Gɨye-lɔɔ 24:5 - Gabri Maja

⁵ Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Gɨye-lɔɔ 24:5 ပူးပေါင်းရင်းမြစ်များ

Matɨyo 10:25

Hɨn̰ gɨ ba-aye-cay-tɨbay ba-gɨlii hɨnga na gɨlɨn̰ dan̰ ba-gɨlii hɨnga bɨ, marɨna ba-gɨye na gɨlɨn̰ dan̰ ba-gulondi bɨ ɨni na, ɓal hɨn̰ wo̰. Hɨn̰ gɨ kalaŋ na ɨrage bɨrɨŋ tɔgɛge ba-ƴaa Bɛljebul na, kɛ kan gɨ tɔgɛge kan ga a duroy ƴaadi dɨŋ na mɨna bɨ ga?

Matɨyo 2:23

Ban or sɔmɛ a cay ƴaa-di-gumu di pɨna wo̰ di toge na Najarɛt, lee gɨ kɔl gɨ ka-yɔɔ-kɔl-gɨ-Kumu-ba-yɔɔ ba yege le or kɨɗɨn̰di gaŋ. Kan yege hɨn̰: «Kan kɨya togii na ungo gɨ Najarɛt.»

Marg 1:24

«Jesu gɨ Najarɛt, ji gey na wa gusɨni ga? Ji ɨrga na kɨya mondɨni ga? Ɨŋ solɨn̰ kuɗa wo̰: Ji woy dan̰ cɨndɨn̰, na Kumu ba gɨygɨn̰.»

Kɔl-gɨ-Ɗari gɨ Lug wal 23:19

Barabas le, na ungo gɨ kan ƴomiige dɨbige dangay dɨŋ, kɨya gɨ ban dɨbɨ do̰ a cay ƴaa-di-gumu dɨŋ bɨ, kɨya gɨ ban dɨɗɨ ungo bɨ.

Kɔl-gɨ-Ɗari gɨ Lug wal 23:2

Kan sayge sige kɔl cayi yege hɨn̰: «Ni way ungo gɨ kɛ le te mɔndɛ te wɔɔ gɨ da kalaŋ kana bɨ, narge gɨ kan na gɨ bɔyɛ hɔgɛ lambo bɨn̰ kɨlma gɨ gumu Sejar gɨ ba-dɔɔ cay ƴaa di Rɔm naŋ bɨ, ban ye gɨ ɗi ban mayi naa kɨlma Kɨris ban gɨ Kumu naa dorii le nee bɨ.»

Kɔl-gɨ-Ɗari gɨ Lug wal 23:25

Piladɨ dor ban gɨ kan dɨbiige dangay dɨŋ kɨya do̰ di ban dɨbɨ bɨ, kɨya tɨma di ban dɨɗɨ bɨ le, daa. Bɨ ban bɨge ban gɨ kan ba ɨngɨriige le. Bɨ ban dobɨ Jesu kobɨge, ɗe kan na leeyi hɨnga kage ga kuduroyge na ojɨ le.

Kɔl-gɨ-Ɗari gɨ Lug wal 23:5

Ama kan ƴomge osɨ yege hɨn̰: «Ban gosɨr kalaŋ dan̰ gɨle kɔl koyi, a cay gɨsəŋ ga Jude gaŋ nɔm. Ban ay toy na a cay gɨsəŋ ga Galile gaŋ bɨrɨŋ andɨn̰ a cay ƴaa-di-gumu di Jerusalɛm dɨŋ kɛ.»

Gɨye-lɔɔ 15:5

Ama ka-aye kudurɔ ga pɨna wo̰ ga ka-kɔbɛ kardi hɨnga gɨle ga da Parɨsɨn̰an̰əŋ sayge daa kɨɗɨn̰ dayaŋ gaŋ le yege hɨn̰: «Ka-aye kudurɔ ga na Jubɨ naŋ le, naa wa wa kalɨn̰ ma ojɨ gɨ kan walage ban̰a. Bɨ ojɨ gɨ ni na aya noyni bɨge ɗe kan na kɨba te gasɨn̰-kɔl gɨ da Moyis bɨ.»

Gɨye-lɔɔ 21:28

Kan dege sɨle yege hɨn̰: «Gɨrnigɨŋ daa, kalaŋ ga Ɨsɨrayɛl! Sɨlagɨŋ ungo gɨ ba gɔrɛ dan̰ kɨɗɨn̰ kɨɗɨn̰ nɔm gɨlɨn̰ kalaŋ nɔm ɗe na kayɨn̰ge te wɔɔ gɨ da kalaŋ kana bɨ, gasɨn̰-kɔl gɨ da Moyis bɨ, ƴaa-di-da-Kumu di ba woy kɛ bɨ le, ban ba kɛ! Bɨ haw kɛ kalaŋ ga toyge na Jubɨ naŋ kalɨn̰ ma, ban dorge andɨn̰ danage boy ƴaa-di-da-Kumu di woy dan̰ cɨndo dɨŋ le, say bɨloo leen̰ kɨɗɨn̰ ga lee kɨni.»

Gɨye-lɔɔ 22:22

Kalaŋ kondɨ ɨrege nee jege kɔl gɨ da Pol bɨrɨŋ andɨn̰ cay kɔl gɨ nee gɨŋ le. Ayge te dɔgɛ sɨle tɔgɨ yen̰ge hɨn̰: «Ungo gɨ hɨn̰ wo̰ le, na ungo gɨ ni ɗoyi sɔmɛ cay gɨsəŋ gaŋ naŋ! Kuɗa gɨ ni ɗoyi sɔmɛ dan̰ cɨndi naŋ! Kɨŋ dɨɗii coŋ!»

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 24:4

Ama ni gey jogdɨn̰ tɔgɨ naŋ bɨ, yɔɔ kɔl ɗɛj wo̰ bɨ. Na toy di hɨn̰ wo̰ ma, mani olɨn̰ gɨ ji laa kuduroy-ɗarwa danani bɨ. Dɨra sɨman̰ jan̰ kɔl koni dḛ bɨ.

Gɨye-lɔɔ 25:7

Kɨɗɨn̰ ga Pol ɨrga bugoŋ ɨni na, Jubɨn̰əŋ ga saygage Jerusalɛm le, ɨrgage nɨwɨrege cayi bɨ, ɗege kɔl gɨ osɨdəŋ tɔgɨ cayi bɨ, sɨn̰ge kɔl cayi. Ama kan ɓala gɨle gɨ kɔl gɨ nee le na cɨndi naŋ.

Gɨye-lɔɔ 26:5

Kan sɔlɔŋge na jɨne wo̰, hɨn̰ gɨ kan na gey na, kan ɓal gɨ ni lɔɔ tɨmon̰ kol canɨ. Gɨ ɨŋ na gor dan̰ gɨyəŋ gɨ da gɨle hɨnga ga da Parɨsɨn̰an̰əŋ bɨ, kalaŋ ga ni Jubɨ ga lun̰doŋge kardi gɨle hɨnga ga da kalaŋ ga ni Jubɨ tɔgɨ ɗɨn̰ Parɨsɨn̰an̰əŋ le unɔ.

Gɨye-lɔɔ 28:22

Ama ni-gandi na, ni gey gɨ ji naa ba yani dan̰ kɨbɨn̰ kon̰ kol cay hɨnga ga ji ɨrɨm. Kɨya wa ni sol gɨ ojɨ cay te kalaŋ kan̰ ga nee le, kalaŋ cɨbɨdɨge sɛdɨ sɛdɨ coŋ gon̰ kɨɗɨn̰ nɔm.»

Gɨye-lɔɔ 5:17

Kɨɗɨn̰ ga cɨn̰-pɨɗɨma say lee ka-cay ka-bɔgɛ kɨbar nɔm, dan̰ kalaŋ nɔm ga ba ɨre danage ga na Sadusɨn̰ɛn̰əŋ le. Kan ojɨge gɨ ni lɔɔ hɨnga.

Gɨye-lɔɔ 6:13

Kan ɨrgan̰ge dan̰ ka-poy ɗe kan na leege tɨmon̰ di ni poy a cayi. Bɨ kan yege hɨn̰: «Gɨlmi gɨ kɛ le ɗa yagɨde ƴaa-di-da-Kumu di woy dan̰ cɨndo dan̰ wɔlɛ pɨna pɨna naŋ bɨ, gasɨn̰-kɔl gɨ da Moyis naŋ bɨ.

1 Korɛ̰t 11:19

Ho’o, na wa wa kalɨn̰ ma ɗa gɨ ɗe puyoŋ woy duroygɨŋ ɗe kalaŋ ga leen̰ cɨndi gɨl gusɨge gerɨn̰ gerɨn̰ daa duroygɨŋ.

1 Korɛ̰t 4:13

Hɨn̰ gɨ kalaŋ na pɨya kɔl si cayni na, ni dɨbɨge kɔl cay nee dan̰ te tumɔ di jali. Bɨrɨŋ gɨsɨn̰ labɨde kalɨn̰ ma, ni woy gɨlɨn̰ na hɨn̰ cay gubu gɨ da kalaŋ ga cay gɨsəŋ gaŋ wo̰. Ni woy gɨlɨn̰ na hɨn̰ hɨnga ga beege coŋ wo̰ bɨ.

1 Pɨyɛr 2:19

Sɨlagɨŋ, waŋ waŋ gɨ na ƴɨma kuduroy usa dan̰ dɨbe ɗugɔ, kɨya gɨ ban ɨrɨm cay Kumu kɨɗɨn̰ ga kalaŋ leeyige ɨsɨna cay naji toyi dɨŋ na, ungo gɨ nee le Kumu kɨya tɔrɛ kɨbi a cayi.