cay nee yege hɨn̰: «Kɛ, duroy wɔlɛ pɨna le, karɨn̰ tɨwa na mɔjɨ-cayge-sɔɔ nee naŋ ga? Hɨn̰ gɨ ungo na ɨra dan̰ tɨwa di ɨni na, hɨnga kɨya dɔgɛ tɨbayi ɗoyi dandaŋ naŋ, kɨya wa ban sol kɨɗɨn̰ ga asɨn̰ a cay kalaŋ ga cay gɨsəŋ gaŋ kɛ.

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 23:11

Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»

Gɨye-lɔɔ 25:11

Hɨn̰ gɨ kɔl na ƴɨma canɨ bɨ, ɨŋ na laa hɨnga pɨna ga dan̰ gɨyəŋdɨge naŋ ga ɓal tɨmaynɨ bɨ na, ɨŋ ɓala kan̰e mare naŋ. Ama hɨn̰ gɨ kɔl gɨ cɨndi na unɔ a boy kɔl gɨ kalaŋ ga kɛ, ba sige canɨ na, ungo pɨna ɓala ƴɔmɔŋ dɔbɔŋ kobɨge naŋ. Ɨŋ gey orɨn̰ dan̰ bɔyɛ kɔl le a tumoy kɨlma gɨ gumu Sejar.»

Gɨye-lɔɔ 27:31

Ɨni na, Pol yen̰ ba-cay asɨgarn̰əŋ ga aru bɨ, asɨgarn̰əŋ bɨ le, yege hɨn̰: «Hay, hɨn̰ gɨ kalaŋ ga nee le na sɨmage boy koburo gɨ gumu taa taa gɨŋ naŋ na, kɨŋ kɨya ɓale pɔɗɛ naŋ.»

Gɨye-lɔɔ 27:37

Ni nɔm ga a boy koburo gɨ gumu taa taa gɨŋ le, ni na kalaŋ aru sɔɔ dan̰ toyni-jurgum-cayni-jii.

Gɨye-lɔɔ 27:42

Ɨrɨme gɨ da dɨɗe ka-dangayn̰əŋ coŋ ɨrga a cay asɨgarn̰əŋ. Kɨya wa kan hɨndarge gɨ ga pɨna duroyge, na da duroŋ kobɨge tɔgɛ nale gɨrɨn̰ mɨn̰ge.

Gɨye-lɔɔ 27:44

Bɨ kan ga na sɨlage tɔgɛ nale naŋ le, na dɨnage sɨyan̰əŋ ga wodɨldəŋ, naŋ le gundi sɨya di koburo gɨ gumu taa taa ga puyoŋ wɨydan̰ge cay nee haɗan̰ge ɨran̰. Na hɨn̰ wo̰ ma, kan nɔm kɨbɨge koge gɨŋ, andɨn̰ge kɨbɨge koge gɨŋ cɨrab a cay gɨsəŋ gaŋ.

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

Pilemo 1:22

Dan̰ kɔl gɨ nee le na, ɨŋ ɨngɨrɨn̰ gɨ ji na ƴɨma cay tɨbay kɨɗɨn̰ sɔmɛ kange a tan̰, kɨya wa ɨŋ kɨya sɔmɛ danan̰. Ɨŋ gam gɨ Kumu kɨya jɔɔ ɔlɛ kogɨŋ kol canɨ bɨ, kan kɨya dɨbəŋ daa mɨnde.

Magtubu di Jag wal 5:16

Tɨragɨŋ te ɨsɨna kogɨŋ bɨn̰ gusɨgɨŋ bɨ, ulagɨŋ Kumu kɨya cay gusɨgɨŋ ɗe gɨ hɔmɨn̰ɛ duroŋ gusɨgɨŋ coŋ bɨ. Ɔlɛ Kumu gɨ ye man̰ gɨ da ungo gɨ dan̰ durɔ ɗɨngar le, orɨn̰ dan̰ dɔnɔ tɔgɨ.

Wasɨn̰a 1:17

Kɨɗɨn̰ ga ɨŋ sɨlga ungo gɨ nee le ɨni na, ɨŋ ba dugo tɨbayi hɨn̰ ungo gɨ ma wo̰. Ban dɨbɨ kobi gɨ bara a canɨ bɨ ye hɨn̰: «Hundɔrɔ naŋ. Ɨŋ na gɨ cay wase bɨ gɨ karu gɛs bɨ.