Gɨye-lɔɔ 24:25 - Gabri Maja

²⁵ Ama kɨɗɨn̰ ga Pol dor kɔl gɨ ojɨ cay gɨye-lɔɔ gɨ dan̰ durɔ ɗɨngar bɨ, ƴɔmɛ-gusɨn̰ cay hɨnga nɔm bɨ, cay bɔyɛ kɔl gɨ ba kɨya ɨrga bɨ na, hundɔrɔ le Peligɨs lee gɨ ban yey hɨn̰: «Haw kɛ na, dɨra gusɨn̰ gusɨnɨ coŋ. Hɨn̰ gɨ ɨŋ na waa gɨyəŋ na, ɨŋ kɨya togɨn̰ ƴee.»

Gɨye-lɔɔ 24:25 ပူးပေါင်းရင်းမြစ်များ

Matɨyo 22:5

Ama kalaŋ ga kan molge le, dɨlage dḛ wo̰ cay nee naŋ bɨrɨŋ, lee gɨ orge kɨɗɨn̰ ɔrɛdɨge gaŋ. Ga pɨna orge kɨɗɨn̰ yage kage gaŋ bɨ, ga ɗaŋ orge kɨɗɨn̰ gɨyaw kage gaŋ bɨ.

Kɔl-gɨ-Ɗari gɨ Ja̰ wal 16:8

Kɨɗɨn̰ ga ban na bugoŋ ɨni na, ban kɨya lɔɔ gɨ cɨn̰ kalaŋ ga cay gɨsəŋ gaŋ kɨya hangaŋ cay ɨsɨna gɨŋ bɨ, cay gɨye-lɔɔ gɨ dan̰ durɔ ɗɨngar bɨ, cay bɔyɛ kɔl gɨ da Kumu bɨ.

Gɨye-lɔɔ 10:42

Ban ye ni gɨ ni na tɨga bɛrnɛ bɨn̰ kalaŋ nɔm bɨ, ni na laa tɨmon̰ ya hɨn̰: Na ban ma Kumu dorii hɨn̰ ba-bɔyɛ kɔl cay kalaŋ ga som-bɨra bɨ, cay kalaŋ ga madɨrdaŋ gaŋ bɨ.

Gɨye-lɔɔ 17:13

Ama kɨɗɨn̰ ga Jubɨ ga Tesalonigɨ jege gɨ Pol na tee bɛrnɛ kɔl gɨ da Kumu a cay ƴaa-di-gumu di Bere dɨŋ na, kan ɨrgage gosɨrge kalaŋ bɨ, dɨbɨge do̰ ɗe kuduroy kalaŋ na homge cay Pol bɨ.

Gɨye-lɔɔ 17:2

Duroy dɨmasɨ sɨbɨ, Pol som duroy ƴaa gɨ ni daye gɨŋ dan̰ wɔlɛ dɔrɛ gɨlale gɨ da Jubɨ nɔm, hɨn̰ gɨ ban ba leede daa daa bɨ, arɨn̰ kɔl danage ojɨn̰ cay kɔl gɨ kan walge duroy Magtubu di da Kumu dɨŋ di woy dan̰ cɨndo le.

Gɨye-lɔɔ 17:32

Kɨɗɨn̰ ga kan je kol mare bɨ, bɔyɛ lɨbe bɨ ɨni na, kan ga pɨna sogiige bɨ, kan ga ɗaŋ yege hɨn̰: «Wɔlɛ gɨ ɗaŋ gɨŋ dɨm ma, ma ni gɨ jɔɔ kɔl kon̰ a cay kɔl gɨ nee le ƴee.»

Gɨye-lɔɔ 2:37

Kɨɗɨn̰ ga kalaŋ le jege kɔl gɨ nee le na, ɗugoyge adɨldɨge been̰ been̰. Lee gɨ kan ɨngɨr Pɨyɛr bɨ, ka-gɨre-gɨye ga ɗaŋ bɨ yege hɨn̰: «Karmɨni, kɛ ni gɨ lɔɔ na mɨna ga?»

Gɨye-lɔɔ 24:15

Ɨŋ bee ɨrɨmenɨ a cay Kumu hɨn̰ gɨ kan kalɨn̰ ma ba been̰ge kuduroyge cayi wo̰ bɨ. Gɨ kalaŋ ga dan̰ durɔ ɗɨngar bɨ, ga dan̰ durɔ ɗɨngar naŋ bɨ, ga mage le, Kumu kɨya boyge lɨbge.

Gɨye-lɔɔ 24:26

Ban ɨrɨm gɨ gajanaŋ Pol na kɨya bii gursu. Na toy di hɨn̰ wo̰ ma, ban gɨydɨde daa daa cayi ɗe ban na ɨrga ar kɔl danayi.

Gɨye-lɔɔ 26:28

Ɨni na, Agɨripa jɨga yen̰ Pol ye hɨn̰: «Baa mɨnde gɨ ji kɨya bɔgɛ kɔl kuduronɨ ɗe gɨ ɨŋ na bɨlɨn̰ ba kɔbɛ Kɨris ɨni!»

Gɨye-lɔɔ 9:6

Ama sa daa andaŋ a Damas bɨ, ungo gɨ pɨna wo̰ kɨya gɨlɨn̰ hɨnga ga ojɨ gɨ ji kɨya lɔɔ.»

Magtubu di Pol wal bɨn̰ kalaŋ ga Rɔm 12:1

Ay karmɨnɨ ga ban̰aŋ dan̰ ga kandɨ, ɨŋ dobɨ bandɨ kuduroygɨŋ na kol sɔlɛ cɨn̰-n̰age da Kumu di kɨŋ way, waŋ waŋ kalɨn̰ ma duroygɨŋ aya gusi bɨn̰ Kumu, hɨn̰ hɨnga ga ni bogɨn̰ kɨbar ga woy bɨra bɨ, ga woy dan̰ cɨndɨge bɨ, ga ƴee cɨn̰ Kumu bɨ. Gɨ nee le mana n̰ɨre Kumu gɨ dan̰ gɨyəŋdi.

Magtubu di Pol wal bɨn̰ kalaŋ ga Rɔm 14:12

Na hɨn̰ wo̰ ma, waŋ waŋ kalɨn̰ ma duroyna kɨya dɔrɛ kardi gɨye-lɔɔdi dan̰ gusi koyi bɨn̰ Kumu.

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

2 Korɛ̰t 5:10

Kɨya wa naa wa wa kalɨn̰ ma, na-gandi nɔm na kɨya ɨregɨŋ tumoy Kɨris ɗe ban na bon̰ kɔl caynagɨŋ. Kɨɗɨn̰di ga nee gaŋ le na, waŋ waŋ kalɨn̰ ma kɨya wɔɔ hɨnga ojɨn̰ cay gɨye-lɔɔdi gɨ ɗari, naŋ le gɨ ɨsɨni, na hɨnga ga ban lee kɨɗɨn̰ ga ban ban̰ dan̰ kuyoŋdi-gusi a cay gɨsəŋ gaŋ kɛ.

2 Korɛ̰t 6:2

Na cɨndi Kumu ye a duroy magtubu toy dɨŋ hɨn̰: «A boy tɨwa di ba kuɗa, Di ni leen̰ ɗarwa dɨŋ le, Ɨŋ je noy ɔlɛ kon̰. A boy wɔlɛ pɔɗɛ gɨŋ le, Ɨŋ gɨrɨn̰ daa.» Jagɨŋ, na tɨwa di ba kuɗa di Kumu kɨya leen̰ ɗarwa ba kɛ. Na wɔlɛ gɨ ni pɔɗɛ ba kɛ.

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Galad 5:23

kaledi ungo gɨ jal bɨ, dɔnɔ di ni ƴomɨn̰-gusɨn̰ cay hɨnga bɨ. Hɨnga ga nee le nɔm, gasɨn̰-kɔl kan̰age naŋ.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

Titɨ 1:8

Ama kuɗa gɨ ban wɨya na ungo gɨ ba ƴɔmɛ kɨrge gusi bɨ, na ungo gɨ hɨnga ga ɗari moyi lɔɔ bɨ. Ban kɨya sɔlɛ na hɨnga ga ɗari dɨm ma kɨya lɔɔ bɨ, na ungo gɨ ba lɔɔ hɨnga ga dan̰ durɔ ɗɨngar bɨ, hɨnga ga woy dan̰ cɨndɨge bɨ, ungo gɨ ba ƴɔmɛ gusi osɨwa cay hɨnga gaŋ bɨ.

Əbɨro 12:21

Hɨnga ga kan ba sol a wɔlɛdi gɨ nee gɨŋ le, dor turnoyge gɨɗaŋ lee gɨ Moyis or bɨrɨŋ yɔ hɨn̰: «Hundɔrɔ ləŋ tɔgɨ bɨ, ɨŋ sayde paɗɨ paɗɨ bɨ.»

Əbɨro 3:13

Ama dɨbagɨŋ bandɨ kuduroy gusɨgɨŋ dan̰ wɔlɛ pɨna pɨna. Sɨlagɨŋ kuɗa gɨ kɨɗɨn̰ ga magtubu ba ye: Labɨde na, duroy na labɨde kol cayna bɨ. Hɨn̰ wo̰ na dɨbagɨŋ bandɨ kuduroy gusɨgɨŋ, ɗe ɨsɨna nar cɨn̰ ungo duroygɨŋ dɨrsɨn̰ toyi a cay nee naŋ.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Əbɨro 6:2

hɨnga ga ni gɨle ga ojɨ cay batɛm ga toyge kan̰dɨge kan̰dɨge bɨ, cay dɨbe-kɔbɔ cay kalaŋ bɨ, cay kalaŋ ga ma ga kɨya bɔyɛge lɨbe bɨ, cay bɔyɛ kɔl gɨ dan̰ tumoyi yɔd bɨ.

Əbɨro 9:27

Na cɨndi, Kumu gɨsɨ gɨ waŋ waŋ kalɨn̰ ma na kɨya mare naa cay pɨna ƴɔbɨ bɨ, kardi nee bɔyɛ kɔl na ba kɨya ɨrga kardi tɨma dɨŋ.

Magtubu di Jag wal 2:19

Kumu na pɨna hayi kəɗ kəɗ kɛ ji gey cay nee han̰ ga? Kuɗa na ase naŋ. Turnɔ ga ɨsɨndəŋ kalɨn̰ ma, beege kuduroyge cayi na hɨn̰ wo̰ bɨ, ama juɗudonge-bɛrɛ dan̰ hundɔrɔ jag jag.

1 Pɨyɛr 3:15

Ama Kɨris gɨ na Ba-gulɔŋ le, dɨrayigɨŋ sigɨŋ dan̰ cɨndi a ɗugoygɨŋ. Sɨmagɨŋ a cay tɨbaygɨŋ dɨŋ dan̰ wɔlɛ pɨna pɨna, ɗe agɨŋ dorɨn̰ te hɨnga ga kɨŋ ba bee ɨrɨmedɨgɨŋ cay nee le, tumoy kalaŋ ga ka-ɨngɨrgɨŋ toyge le.

2 Pɨyɛr 1:6

sɨgɨŋ a cay hɨnga ga ni sɔlɛ gaŋ, dɔnɔ di ni ƴomɨn̰ gusu osɨwa a cay hɨnga bɨ, sɨgɨŋ dɔnɔ di ni ƴomɨn̰ gusu osɨwa cay haye-kudurɔ gɨŋ bɨ, sɨgɨŋ a cay haye-kudurɔ gɨŋ gɨye-lɔɔ gɨ bəgɨŋ pɨna dan̰ Kumu bɨ,

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:7

Ay, karɨnɨ, ɗɔɔgɨŋ ungo nare cɨndɨgɨŋ naŋ. Waŋ waŋ gɨ na laa hɨnga ga dan̰ durɔ ɗɨngar na, na ungo gɨ dan̰ durɔ ɗɨngar hɨn̰ gɨ Kɨris na ungo gɨ dan̰ durɔ ɗɨngar wo̰ bɨ.