Gɨye-lɔɔ 27:13 - Gabri Maja

¹³ Kal say kɨwa gɨ manga gɨŋ gɨre pɨya pɨya wo̰, lee gɨ ni ɨrɨm kuduroyni ye hɨn̰ hɨnga ga kan ojɨ le, na or kɨɗɨn̰dɨge gaŋ ɨni. Lee gɨ kan sogɨge nare gɨ nin̰i gɨ kan dɨbɨ duroy kaŋ gaŋ kɨya ƴomɨn̰ koburo gɨ gumu taa taa dugo le daa. Kan nagɨrge na bongi gɨba kuray gɨ gumu taa taa gɨŋ a cay kɨwa gɨ Kɨrɛtɨ gɨŋ orɨn̰.

Gɨye-lɔɔ 27:13 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:55

Kɨɗɨn̰ ga kɨŋ ba sol kal ye jɨn̰ te golo na, kɨŋ ye hɨn̰: “Kɨɗɨn̰ na kɨya ɨlwa” bɨ, kɨɗɨn̰ ɨl leen̰ cɨndi bɨ.

Gɨye-lɔɔ 2:11

Kalaŋ ga ni Jubɨ ga ka-ƴaa bɨ, kan ga bɨle gusɨge Jubɨ bɨ, kan ga Kɨrɛtɨ bɨ, Arabɨn̰əŋ bɨ. Naa hɨn̰ wo̰ kalɨn̰ ma kalaŋ ga nee le, dorge te hɨnga lɔɔ ga da Kumu ga ɗɨn̰ cɨn̰-kɨɗɨn̰, ɗe gɨ na jegɨŋ dan̰ kɨbɨ wɔɔdɨnagɨŋ.

Gɨye-lɔɔ 27:12

Ɗaŋ coŋ, kɨɗɨn̰ ɨre ga da koburo gɨ gumu taa taa le kuɗa sɔmɛ nee dan̰ kɨdɨrɛ gɨ da kal naŋ. Na toy di hɨn̰ wo̰ ma, kondɨwadi kalaŋ ga boy koburo gɨ gumu taa taa gɨŋ le geyge gɨ ke na gɨ ɔrɛ sɔmɛ na Penigɨs gamɨn̰ gɨ kɨdɨrɛ gɨ da kal toy na ayaŋ coŋ dɨm. Penigɨs le, na kɨɗɨn̰ ɨre ga da koburo gɨ gumu taa taa ga woy a Kɨrɛtɨ bɨ, orɨn̰ dan̰ kɨbɨ kuray gɨ kuɗa gɨ bɨl cɨndi bɨn̰ kal naŋ bɨ. Gɨ woy jɨn̰ cay kɨwa gɨ manga gɨŋ, dan̰ te maw bɨ, woy jɨn̰ cay kɨwa gɨ te golo gɨŋ, dan̰ te maw bɨ.

Gɨye-lɔɔ 27:21

Ɓal wɔlɛ kondɨ gɨ ni ɨsɨbɨ hɨnga ga ni dɔɔ kɨbɨni naŋ. Ɨni na, Pol say daa ɨre duroyge bɨ yege hɨn̰: «Ka-pogɨn̰ɨnɨ, kɨŋ sɨla! Tumɔ kɨŋ ni na ja kɔl kɨbɨnɨ bɨ, sɨman̰ Kɨrɛtɨ na, kɨŋ ni kɨya mɔndɛ hɨnga pɨna naŋ bɨ, kaye hɨnga pɨna naŋ bɨ.

Gɨye-lɔɔ 27:8

Na dan̰ gɨlale kɔɗ kɔɗ ma koburo gɨ gumu taa taa nagɨrɨn̰ gasɨbi gɨba pa dɨm ma, mani andɨn̰ kɨɗɨn̰ ga pɨna wo̰ gaŋ ga kan teege «kɨɗɨn̰ ɨre koburo gɨ gumu taa taa ga kuɗa», ga woy mɨnde dan̰ cay ƴaa-di-gumu di Laji le.

Titɨ 1:12

Na ungo gɨ a cay gɨsəŋ ga Kɨrɛtɨ gaŋ gusi, duroy ka-gɨlɨn̰ kalaŋ hɨnga kage ba yɔ hɨn̰: «Kalaŋ ga somge a cay gɨsəŋ ga Kɨrɛtɨ gaŋ le, bɨyage kɨbɨge te poy dɨŋ naŋ. Kan na ka-jɨba bɨ, ka-dabɨr bɨ, geyge na dɔɔ dɔɔ kalɨn̰ ƴɔbɨ.»

Titɨ 1:5

Ɨŋ ɗen̰ a cay gɨsəŋ ga Kɨrɛtɨ gaŋ na ɗe gɨ an̰ na ɗen̰ hɨnga ga ba baa ƴee le dan̰ durɔ bɨ, ɗe an̰ na ɗen̰ ka-muɗɔlɛ a cay ƴaa ga gɨmdəŋ gaŋ pɨna pɨna hɨn̰ gɨ ɨŋ ba yen̰ le bɨ.