Gɨye-lɔɔ 27:1 - Gabri Maja

¹ Wɔlɛ gɨ kan ayge noyge gɨ ni ayɨn̰ koburo gɨ gumu taa taa orɨn̰ Itali ɓal ɨni na, kan dobɨge Pol dan̰ kamdi dangayn̰əŋ ga pɨna wo̰, a kobɨ gumu gɨ da asɨgarn̰əŋ gɨ pɨna wo̰, gɨ gusondi na Julɨyus. Ban na gumu gɨ da asɨgarn̰əŋ ga aru ga sayga na duroy te ka-wɔrɨn̰ɛ ga kan teege naa ka-wɔrɨn̰ɛ ga da «Kɨlma gɨ gumu.»

Gɨye-lɔɔ 27:1 ပူးပေါင်းရင်းမြစ်များ

Matɨyo 27:54

Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Kɔl-gɨ-Ɗari gɨ Lug wal 23:47

Kɨɗɨn̰ ga gumu gɨ da asɨgar gɨ da kalaŋ ga Rɔm ba sol hɨnga ga ba lee gusɨge le hɨn̰ wo̰ ɨni na, ban hɨram Kumu ye hɨn̰: «Hɨnde, ungo gɨ kɛ le, na ungo gɨ dan̰ naji toy hayi.»

Kɔl-gɨ-Ɗari gɨ Lug wal 7:2

A cay ƴaa di nee le, guyɔŋ gɨ da gumu gɨ da asɨgar gɨ na ungo gɨ Rɔm gusi leeyi tɔgɨ, woy kɨbɨ tɨma dɨŋ. Ama guyɔŋ koyi gɨ nee le ban geyii tɔgɨ.

Gɨye-lɔɔ 10:1

Bara gɨ pɨna wo̰ gusondi na Kɔrney, som a cay ƴaa-di-gumu di Sejare dɨŋ. Ban na gumu gɨ da asɨgarn̰əŋ ga aru ga da kalaŋ ga Rɔm, kan woyge duroy te asɨgarn̰əŋ ga aru jii, ga kan teege naa Itali.

Gɨye-lɔɔ 10:22

Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.»

Gɨye-lɔɔ 16:10

Kardi hɨnga ga ba buyoŋ cɨn̰ Pol hɨn̰ dḛḛ wo̰ le, kɨɗɨn̰di ga nee gaŋ le bɨ, ni mal gɨyəŋ gɨ ni ɔrɛ a Masedɨwan, kɨya wa ni sol kuɗa gɨ Kumu teeni gɨ ni na ɨra tɔgɛ bɛrnɛ Kɔl-gɨ-Ɗari a cay gɨsəŋ ga nee gaŋ le.

Gɨye-lɔɔ 18:2

A cay ƴaa-di-gumu di nee le, Pol way Jubɨ gɨ pɨna wo̰, gɨ gusondi na Agilas, cay gɨsəŋdi na Po̰. Agilas dan̰ tamdi Pɨrisil saygage na a cay ƴaa di Itali dɨŋ ɨrgage na haw kɛ ƴee, kɨya wa kɨlma gɨ gumu Kɨlod ay noyi gɨ Jubɨn̰əŋ nɔm na andaŋge coŋ a cay ƴaa di Rɔm dɨŋ. Pol or wayge sɔmɛ danage bɨ, lɔɔ gɨye danage bɨ.

Gɨye-lɔɔ 19:21

Kardi hɨngan̰əŋ ga ba lee gusɨge le, Pol ojɨ gaye cay gɨsəŋ ga Masedɨwan bɨ, ga Agay bɨ, andɨn̰ kɨya orɨn̰ jɨn̰ cay ƴaa-di-gumu di Jerusalɛm dɨŋ. Ban ye hɨn̰: «Hɨn̰ gɨ ɨŋ na bugoŋ ni na, naa wa wa kalɨn̰ ma, ɨŋ kɨya ɔrɛ sɔlɛ Rɔm bɨ.»

Gɨye-lɔɔ 21:32

Kɨɗɨn̰di ga nee gaŋ le bɨ, gumu gɨ ba-sɔmɛ a cay asɨgarn̰əŋ le, tor ka-sɔmɛ cay asɨgarn̰əŋ bɨ, dan̰ asɨgarn̰əŋ bɨ, gɨrɨn̰ orɨn̰ wan̰ dɨmdɨrdi kalaŋ ga dayge cayge le. Kɨɗɨn̰ ga kan solge gumu gɨ ba-sɔmɛ cay asɨgarn̰əŋ dan̰ asɨgarn̰əŋ ɨni na, kan ɗege tɔgɛ Pol baa,

Gɨye-lɔɔ 22:26

Kɨɗɨn̰ ga ba-cay asɨgarn̰əŋ ga aru le, je kɔl gɨ nee le na, ban or yon̰ ba-sɔmɛ cay asɨgarn̰əŋ ga dubu le hɨn̰: «Kɛ ji ni gɨ lɔɔ na wa wo̰ ga? Ungo le na kɨye ba-cay ƴaa di Rɔm!»

Gɨye-lɔɔ 23:11

Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»

Gɨye-lɔɔ 23:17

Pol te gumu gɨ da asɨgarn̰əŋ le bɨ yey hɨn̰: «Ɨran̰ dan̰ marɨna le gusi ba-cay asɨgarn̰əŋ le. Kɨya wa ban orɨn̰ dan̰ kɔl gɨ ni dɨbii sɨmayi.»

Gɨye-lɔɔ 24:23

Ban ay noy bɨn̰ gumu gɨ da asɨgarn̰əŋ ga aru, gɨ kan na ama Pol dangay dɨŋ bɨ, kan na gɨ dɨle narɨn̰ kalaŋ kayi ɨrga looyi lapɨya naŋ bɨ, awniige naŋ bɨ.

Gɨye-lɔɔ 25:12

Ɨni na, kɨɗɨn̰ ga Pɛstus dan̰ kalaŋ kay wayge gusɨge gɨsɨn̰-kɔl koge ɨni na, ban jogɨ dɨbii cay nee yey hɨn̰: «Ji ye gɨ ji na gey orɨn̰ dan̰ bɔyɛ kɔl kon̰ tumoy kɨlma gɨ gumu Sejar ɨni na, hɨn̰ wo̰ na, ni kɨya gɨyɨn̰ gusi kɨlma gɨ gumu Sejar.»

Gɨye-lɔɔ 25:25

Ɨŋ-bandi na, ɨŋ sɨla hɨnga pɨna ga ban lee gɨ ɓal gɨ ban kɨya marɨn̰ naŋ. Ama hɨn̰ gɨ ban gusi ba geye gɨ ni orɨn̰ dan̰ bɔyɛ kɔl koyi gusi Sejar na, ɨŋ gey gɨyɨn̰ danayi gusi bɨ.

Gɨye-lɔɔ 27:11

Ama gumu gɨ da asɨgarn̰əŋ ga aru le, bee kuduroyna cay kɔl gɨ da ba-dɔrɛ tumoyi koburo gɨ gumu taa taa gɨŋ tɔgɨ bɨ, a cay ba-gulɔŋ koburo gɨ gumu taa taa gɨŋ bɨ, ɗɨn̰ kɔl gɨ Pol ba ye le.

Gɨye-lɔɔ 27:43

Ama ba-cay asɨgarn̰əŋ ga aru le gey pɔɗɛ Pol. Lee gɨ ban narge lɔɔ hɨnga ga kan ojɨ lɔɔ le coŋ. Bɨ ban ay noyi bɨn̰ kan ga ba sol tɔgɛ nale le, na hɨŋɗɨdɨge bugoŋ duroy kaŋ gaŋ tɨgage nale ɨrage wase kɨbɨ gɨba gɨŋ.

Gɨye-lɔɔ 27:6

A nee le, ba-cay asɨgarn̰əŋ ga aru way koburo gɨ gumu taa taa gɨ sayga a Alegjandɨri kɨya ɔrɛ jɨn̰ Itali bɨ, ban ɗeni ni nay boy nee.

Gɨye-lɔɔ 28:1

Kɨɗɨn̰ ga ni andaŋ kɨbɨ tɨma dɨŋ ɨni na, kan jege gɨ gusɔn̰ hɔgɨwa gɨ nee le, naa Maltɨ.

Gɨye-lɔɔ 28:16

Kɨɗɨn̰ ga ni bugoŋ a Rɔm ɨni na, ɗege gɨyəŋ bɨn̰ Pol gɨ ban na ɨra sɔmɛ kan̰di a duroy ƴaa dɨŋ, ama kan ɗege asɨgar pɨna danayi gɨ ba-ame kɨbi.

Əbɨro 13:24

Laan̰gɨŋ ka-dɔrɛ tumoygɨŋ nɔm lapɨya bɨ, kalaŋ ga woyge dan̰ cɨndɨge nɔm lapɨya bɨ. Kalaŋ ga a cay gɨsəŋ ga Itali gaŋ ləgɨŋge lapɨya bɨ.