Gɨye-lɔɔ 24:14 - Gabri Maja

¹⁴ Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 24:14 ပူးပေါင်းရင်းမြစ်များ

Matɨyo 10:32

«Waŋ waŋ gɨ na ya tumoy kalaŋ gɨ ɗi naa ungo hɨnge na, ɨŋ-bandi kalɨn̰ ma, ɨŋ kɨya yɔ gɨ ɨŋ naa koyi tumoy Banɨ gɨ som a daa nii bɨ.

Matɨyo 22:40

Te tumɔ ga sɔɔ kɛ le, ma na ƴoy gasɨn̰-kɔl gɨ da Moyis nɔm dan̰ hɨnga ga ni gɨle ga da ka-yɔɔ-kɔl-gɨ-Kumu-ba-yɔɔ.»

Matɨyo 7:12

«Hɨnga nɔm ga kɨŋ gey gɨ kalaŋ na laa danagɨŋ le, kɨŋ kalɨn̰ ma, laagɨŋ danage hɨn̰ wo̰ bɨ. Na ban ma na hɨnga ga gasɨn̰-kɔl gɨ da Moyis bɨ, ga da ka-yɔɔ-kɔl-gɨ-Kumu-ba-yɔɔ bɨ, gɨlnagɨŋge gɨ na na laagɨŋ.

Kɔl-gɨ-Ɗari gɨ Lug wal 1:70

Na hɨnga ga nee le ma, Ban naa ye koldɨge jɨne hayi ni ba je le. Ban ɗe kɔl le na kɨbɨ ka-yɔɔ-kɔl-gɨ-Kumu-ba-yɔɔ Ga na kalaŋ kayi ga woyge dan̰ cɨndɨge.

Kɔl-gɨ-Ɗari gɨ Lug wal 16:16

«Kalaŋ leege gɨye dan̰ magtubu Gasɨn̰-kɔl gɨ da Moyis bɨ, dan̰ magtubu di da ka-yɔɔ-kɔl-gɨ-Kumu-ba-yɔɔ bɨ bɨrɨŋ andɨn̰ge a boy wɔlɛ gɨ da Ja̰ ba-lɔɔ batɛm gɨŋ. An̰ toy wɔlɛdi gɨ nee gɨŋ le, kan teege bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨ, waŋ waŋ kalɨn̰ ma na ungula gusi ɗe na andɨn̰ nee.

Kɔl-gɨ-Ɗari gɨ Lug wal 16:29

Abɨraham jɨga dɨbii cay nee yeyi hɨn̰: “Magtubu di da Moyis dan̰ magtubu di da ka-yɔɔ-kɔl-gɨ-Kumu-ba-yɔɔ woyge nee kɨya halge: Kuɗa gɨ kan ja kɔl koge.”

Kɔl-gɨ-Ɗari gɨ Lug wal 24:27

Ɨni na, Jesu dor te kɔl gɨ ojɨ cayi, gɨ kan walge duroy Magtubu di da Kumu dɨŋ. Ban ay toy a cay magtubu da Moyis dɨŋ bɨrɨŋ, andɨn̰ duroy Magtubu di da ka-yɔɔ-kɔl-gɨ-Kumu-ba-yɔɔ nɔm.

Kɔl-gɨ-Ɗari gɨ Lug wal 24:44

Kardi nee ban yege hɨn̰: «Sɨlagɨŋ! Na kɔl gɨ ɨŋ ba yəgɨŋ kɨɗɨn̰ ga ɨŋ ba ban̰ danagɨŋ ƴee le: Kɔl gɨ kan walge ojɨn̰ canɨ duroy magtubu gasɨn̰-kɔl gɨ da Moyis dan̰ ka-yɔɔ-kɔl-gɨ-Kumu-ba-yɔɔ dan̰ magtubu Dɔgɛ kɨra le, naa wa wa kalɨn̰ ma, kɨya ɔrɛ kɨɗɨn̰dɨge gaŋ.»

Kɔl-gɨ-Ɗari gɨ Ja̰ wal 1:45

Pilib way Natanɨyɛl bɨ, yeyi hɨn̰: «Ni way ban gɨ kan walge koldi, ɗe duroy magtubu Gasɨn̰-kɔl gɨ da Moyis gɨŋ bɨ, duroy magtubu da ka-yɔɔ-kɔl-gɨ-Kumu-ba-yɔɔ gɨŋ bɨ le. Na Jesu kurɨn̰ Jɨsɛb gɨ Najarɛt.»

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 13:15

Ungo gɨ pɨna wo̰, say ɗongɨsɨ magtubu gasɨn̰-kɔl gɨ da Moyis bɨ, di da ka-yɔɔ-kɔl-gɨ-Kumu-ba-yɔɔ bɨ. Kardi nee ɨni na, ka-sɔmɛ a cay ƴaa-daye-di-da-Jubɨn̰əŋ le, gɨyge yege hɨn̰: «Karmɨni, hɨn̰ gɨ kɨŋ na ɨran̰ dan̰ kɔl gɨ kɨya dɔbɛ bandɨ kuduroy kalaŋ ga ba dayaŋge kɛ le na, yanigɨŋ.»

Gɨye-lɔɔ 15:5

Ama ka-aye kudurɔ ga pɨna wo̰ ga ka-kɔbɛ kardi hɨnga gɨle ga da Parɨsɨn̰an̰əŋ sayge daa kɨɗɨn̰ dayaŋ gaŋ le yege hɨn̰: «Ka-aye kudurɔ ga na Jubɨ naŋ le, naa wa wa kalɨn̰ ma ojɨ gɨ kan walage ban̰a. Bɨ ojɨ gɨ ni na aya noyni bɨge ɗe kan na kɨba te gasɨn̰-kɔl gɨ da Moyis bɨ.»

Gɨye-lɔɔ 19:23

A boy ɨlgedi gɨ nee le, kɔl gɨ gumu baa a cay ƴaa-di-gumu di Epɛs dɨŋ, kɨya cay gɨyəŋ gɨ da Ba-gulɔŋ.

Gɨye-lɔɔ 19:9

Ama kondɨwadɨge leege cay osɨwa kan̰ɨn̰ge bɔgɛ kuduroyge cay nee bɨ, yen̰ge kɔl gɨ ɨsɨni ojɨn̰ cay gɨyəŋ gɨ da Ba-gulɔŋ tumoy kalaŋ ga dayge cayge le. Kɨɗɨn̰ ga nee le, Pol dor gusi coŋ bɨ, don ka-aye-cay-tɨbay Jesu orɨn̰ danage. Ban gɨlge kɔl gɨ da Kumu dan̰ wɔlɛ pɨna pɨna a duroy ƴaa gɨle hɨnga ga da Tiranus dɨŋ.

Gɨye-lɔɔ 22:14

Ban yəŋ ɗaŋ coŋ hɨn̰: “Kumu gɨ da mon̰inagɨŋ dorɨn̰ tumɔ hayi, ɗe an̰ na solɨn̰ hɨnga nɔm ga kuduroyi gey bɨ, ɗe an̰ na solɨn̰ gɨ pɨna hayi kəɗ kəɗ gɨ ba-durɔ ɗɨngar gɨ na Jesu bɨ, ɗe gɨ ji na jan̰ tumoyi bɨ.

Gɨye-lɔɔ 24:22

Peligɨs sol hɨnga ga ojɨ cay gɨyəŋ gɨ da Kɨris kuɗa, lee gɨ ban boyge wɔlɛ gɨ ɗaŋ bɨ, yege hɨn̰: «Hɨn̰ gɨ Lɨjɨyas gumu gɨ da asɨgarn̰əŋ ga dubu na ɨre bugoŋ na, ɨŋ kɨya bɔyɛ kɔl kogɨŋ ƴee.»

Gɨye-lɔɔ 24:5

Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Gɨye-lɔɔ 25:8

Pol dor kɔl cayi coŋ yen̰ hɨn̰: «Ɨŋ laa hɨnga ga dan̰ gɨyəŋdɨge naŋ pɨna wo̰ hangɨɗan̰ cay Gasɨn̰-kɔl ga da kalaŋ ga ni Jubɨ wo̰ naŋ bɨ, laan̰ hɨnga ga ɨsɨni dan̰ ƴaa-di-da-Kumu naŋ bɨ, dan̰ kɨlma gɨ gumu gɨ ni Sejar naŋ bɨ.»

Gɨye-lɔɔ 26:22

Ama na kɨya dɨbe gɨ Kumu dɨbɨ kobi canɨ amaŋ bɨrɨŋ gɨsɨn̰ labɨde le ma maŋ ɨrɨn̰ kɛ, ɨrɨn̰ leen̰ tɨmon̰ tɨnge tumoy kalaŋ nɔm ga gɨmdəŋ bɨ, ga n̰ən̰əŋ bɨ. Na kol hɨnga ga ka-yɔɔ-kɔl-gɨ-Kumu-ba-yɔɔ bɨ, Moyis ba yege gɨ naa wa wa kalɨn̰ ma, na kɨya lɔɔ gusɨge le, ma maŋ ye ɗɔɔ ƴɔbɨ.

Gɨye-lɔɔ 26:27

Kɨlma Agɨripa, ji bee kuduron̰ cay kɔl gɨ ka-yɔɔ-kɔl-gɨ-Kumu-ba-yɔɔ ba yege le ga? Ɨŋ sol kuɗa gɨ ji bee kuduron̰ cay nee.»

Gɨye-lɔɔ 26:4

«Hɨnga ga ɨŋ lee duroy te wɔɔ gɨ da kalaŋ kange bɨ, boy cay ƴaa-di-gumu di Jerusalɛm dɨŋ bɨ, dan̰ n̰əŋnɨ bɨrɨŋ gɨ ɨŋ malgɨn̰ le, kalaŋ ga ni Jubɨ nɔm solge kuɗa.

Gɨye-lɔɔ 26:6

Bɨ hɨn̰ gɨ kan na ɨren̰ danaŋ kɨɗɨn̰ bɔyɛ kɔl gaŋ kɨya bɔyɛ kɔl canɨ labɨde na, na kɨya cay bɔgɛ gɨ ɨŋ bee ɨrɨmenɨ cay kɔl gɨ Kumu ye gɨ ɗi na kɨya lɔɔ bɨn̰ mon̰inagɨŋ le.

Gɨye-lɔɔ 28:22

Ama ni-gandi na, ni gey gɨ ji naa ba yani dan̰ kɨbɨn̰ kon̰ kol cay hɨnga ga ji ɨrɨm. Kɨya wa ni sol gɨ ojɨ cay te kalaŋ kan̰ ga nee le, kalaŋ cɨbɨdɨge sɛdɨ sɛdɨ coŋ gon̰ kɨɗɨn̰ nɔm.»

Gɨye-lɔɔ 28:23

Kan boyge wɔlɛ gɨ ɗaŋ gɨ kan kɨya wan̰ gusɨge. Bɨ kɨɗɨn̰ ga wɔlɛ gɨ kan boyge le ɓal na, kan jɨgage way gusɨge a tayi. Kondɨwayge ɗɨn̰ ga cay wase coŋ. Are-kɔl koge ay toy dan̰ jogɨɗu bɨrɨŋ tɨwa ɗobɨ cayge. Pol dor te gɨle hɨnga kayi bɨge: Ban tee bɛrnɛ di da dɔɔ-ƴaa di da Kumu bɨge bɨ, mal gɨ ni ƴɔmɛ kɨbɨge ɗe kan na ayan̰ kuduroyge bɨn̰ Jesu bɨ. Ban ay toy danage na a cay gasɨn̰-kɔl gɨ da Moyis gaŋ bɨrɨŋ andɨn̰ a duroy magtubu di da ka-yɔɔ-kɔl-gɨ-Kumu-ba-yɔɔ dɨŋ.

Gɨye-lɔɔ 3:13

Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.

Gɨye-lɔɔ 5:30

Kumu gɨ da mon̰inagɨŋ le boy Jesu gɨ kɨŋ ba gagɨli cay sɨya-gɨ-dagɨli gɨŋ dɨɗii le lɨbii.

Gɨye-lɔɔ 7:32

“Ɨŋ na Kumu gɨ da mon̰iigɨŋ bɨ, Kumu gɨ da Abɨraham bɨ, Isag bɨ, Jagob bɨ.” Kɨɗɨn̰ ga ban ba je kɔl gɨ nee le hɨn̰ wo̰ na, gusi n̰orii jag jag dan̰ hundɔrɔ bɨ, tabɨlaŋdi sɔlɛ kɨɗɨn̰ ga tɨwa ba ƴee nee le laayi naŋ bɨrɨŋ, kɨya cay hundɔrɔ.

Gɨye-lɔɔ 9:2

Ban or wan̰ mangɨl gɨ da ka-cay ka-bɔgɛ kɨbar bɨ, ɨngɨri magtubu di ɗe bii te tumɔ dan̰ guson̰ ƴaa-daye-di-da-Jubɨn̰əŋ ga Damas, ɗe hɨn̰ gɨ ɗi na waa ban̰aŋ dan̰ kandɨ, ga ayge gɨyəŋ kardi Ba-gulɔŋ na, ay na saɗɨdɨgage ɨrgan̰ danage a Jerusalɛm.

Magtubu di Pol wal bɨn̰ kalaŋ ga Rɔm 1:9

Kumu gɨ ɨŋ lee gɨye bii dan̰ kuyoŋdi-gusɨnɨ nɔm a te tɔgɛ bɛrnɛ di da Kɔl-gɨ-Ɗari gɨ ojɨ cay Kurondi le, ɓal lɔɔ tɨmon̰ hɨnge gɨ ɨŋ na woy te ɨrɨme kol caygɨŋ daa daa bɨ, ɨŋ ol Kumu kol caygɨŋ

Magtubu di Pol wal bɨn̰ kalaŋ ga Rɔm 3:21

Ama haw kɛ na, Kumu wasɨn̰ gɨyəŋ gɨ ban bɨlɨn̰ kalaŋ leen̰ kalaŋ ga dan̰ durɔ ɗɨngar a cɨndi dɨle gasɨn̰-kɔl. Gɨyəŋ gɨ nee le gasɨn̰-kɔl gɨ da Moyis bɨ, magtubu da ka-yɔɔ-kɔl-gɨ-Kumu-ba-yɔɔ bɨ, naa leege tɨmon̰di.

1 Korɛ̰t 11:19

Ho’o, na wa wa kalɨn̰ ma ɗa gɨ ɗe puyoŋ woy duroygɨŋ ɗe kalaŋ ga leen̰ cɨndi gɨl gusɨge gerɨn̰ gerɨn̰ daa duroygɨŋ.

Galad 5:20

n̰ɨre kula bɨ, lɔɔ tɨmba bɨ, ƴɔmɛ-ungo-kuduron̰ bɨ, bɔjɨn̰ɛ bɨ, cɨn̰-pɨɗɨma bɨ, lɔɔ kuduroy-hɔmɛ bɨ, jangɨ bɨ, gasɨn̰-ɓalɨn̰a naŋ bɨ, pɔyɛ kalaŋ duroy nee bɨ,

2 Timote 1:3

Ɨŋ leen̰ Kumu gɨ ɨŋ lee gɨye bii dan̰ ɨrɨmenɨ gɨ arɨn̰ cərərə hɨn̰ gɨ mon̰ɨnɨ ba leen̰ge gɨye le ho’o. Kɨɗɨn̰ ga daa daa, duroy son̰do dan̰ tɨwa di ɨni bɨ, ɨŋ ɨrɨm kol can̰ boy ɔlɛ hɨnge gɨŋ na, ɨŋ leeyi ho’o.

Titɨ 3:10

Ungo gɨ ani ani gɨ ba gɨlɨn̰ kalaŋ hɨnga ga toyge kan̰dɨge kan̰dɨge bɨ poyɨn̰ karmii le, ji sɨga sɨmayi tɨbaa pɨna, tɨbaa sɔɔdi bɨ, kardi nee na puyoŋ wandɨ danayi.

1 Pɨyɛr 1:11

Turnɔ di da Kɨris di woy kuduroyge le gɨlge gɨle-cɨn̰ da Kɨris tumɔ haa bɨ, gusoŋ-tɔgɛ gɨ ban ba kɨya wɔɔ kardi gɨle-cɨn̰ di nee dɨŋ le bɨ. Kan malge toyi gɨɗaŋ kɨya solɨn̰ge gɨ hɨnga nɔm ga nee le na kɨya ɨrga naa dan̰ wɔlɛ gɨ ani gɨŋ bɨ, dan̰ gɨyəŋ gɨ mɨna bɨ ga?

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»