Gɨye-lɔɔ 26:32 - Gabri Maja

³² Ɨni na, Agɨripa yen̰ Pɛstus ye hɨn̰: «Ungo gɨ kɛ le, ban ni na ya tumɔ gɨ ɗi na gey orɨn̰ dan̰ bɔyɛ kɔl koyi le a tumoy kɨlma gɨ gumu Sejar naŋ na, ni ni kɨya ɗoyi daa kalɨn̰.»

Gɨye-lɔɔ 26:32 ပူးပေါင်းရင်းမြစ်များ

Gɨye-lɔɔ 24:27

Lee ɨlge sɔɔ ɨni na, Porsɨyus Pɛstus ɨrga ƴee ban̰di Peligɨs. Ama Peligɨs gey gɨ kalaŋ ga ni Jubɨ, gusɨge na mooge cayi, lee gɨ ban ɗe Pol dangay dɨŋ mɨjag.

Gɨye-lɔɔ 25:25

Ɨŋ-bandi na, ɨŋ sɨla hɨnga pɨna ga ban lee gɨ ɓal gɨ ban kɨya marɨn̰ naŋ. Ama hɨn̰ gɨ ban gusi ba geye gɨ ni orɨn̰ dan̰ bɔyɛ kɔl koyi gusi Sejar na, ɨŋ gey gɨyɨn̰ danayi gusi bɨ.

Gɨye-lɔɔ 28:18

Kɨɗɨn̰ ga kan ɨngɨrənge kɔl nɔm coŋ ɨni na, kan geyge ɗɔŋ daa. Kɨya wa kan waage kɔl pɨna a canɨ gɨ ɓal gɨ kan kɨya, boyɨn̰ kɔl tɨma canɨ naŋ.

Gɨye-lɔɔ 28:19

Ama na kɨya cay jɨbe gɨ kalaŋ ga ni Jubɨ jɨbəŋge sɛdɨ coŋ, ma ɗɨn̰ canɨ ma maŋ ɨngɨr gɨ ni ɨrgan̰ tumoy kɨlma gɨ gumu Sejar gɨ som a Rɔm. Dɨle orɨn̰ dan̰ ɨrɨme gɨ ni dɨbe kɔl a cay te wɔɔ gɨ da kalaŋ kange.

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.