Gɨye-lɔɔ 26:23 - Gabri Maja

²³ Kan yege gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰ bɨ, na kɨya mare bɨ, bɔyɛ lɨbe cay wase duroy kalaŋ ga madɨrdaŋ gaŋ bɨ, na kɨya gɨlɨn̰ te kalaŋ kani bɨ, te kalaŋ ga toyge na Jubɨ naŋ kɔl gɨ da asɨn̰a gɨ da pɔɗɛ le bɨ.»

Gɨye-lɔɔ 26:23 ပူးပေါင်းရင်းမြစ်များ

Matɨyo 26:24

Naa wa wa kalɨn̰ ma Kurɨn̰-ungo le, kɨya mare ɔrɛ hɨn̰ gɨ kan ba walge ojɨn̰ cayi a duroy Magtubu di da Kumu dɨŋ le. Ama hɨnga ga dɨmbɨre woy gam ungo gɨ ba-aye cay Kurɨn̰-ungo le. Ungo gɨ nee le, kan ni na wooyge naŋ kalɨn̰ ma golgo.»

Matɨyo 27:53

Kardi bɔyɛ lɨbe gɨ da Jesu na, kan andaŋge boy kamɨn̰aŋ gaŋ doŋ andɨn̰ge a Jerusalɛm cay ƴaa-di-gumu di woy dan̰ cɨndo dɨŋ, lee gɨ kalaŋ kondɨ solgege.

Kɔl-gɨ-Ɗari gɨ Lug wal 2:32

Ban na asɨn̰a gɨ kɨya gɨlɨn̰ te wɔɔ Gɨ da kalaŋ nɔm nɔm ga cay gɨsəŋ gaŋ gɨ ji na waŋ ga. Bɨ, kɨya dɨbe gusoŋ-tɔgɛ a cay kalaŋ kan̰ Ga a te wɨn̰je gɨ da Ɨsɨrayɛl gɨŋ bɨ.»

Kɔl-gɨ-Ɗari gɨ Lug wal 24:26

Kɨŋ sɨla hɨn̰ gɨ naa wa wa kalɨn̰ ma, Kɨris ban gɨ Kumu dorii le kɨya gɨle-cɨn̰ pa dɨm ma ban kɨya andɨn̰ a duroy gusoŋ-tɔgɛ gɨŋ naŋ ga?»

Kɔl-gɨ-Ɗari gɨ Lug wal 24:46

Ban yege hɨn̰: «Sɨlagɨŋ! Kan walge a duroy magtubu dɨŋ yege hɨn̰: Naa wa wa kalɨn̰ ma, Kɨris ban gɨ Kumu dorii le, kɨya wɔɔ cɨn̰-gɨle-cɨn̰ bɨ, wɔlɛ sɨbɨdi gɨŋ na, ban kɨya bɔyɛ lɨbe a duroy kalaŋ ga madɨrdaŋ gaŋ bɨ.

Kɔl-gɨ-Ɗari gɨ Ja̰ wal 10:18

Ungo pɨna gɨ ba ɓale dɨɗəŋ unɔ, ama na ɨŋ-bandi gusɨnɨ ba ɗɔɔ gusɨnɨ dan̰ kuduroy-geye hɨnge ɗe gɨ kan na dɨɗəŋge. Ɨŋ ɓal gɨ ni ɗɔɔ gusɨnɨ bɨ, ɨŋ ɓal gɨ ni jɔgɛ ƴɔɔ daa bɨ. Kɔl gɨ nee le, or pɨna dan̰ te tumɔ di Banɨ ay bəŋ le.»

Kɔl-gɨ-Ɗari gɨ Ja̰ wal 11:25

Jesu yoo hɨn̰: «Ɨŋ na bɔyɛ lɨbe gɨ da kalaŋ bɨ, ɨŋ na sɔmɛ-bɨra gɨ dan̰ cɨndi bɨ. Ungo gɨ na bɨga kuduroy canɨ na, ban na mara na mare kalɨn̰ ma, ban kɨya sɔmɛ-bɨra gɨ dan̰ cɨndi.

Gɨye-lɔɔ 13:34

«Kumu ye ɗaŋ coŋ hɨn̰ gɨ ɗi na kɨya boyi lɨbii duroy kalaŋ ga madɨrdaŋ gaŋ, ɗe gɨ kuyoŋdi-gusi na gɨ ɔsɨn̰ɛ naŋ. Ban ye kɔl gɨ nee le hɨn̰ wo̰: “Hɨnga ga woy dan̰ cɨndɨge Ga ɨŋ ay nonɨ ga ɨŋ kɨya lɔɔ dan̰ Dabid le, Ɨŋ kɨya loogɨŋ bɨ.”

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Gɨye-lɔɔ 26:8

Kɨya wa ma, kalaŋ duroygɨŋ solge gɨ bɔyɛ gɨ Kumu boy kalaŋ ga madɨrdaŋ lɨbge le, na hɨnga ga ni bɔgɛ kudurɔ cay nee naŋ ga?»

Gɨye-lɔɔ 3:18

Kumu ye tumɔ dan̰ noy ka-yɔɔ-kɔl-gɨ-Kumu-ba-yɔɔ nɔm, gɨ Kɨris ban gɨ Kumu dorii le, na kɨya wɔɔ cɨn̰-gɨle-cɨn̰. Na hɨnga ga nee le ma ban lee ɗe or kɨɗɨn̰dɨge gaŋ.

Gɨye-lɔɔ 3:24

«Na toy di hɨn̰ wo̰ ma, ka-yɔɔ-kɔl-gɨ-Kumu-ba-yɔɔ nɔm yege koldi wɔlɛ gɨ na ba somɨn̰gɨŋ boy nee labɨde, ayɨn̰ toy a cay ba-yɔɔ-kɔl-gɨ-Kumu-ba-yɔɔ Samɨyɛl dan̰ ka-yɔɔ-kɔl-gɨ-Kumu-ba-yɔɔ nɔm ga ɨrgage kardi.

1 Korɛ̰t 15:3

Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Kɔlɔs 1:18

Na ban coŋ ma na ba cay Ka-Daye. Ka-Daye na kuyoŋdi-gusi. Ban na ɗɔɔ te hɨnga bɨ, Ban na ba bɔyɛ lɨbe cay wase cɨg cɨg, Duroy kalaŋ ga madɨrdaŋ bɨ. Kumu lee hɨn̰ wo̰ ɗe ban na won̰, Ba cay wase cɨg cɨg gɨ da hɨnga nɔm.

Əbɨro 2:10

Leen̰ cɨndi, Kumu gɨ ba se hɨnga nɔm bɨ, gɨ hɨnga nɔm woy ojɨ cayi bɨ le, gey orɨn̰ dan̰ karɨn̰ Kumu dan̰ kondige boy gusoŋ-tɔgɛ koyi gɨŋ. Kɨya cay hɨnga ga nee le, ban̰ Kumu gɨ ban na laa ɗe ban gɨ ba haŋge gɨyəŋ gɨ da pɔɗɛ le, na duroŋ cɨrɛɗ jɨn̰ daa dan̰ gɨyəŋ gɨ da n̰age toyi.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.