Gɨye-lɔɔ 25:10 - Gabri Maja

¹⁰ Ama Pol jɨga dɨbii cay nee yey hɨn̰: «Ɨŋ ɨre na kɨɗɨn̰ bɔyɛ kɔl ga da kɨlma gɨ gumu gaŋ kɛ. Na a kɛ ma, ojɨ gɨ kan kɨya bɔyɛ kɔl canɨ a nee. Ɨŋ laa hɨnga ga dan̰ gɨyəŋdɨge naŋ dḛ wo̰ dan̰ kalaŋ ga ni Jubɨ naŋ. Hɨn̰ gɨ ji-bandi kalɨn̰ ma mɨn̰ ba solɨn̰ kuɗa le kɔ.

Gɨye-lɔɔ 25:10 ပူးပေါင်းရင်းမြစ်များ

Matɨyo 27:18

Piladɨ yege kɔl gɨ nee le, na kɨya gɨ ban sol gɨ na cɨn̰-pɨɗɨma ba lɔɔ gɨ ka-cay ka-bɔgɛ kɨbar ayɨn̰ge cay Jesu bii.

Matɨyo 27:19

Kɨɗɨn̰ ga Piladɨ som a kɨɗɨn̰ bɔyɛ kɔl gɨŋ na, tamdi gɨygɨ yeyi hɨn̰: «Ɗɔɔ ba dɔbɛ gusɨn̰ a duroy kɔl gɨ da ungo gɨ dan̰ durɔ ɗɨngar gɨ nee gɨŋ le naŋ. Kɨya wa labɨde mɨrɨn̰tɨn̰i ləŋ duroy sɔndɛ gɨŋ tɔgɨ kol cayi.»

Gɨye-lɔɔ 23:29

Bɨ ɨŋ sol gɨ kɔl gɨ kan si cayi le, ojɨ na cay gasɨn̰-kɔl kage kan, ma kan man̰ge kɔl cay nee. Ama hɨnga pɨna ga ojɨ cayi gɨ ungo kɨya saɗɨdii dan̰ mɔrɨyɔŋ naŋ le, dɨɗii le, unɔ.

Gɨye-lɔɔ 25:17

Kɨɗɨn̰ ga nee gaŋ le, kan ɨrgage danaŋ kɛ. Kardi wɔlɛ gɨ ni ba ɨrgan̰ le, ɨŋ gama dḛ wo̰ naŋ bɨ, ɨŋ or sɔmɛ kɨɗɨn̰ bɔyɛ kɔl gaŋ bɨ, ɨŋ ay nonɨ gɨ kan na ɨren̰ dan̰ ungo gɨ nee le.

Gɨye-lɔɔ 25:25

Ɨŋ-bandi na, ɨŋ sɨla hɨnga pɨna ga ban lee gɨ ɓal gɨ ban kɨya marɨn̰ naŋ. Ama hɨn̰ gɨ ban gusi ba geye gɨ ni orɨn̰ dan̰ bɔyɛ kɔl koyi gusi Sejar na, ɨŋ gey gɨyɨn̰ danayi gusi bɨ.

Gɨye-lɔɔ 25:6

Pɛstus sɨma danage laa wɔlɛ ɗɨn̰ margɨm wala, mɔjɨ naŋ bɨ, say jogɨ a Sejare. Wan̰dodo dɨŋ ɨni na, ban say or sɔmɛ kɨɗɨn̰ bɔyɛ kɔl gaŋ bɨ, ay noyi ɗe kan na ɨren̰ dan̰ Pol.

Gɨye-lɔɔ 26:31

Kɨɗɨn̰ ga kan andaŋge doŋ ɨni na, kan yen̰ge gusɨge kɔl yege hɨn̰: «Ungo gɨ kɛ le, laa hɨnga pɨna ga uja tɨmaydi naŋ bɨ, ga uja gɨ ungo gɨ saɗɨdi dan̰ mɔrɨyɔŋ naŋ bɨ.»

Gɨye-lɔɔ 28:18

Kɨɗɨn̰ ga kan ɨngɨrənge kɔl nɔm coŋ ɨni na, kan geyge ɗɔŋ daa. Kɨya wa kan waage kɔl pɨna a canɨ gɨ ɓal gɨ kan kɨya, boyɨn̰ kɔl tɨma canɨ naŋ.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.