Gɨye-lɔɔ 24:22 - Gabri Maja

²² Peligɨs sol hɨnga ga ojɨ cay gɨyəŋ gɨ da Kɨris kuɗa, lee gɨ ban boyge wɔlɛ gɨ ɗaŋ bɨ, yege hɨn̰: «Hɨn̰ gɨ Lɨjɨyas gumu gɨ da asɨgarn̰əŋ ga dubu na ɨre bugoŋ na, ɨŋ kɨya bɔyɛ kɔl kogɨŋ ƴee.»

Gɨye-lɔɔ 24:22 ပူးပေါင်းရင်းမြစ်များ

Matɨyo 2:7

Ɨni na, Ɛrɔd te ka-sɔlɛ hɨnga boy dɛsɨɗɛŋ gaŋ le dan̰ wɔsɛ bɨ, ɨngɨrge yege hɨn̰: «Kɛ na boy wɔlɛ gɨ ani gɨŋ ma, dɛsɨɗɛŋ da kɨlma le, andɨn̰ nee ga?»

Gɨye-lɔɔ 18:20

Kan ɨngɨrige gɨ ban na sɨma danage lam nee, ama ban kan̰ coŋ.

Gɨye-lɔɔ 19:40

Dayaŋ kona gɨ labɨde kɛ le na ɓalgɨŋ won̰ kɔl nee. Bɨ ɓal gɨ kan kɨya ɗɔɔ kɔl gɨ ni gɔsɨrɛ kalaŋ ɗe na kayɨn̰ge kɔl kɨbɨ kɛrɨmbɛlɛŋ kana cayna bɨ. Kɨya wa na ɨran̰ dan̰ kɔl pɨna gɨ ni gɨlɨn̰ kalaŋ te dayaŋ kona le naŋ.» Kɨɗɨn̰ ga ban ye kɔl gɨ nee le ɨni na, ban yen̰ kalaŋ ga ba dayaŋge le, ɗe na busoŋge.

Gɨye-lɔɔ 24:10

Kɨɗɨn̰ ga ba-kɨbɨ kɨlma gɨ gumu dobɨ kobi a cay Pol gɨ ban na ya kɔl gaa ma, Pol yey hɨn̰: «Ɨŋ sol gɨ ji na ba-bɔyɛ kɔl a cay te wɔɔ gɨ da kalaŋ ga ba kɛ le, ɨlge kondɨ labɨde. Lee gɨ ɨŋ ɨre tumon̰ na dan̰ kuduronɨ ga pɨna kɨya dorɨn̰ kɔl ɗe gɨ aŋ na dorɨn̰ kɔl canɨ coŋ.

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 24:24

Wɔlɛ lam wo̰ kardi nee na, Peligɨs dan̰ tamdi Dursil di na Jubɨ le ɨrgage. Ban gɨy te Pol, kɨya wa ban gey jɔɔ kɔl gɨ ojɨ cay bɔgɛ kudurɔ cay Jesu-Kɨris.

Gɨye-lɔɔ 24:6

Ban mal gɨyəŋ gɨ ɗe ƴaa-di-da-Kumu na laa kɨni, ama ni say bugoŋ cayi ƴomii. [Ni gey gɨ ni bɔyɛ kɔl cayi dan̰ gɨyəŋ gɨ da gasɨn̰-kɔl kani.

Gɨye-lɔɔ 25:26

Ama hɨn̰ gɨ ɨŋ na kɨya orɨn̰ danayi bɨn̰ Sejar na, ɨŋ sɨla hɨnga ga jɛɗ ga ɨŋ kɨya wale duroy magtubu dɨŋ kɔl cayi naŋ. Na toy di hɨn̰ wo̰ ma, maŋ ɨrgan̰ danayi tumoygɨŋ bɨ, tumoy kɨlma Agɨripa bɨ. Gajanaŋ kɨɗɨn̰ ga ni na ja kɔl koyi na, ɨŋ kɨya wɔɔ hɨnga ga ojɨ wale a duroy magtubu dɨŋ.

Gɨye-lɔɔ 26:3

Kɨya wa hada ga da kalaŋ ga ni Jubɨ nɔm bɨ, hɨnga ga kan man̰ɨn̰ge kɔl cay nee ɨngɨr bɨ le, ga mɨn̰ɨn̰ unɔ. Lee gɨ ɨŋ olɨn̰ gɨ ji dɨra sɨman̰ kuɗa jan̰ kɔl gɨ ɨŋ ba kɨya dɔrɛ kɛ le.»

Gɨye-lɔɔ 9:2

Ban or wan̰ mangɨl gɨ da ka-cay ka-bɔgɛ kɨbar bɨ, ɨngɨri magtubu di ɗe bii te tumɔ dan̰ guson̰ ƴaa-daye-di-da-Jubɨn̰əŋ ga Damas, ɗe hɨn̰ gɨ ɗi na waa ban̰aŋ dan̰ kandɨ, ga ayge gɨyəŋ kardi Ba-gulɔŋ na, ay na saɗɨdɨgage ɨrgan̰ danage a Jerusalɛm.